Yoˇhaˬ 1:30 - Akha

³⁰ ‘Tsawˇ haˬ tiˬ gʼaˬ ngaˬ-euˬ mehˬ nah oe luꞈ meh. Aˬ yawꞈ-aˬ, ngaˇ naˆ maˬ tseˇ huiˬ dzehˬ-eu meh. Aˬ jeˬ miˇ neh ehˇ naˇ, ngaˇ maˬ dehꞈ le mi naˆ-ehˇ aˬ yawꞈ jawˇ luꞈ meh’ lehˇ ngaˬ neh ehˇ-euˬ kʼoeˇ, aˬ yawꞈ-ahˇ ehˇ-euˬ jeˬ pyeuꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ ‘Ngaq-euq maeqnan oeluf-eu khoerghaq-aq, ngaq-euq navmaqtser huiq-eu mae. Aqjeq mirnae aernar-aq, ngar maq daefle-euq minav-aer aqyawf daefluf-eu mae’ laer ngar aer-eu khoerghaq-aq, aqyawf mae.

Yoˇhaˬ 1:30 Referans Kwoze

Yoˇhaˬ 1:27

Aˬ yawꞈ ngaˬ-euˬ mehˬ nah oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ maˬ geuˇ nya.”

Yoˇhaˬ 1:15

Aˬ yawꞈ-euˬ gaˇ kawˆ Yoˇhaˬ saˇ kiˇ kamˬ-awˇ ehˇ-eu, “‘Ngaˬ-euˬ mehˬ nah oe luꞈ-eu gʼaˬ ngaˇ naˆ maˬ tseˇ huiˬ-eu mahˇ-eu meh. Aˬ jeˬ miˇ neh ehˇ naˇ, ngaˇ maˬ dehꞈ le mi naˆ-ehˇ aˬ yawꞈ jawˇ luꞈ-eu meh’ lehˇ ngaˬ neh ehˇ-euˬ kʼoeˇ-aˬ, aˬ yawꞈ-ahˇ ehˇ-euˬ jeˬ pyeuꞈ-eu ma.”

Luˇkaꞈ 3:16

Kʼoeˇ ngeh, aˬ yawꞈ maꞈ dawˬ tawˆ luꞈ-ahˇ Yoˇhaˬ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ iˇ cuꞈ laꞈ kʼoeˇ iˇ cuꞈ shawˇ nehˬ-eu ma. Ehˇ kʼawꞈ, ngaˇ naˆ maˬ tseˇ huiˬ dzehˬ mahˇ dzehˬ-eu gʼaˬ oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ, mˇ-eu maˬ geuˇ nya. Aˬ yawꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu miˬ dzaˬ laꞈ kʼoeˇ, naw maꞈ-ahˇ iˇ cuꞈ shawˇ nehˬ laꞈ tehꞈ-a.

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Yoˇhaˬ 1:31

Aˬ yawꞈ aˬ suˇ gʼaˬ-a lehˇ ngaˇ maˬ siˬ nya-aˬ. Iˇsaˬleˬlaˆ tsawˇ haˬ deuˬ aˬ yawꞈ-ahˇ siˬ duˬ laˇ nya ni, ngaˇ iˇ cuꞈ neh iˇ cuꞈ shawˇ nehˬ le-euˬ ma.”

Yoˇhaˬ 10:41

Tsawˇ haˬ gʼawˬ mya ni aˬ yawꞈ jawˇ gaˇ oe-euˬ meh. Aˬ yawꞈ maꞈ ehˇ-eu, “Yoˇhaˬ-aˬ, zahˬ leˇ paˬ-ehˇ gʼeh-eu jeˬ maˬ mˇ-aˬ. Ehˇ kʼawꞈ, tsawˇ haˬ heu gʼaˬ gaˇ kawˆ aˬ yawꞈ neh kʼaˇ ehˇ-euˬ yawˬ jeˬ na luꞈ tsaˬ law hawˇ nga.”