Yeˬsaˬgeˬlaˇ 9:9 - Akha

⁹ Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Yeˬsaˬgeˬlaˇ 9:9 Referans Kwoze

Yeˬsaˬgeˬlaˇ 8:12

Miˬyehˇ ngaˬ-ahˇ heu loꞈ-ehˇ naˇ haˬ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ciˬ cuˇ ni mˇ kʼoeˬ luꞈ-eu jeˬ nawˇ mawˇ maˬ loˇ. Tahˬ pahˬ aˬ ma mawˇ kawˇ tiˬ byah ni jaˆ-eu kuˆ lawˆ laꞈ kʼoeˇ, aˬ yawꞈ maꞈ uˬ duˬ tahˬ luꞈ-eu meh. ‘Sahˬpaˬ Miˬyehˇ aˬ dui-ahˇ maˬ paˇ mawˇ nya meh. Aˬ yawꞈ miˇ kʼahˬ heu kʼahˬ-ahˇ byehˇ dzeh yaꞈ-euˬ meh’ lehˇ aˬ yawꞈ maꞈ ehˇ-eu meh.”

Yawˇbaˆ 22:13

Ehˇ kʼawꞈ, Miˬyehˇ aˬ jeˬ siˬ nya ta lehˇ nawˇ ehˇ-eu meh. Aˬ yawꞈ-ahˇ mˬ dmˇ jaˆ tsoeˬ taˬ-eu miˇ neh aˬ dui-ahˇ yaˇ kʼaˬ daˇ nya tehꞈ-a loˇ lehˇ ehˇ-eu meh.

Yeˬsaˬgeˬlaˇ 7:23

“Yawˬ jeˬ na luꞈ geuꞈ-eu maˬ paˇ ahˇ meh. Miˇ kʼahˬ laꞈ kʼoeˇ tsawˇ haˬ sehꞈ-eu jeˬ byah -awˇ, meuˬ deuˬ laꞈ kʼoeˇ yaw haiˬ jeˬ byah-eu meh.

Yeˬlaˬmiˇ 2:34

Aˬ cawˬ kʼoeˇ taˆ kʼaˆ dzaˬ-eu deuˬ-euˬ shiˬ maˬ ngeuˇ, maˬ lehˬ maˬ ca-eu iˇ shaˬ zaˬ-euˬ shiˬ, naw maꞈ-euˬ mehˬ tsoeˬ-ahˇ lehꞈ kʼawꞈ,

Iˇsaˬyaˇ 29:15

Yawˬ ha gaˇ kawˆ Sahˬpaˬ Miˬyehˇ maˬ bi mawˇ-eu gʼaˇ duˬ, yaw naꞈ-ahˇ cehˆ zaꞈ-eu laꞈ kʼoeˇ, yaw zahˇ laꞈ kʼoeˇ yaw cawˆ mˇ-awˇ, “Aˬ suˇ gʼaˬ siˬ nya mawˇ nya ta” lehˇ ehˇ-eu deuˬ, yaw kʼaˆ-ehˇ ya noeˬ shaˬ tehꞈ-a.

Jaceuq 94:7

Sahˬpaˬ Miˬyehˇ nga maꞈ-ahˇ maˬ mawˇ nya-a. Nga maꞈ mˇ-eu gaˇ-ahˇ Iˇsaˬleˬlaˆ-euˬ Miˬyehˇ maˬ ya siˬ-a lehˇ aˬ yawꞈ maꞈ ehˇ-eu meh.

Jaceuq 10:11

“Miˬyehˇngehˬma gʼeh nehˬle-ehˇ, myaˆhaw maˬcawˬnehˬle-aˇ”lehˇ, yaw haiˬkʼoeˇgʼaˬ noeˬluꞈ-eu meh.

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

Luˇkaꞈ 11:50

Kʼoeˇ miˇ neh, mˬ dawˬ pehˬ miˇ duˬ puˇ seu le ngeh neh bi sehꞈ ka leꞈ-euˬ Miˬyehˇ gʼaˇ duˬ ngehˬ dah-eu deuˬ-euˬ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a.

Yeˬsaˬgeˬlaˇ 8:17

Sahˬpaˬ Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ jahˇ luꞈ-eu nawˇ mawˇ maˬ loˇ. Yuˇdaˆ tsawˇ haˬ heu deuˬ-aˬ, heu gaˇ nawˬ neh ya mawˇ-euˬ jawꞈ dui dui-eu gaˇ heu deuˬ hawˇ-eu, miˇ kʼahˬ doe ni yaw haiˬ jeˬ mˇ byah-eu tehꞈ-ehˇ nui kʼahˇ maˬ shiˇ-a. Uˬ duˬ tahˬ nymˇ nymˇ ma laꞈ kʼoeˇ kʼoeˇ loꞈ-ehˇ gʼeh-eu jeˬ paˇ mˇ-eu laꞈ kʼoeˇ ngaˇ nui ma pehˇ dzehˬ laˇ ni jahˇ luꞈ-eu meh. Ngaˬ-ahˇ kʼaˇ jahˇ doeˇ nehˬ nya-eu loꞈ-ehˇ jahˇ doeˇ nehˬ laꞈ gaˇ haw sheˇ.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

2 Sahˬpaˬ 24:4

Kʼaˆ tiˬ paˆ ni, iˬ baˇ maˬ ahˇ-eu tsawˇ haˬ deuˬ-ahˇ aˬ yawꞈ sehꞈ-euˬ baˬ da neh, kʼoeˇ loꞈ-ehˇ bi pyeuꞈ laˇ-euˬ meh. Kʼoeˇ loꞈ-ehˇ mˇ-euˬ baˬ da neh, Maˬnaˇseˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ coeˇ-a.

Dawˬmehˬ 32:5

Yawꞈ-euˬ mehˬ shi naw maꞈ dehꞈ-eu, yawꞈ-ahˇ saˇ jaˇ puiˬ-euˬ miˇ neh, yaw lehˬ yaw ca myaˬ-eu naw maꞈ, yawꞈ-euˬ zaˬ lehˇ maˬ kuˇ geuˇ-a.

Dawˬmehˬ 31:29

Ngaˇ shiˇ dzeuˇ ngeh jawˇ, tsawˇ haˬ heu deuˬ yaw haiˬ jeˬ mˇ-awˇ, ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ jeˬ-ahˇ byehˇ dzeh tehꞈ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, luˬ-iˇ seˇ-iˇ-eu jeˬ aˬ yawꞈ maꞈ ya tahˬ puˬ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh laˆ tsoeˬ taˬ-euˬ jeˬ aˬ yawꞈ maꞈ mˇ-eu laꞈ kʼoeˇ, aˬ yawꞈ nui ma pehˇ ni aˬ yawꞈ maꞈ jahˇ tehꞈ-a.”

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.

Ngoeˇ dawˬ 1:5

Iˬ baˇ mˇ dui dui-euˬ miˇ neh, Sahˬpaˬ Miˬyehˇ yawꞈ-ahˇ kʼehˬ-awˇ, muiˇ-eu deuˬ gʼaˬ bi kʼaˆ laˇ-awˇ, yawꞈ-euˬ kʼoeˇ taˆ bi dzoeˬ-euˬ meh. Yawꞈ-euˬ aˬ buˇ aˬ li deuˬ-ahˇ, muiˇ-eu deuˬ nyehꞈ byoˆ gʼeh-euˬ meh.

Haˬbaˬkuˆ 1:4

Zahˇ sahˇ kʼoꞈ deuˬ peuˬ-iˇ jiˇ-awˇ, yaw tsaˬ yaw dawˇ maˬ paˇ ziꞈ meh. Yaw muiˬ-ahˇ yaw haiˬ jawˬ lahˇ-awˇ, yaw tsaˬ yaw dawˇ buꞈ-iˇ-euˬ meh.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.