Yeˬsaˬgeˬlaˇ 9:8 - Akha

⁸ Tsawˇ haˬ sehꞈ dui dui luꞈ ngeh, ngaˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu ma. Ngaˇ moꞈ tsahˬ-ehˇ miˇ tsa coˬ lah-awˇ “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ cawˬ miˇ kʼahˬ-ahˇ maˬ bi nyehꞈ byoˆ gʼeh ni, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ yaꞈ-euˬ tsawˇ haˬ dawˬ tawˆ luꞈ-ahˇ sehꞈ jiˇ paˬ-ehˇ, Yeˬluˇsaˬlehˬ meuˬ-ahˇ nawˇ teuˆ naˆ naˆ-ehˇ nui ma pehˇ te loˇ” lehˇ guˇ-euˬ ma.

Yeˬsaˬgeˬlaˇ 9:8 Referans Kwoze

Yeˬsaˬgeˬlaˇ 11:13

Ngaˇ Miˬyehˇ gʼaˇ duˬ ngehˬ dah luꞈ ngeh, Baˬnaˇyaˬ-euˬ aˬ li Peˬlaˬtiˇ shiˇ-euˬ meh. Ngaˇ miˇ tsa moꞈ tsahˬ-ehˇ coˬ lah-awˇ, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Iˇsaˬleˬlaˆ miˇ kʼahˬ laꞈ kʼoeˇ kʼaˇ dzeˇ-eu tsawˇ haˬ yawˬ gʼaˬ na luꞈ sehꞈ jiˇ-eu gʼeh te loˇ” lehˇ guˇ-euˬ ma.

Yeˬsaˬgeˬlaˇ 4:14

Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

1 Laˬsaˬbaˬ 21:16

Mˬ taˆ gʼaˬ kʼehˇ kʼoeˇ gʼaˬ mi cehˇ tuˆ tehˬ taˬ-awˇ, Yeˬluˇsaˬlehˬ meuˬ-ahˇ laˆ cawˆ nehˬ-eu gʼaˇ duˬ lehˬ hmˬ dah-awˇ, jaˬ lehˇ kʼoeˇ taˆ yawꞈ luꞈ gaˇ Daˬbiˇ ya mawˇ-euˬ meh. Kʼoeˇ ngeh, Daˬbiˇ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, baˬ ba miˇ tsa tuˆ ni awˆ byaˆ-euˬ meh. Aˬ yawꞈ maꞈ dawˬ tawˆ luꞈ, guˬ daˇ pehˇ zeuˇ mehˬ tsoeˬ dm luꞈ-eu meh.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

Bawˇtsahˬ 16:45

“Tsawˇ haˬ heu deuˬ-euˬ dawˬ peh maˬ jawˇ ni cehˆ-awˬ. Aˬ yawꞈ maꞈ-ahˇ maˬ bi luˆ-iˇ ni tiˬ poˆ tehꞈ-ehˇ ngaˇ laˆ luˬ laˆ seˇ nehˬ ma.” Kʼoeˇ ngeh, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-euˬ meh.

Bawˇtsahˬ 14:5

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ mehˬ shi, Moˇseˬ hawˇ-eu Aˬloˬ aˬ nyaꞈ miˇ tsaˬ-ahˇ awˆ byaˆ-euˬ meh.

Yeˬlaˬmiˇ 14:19

Sahˬpaˬ Miˬyehˇ nawˇ Yuˇdaˆ tsawˇ haˬ-ahˇ, byehˇ tsehˆ tsehˆ nehˬ laꞈ-euˬ ma loˇ. Ziˇoˬ meuˬ-ahˇ nawˇ maˬ haw nahˇ te loˇ. Nga maꞈ jaˆ gʼaˬ maˬ yaˇ taˬ nya gaˇ keuˆ, aˬ jeˬ miˇ neh nawˇ laˆ naˇ nehˬ laꞈ te. Nui saˇ oꞈ-eu jeˬ-ahˇ nga maꞈ poˆ kʼawꞈ, yaw muiˬ tiˬ jeˬ-iˬ maˬ baw-a. Naˇ gawˇ taˬ leˇ gaˇ nga maꞈ noeˬ tmˬ kʼawꞈ, guˆ-eu gaˆ-eu jeˬ paˇ keuˆ le-euˬ meh.

Yeˬlaˬmiˇ 14:13

Kʼoeˇ naˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu miˇ neh, miˇ kʼahˬ heu kʼahˬ laꞈ kʼoeˇ guiˇ deuˆ-eu jeˬ hawˇ-eu mehꞈ-eu shuꞈ-eu jeˬ maˬ keuˆ le-ehˇ, nui saˇ oꞈ-eu jeˬ tehꞈ-ehˇ keuˆ le tehꞈ-a lehˇ, Miˬyehˇ gʼaˇ duˬ ngehˬ dah-eu deuˬ ehˇ luꞈ-eu nawˇ siˬ nya meh.”

Yeˬlaˬmiˇ 4:10

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ nawˇ tmˬ jawˆ ni jaˬ myawꞈ myawꞈ-euˬ meh. Nui saˇ oꞈ-eu jeˬ bi keuˆ le ma lehˇ nawˇ ehˇ taˬ-euˬ kʼawꞈ, aˬ yawꞈ maꞈ-euˬ kuˬ byahˬ-ahˇ mi cehˇ gʼoˆ mawˬ nehˬ-euˬ meh.”

Eˇzaˬlaˬ 9:5

Uˬ ciꞈ uˬ taw paw poˆ lawˇ-eu shehˇ-eu jeˬ mˇ yamˬ keuˆ laˇ ngeh, ngaˇ noeˬ shaˬ-eu laꞈ kʼoeˇ dzuˇ luꞈ-eu tsawˬ tuˇ-awˇ, cehˬ pyaˬ taˬ-euˬ mehˬ tsoeˬ dm luꞈ-eu laꞈ kʼoeˇ, pawˬ tsuiꞈ pawˬ dmˬ dmˬ-awˇ ngaˬ-euˬ aˬ laꞈ cawˬ ja-awˇ neh, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-euˬ ma.

Dawˬmehˬ 9:18

Kʼoeˇ naˇ, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ-euˬ mehˬ shi ngaˇ awˆ byaˆ-awˇ, maˬ dzaˬ maˬ dawˇ ni jawˇ-euˬ ma. Naw maꞈ Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ nui ma pehˇ ni jahˇ-euˬ baˬ da neh, ngaˇ kʼoeˇ loꞈ-ehˇ jawˇ-euˬ ma.

Bawˇtsahˬ 16:4

Dawˬ kʼoeˇ dawˬ-ahˇ Moˇseˬ ya gaˬ ngeh, Miˇ tsaˬ-ahˇ ga lah-awˇ guiˬ lahˬ shaˇ-euˬ meh.

Aˇ dahˬ 18:23

Kʼoeˇ ngeh, Sahˬpaˬ Miˬyehˇ-euˬ dawˬ peh Aˬbyaˬhaˬ jiˆ-iˇ-awˇ, heu loꞈ-ehˇ naˇ haˬ-euˬ meh. “Iˬ baˇ maˬ ahˇ-eu tsawˇ haˬ deuˬ-ahˇ kʼawꞈ, iˬ baˇ ahˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ nawˇ laˆ cawˆ nehˬ-eu lehˇ gʼeh te loˇ.

Yeˬsaˬgeˬlaˇ 7:8

“Gʼawˬ myahˇ maˬ gʼeh-ehˇ, ngaˇ nui ma pehˇ-eu jeˬ aˇ naˆ ni gʼeh-eu gaˇ kawˆ naw maꞈ-ahˇ siˬ laˇ tehꞈ-a. Naw maꞈ neh kʼaˇ mˇ kʼaˇ shaˇ-euˬ loꞈ-ehˇ, naw maꞈ-ahˇ ngaˇ yaˇ kʼaˬ daˇ-awˇ, naw maꞈ nui daˆ daˆ laˇ paˬ-ehˇ dehꞈ-eu aˇ poeˬ, ngaˇ paˇ biꞈ kʼoꞈ nehˬ ma.