Yeˬsaˬgeˬlaˇ 9:6 - Akha

⁶ “Tsawˇ mawˬ deuˬ, aˬ li zaˬ guˬ deuˬ, aˬ buˇ zaˬ guˬ deuˬ, aˬ ma deuˬ hawˇ-eu, zaˬ deuˬ dawˬ tawˆ luꞈ-ahˇ sehꞈ jiˇ-awˬ. Ehˇ kʼawꞈ, naˇ kʼawˇ-ahˇ tsaˬ tsoˆ taˬ-euˬ tsawˇ haˬ deuˬ-ahˇ taˬ sehꞈ. Heu gaˇ, ngaˬ-euˬ Uˬ duˬ tahˬ nymˇ nymˇ ma -ahˇ neh aˇ dahˬ beh-awˇ, sehꞈ ka gʼeh-awˬ.” Kʼoeˇ naˇ, Uˬ duˬ tahˬ nymˇ nymˇ ma-ahˇ yawꞈ luꞈ-eu aˬ yuiꞈ aˬ tsu deuˬ-ahˇ neh aˇ dahˬ beh-awˇ, aˬ yawꞈ maꞈ tsawˇ haˬ sehꞈ ka gʼeh-euˬ meh.

Yeˬsaˬgeˬlaˇ 9:6 Referans Kwoze

Panmaeq 9:4

Sahˬ lahˬ aˇ bawˇ deuˬ-ahˇ maˬ laˆ cawˆ-eu gʼaˇ duˬ, aˬ yawꞈ maꞈ-ahˇ ehˇ nehˬ taˬ-euˬ meh. Naˇ kʼawˇ-ahˇ Miˬyehˇ-euˬ jmˬ maˬ diˬ taˬ-euˬ tsawˇ haˬ deuˬ-ahˇ tehꞈ-ehˇ bi laˆ cawˆ-eu gʼaˇ duˬ pyeuꞈ-eu meh.

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

Panmaeq 7:3

“Aˬ dui Miˬyehˇ-euˬ zaˬ kʼaˆ deuˬ-euˬ naˇ kʼawˇ-ahˇ aˬ dui jmˬ maˬ diˬ gʼaˬ kʼoeˇ keuˆ ni, miˇ tsaˬ-ahˇ maˬ ehˇ, iˬ ma laˆ shaˆ-ahˇ maˬ ehˇ, aˇ bawˇ deuˬ-ahˇ maˬ ehˇ, tiˬ jeˬ-iˬ taˬ gʼeh lawˬ siˬ” lehˇ mˬ taˆ gʼaˬ kʼehˇ kʼoeˇ gʼaˬ ehˇ-eu meh.

Yeˬlaˬmiˇ 25:29

Laˆ luˬ laˆ seˇ-eu jeˬ, ngaˬ-euˬ meuˬ laꞈ kʼoeˇ ngaˇ mˇ dahˬ beh ma. Aˬ yawꞈ maꞈ kʼoeˇ taˆ kʼehˬ-eu kʼaˆ-eu jeˬ maˬ keuˆ le ni ya dzeuˇ-iˇ tehꞈ-a lehˇ aˬ yawꞈ maꞈ noeˬ ta loˇ. Maˬ ngeuˇ-a. Aˬ yawꞈ maꞈ kʼehˬ-eu kʼaˆ-eu jeˬ-ahˇ ya daˬ-eu yaw duˬ baw meh. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, guiˇ deuˆ-eu jeˬ bi keuˆ le-eu lehˇ gʼeh-eu ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Luˇkaꞈ 12:47

“Baw leˬ-euˬ nui kʼahˇ siˬ nya siˬ nya-ehˇ, baw leˬ-euˬ nui kʼahˇ maˬ mˇ-eu zaˬ kʼaˆ-aˬ, yaw kʼaˆ-ehˇ diˬ gaˇ ya daˬ tehꞈ-a.

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

1 Saˬmeuˬlaˆ 15:3

Aˬmaˬlehˇ tsawˇ haˬ deuˬ-ahˇ nawˇ guiˇ deuˆ-iˇ-awˇ, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni laˆ luˬ laˆ seˇ jiˇ nehˬ-awˬ. Tiˬ jeˬ-iˬ taˬ bi dzeˇ yaꞈ. Zaˬ miˬ zaˬ kʼaˬ dzeˇ zaˬ hawˇ-eu, zaˬ guˬ zaˬ nahˬ maˬ tseˇ paˆ ni, dawˬ tawˆ luꞈ sehꞈ jiˇ-awˬ. Mawˇ neˇ, yawˇ, law taw, mahˬ tahˬ laˆ dawˬ tawˆ luꞈ sehꞈ dzeh jiˇ-awˬ.”

Dawˬmehˬ 2:34

Kʼoeˇ ngeh, meuˬ yawˬ meuˬ na luꞈ-ahˇ aˬ dui deuˆ gʼaˬ-eu laꞈ kʼoeˇ, laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, tiˬ gʼaˬ-iˬ maˬ bi dzeuˇ-iˇ ni, dawˬ tawˆ luꞈ-ahˇ sehꞈ-euˬ ma.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Yeˬsaˬgeˬlaˇ 11:1

Miˬyehˇ-euˬ yaw sahˇ ngaˬ-ahˇ ciˬ diˇ-awˇ, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw jaˆ-eu lahˇ kʼehˬ-ahˇ sheuˬ gʼeh nehˬ laꞈ-euˬ meh. Lahˇ kʼehˬ dawˬ peh, miˇ kʼahˬ zaˬ kʼoeˇ taˆ aˬ yuiꞈ aˬ tsu geuꞈ luꞈ-eu nyiˬ gʼaˬ pyeuꞈ-eu, Aˬzuˆ-euˬ aˬ li Yaˬzaˬniˇ hawˇ-eu Baˬnaˇyaˬ-euˬ aˬ li Peˬlaˬtiˇ aˬ nyaꞈ ahˇ leˇ-ehˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ngaˇ mawˇ-euˬ ma.

Dawˬmehˬ 3:6

Heˬshaˬboˬ meuˬ-ahˇ jawˇ-eu sahˬ paˬ Siˇhoˬ-euˬ meuˬ deuˬ-ahˇ aˬ dui neh jahˇ nehˬ-euˬ loꞈ-ehˇ, aˬ yawꞈ maꞈ-euˬ meuˬ dawˬ tawˆ luꞈ-ahˇ laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, dawˬ tawˆ luꞈ-ahˇ sehꞈ jiˇ nehˬ-euˬ ma.

Aˇ dahˬ 4:15

Gaˬiˇnaˆ-ahˇ Sahˬpaˬ Miˬyehˇ ehˇ nehˬ-eu,“Aˬ cawˬ nawˬ-ahˇ maˬ sehꞈ laˇ-aˇ. Tsawˇ haˬ tiˬ gʼaˬ nawˬ-ahˇ sehꞈ naˇ, shiꞈ poˆ keuˆ ni paˇ jahˇ kʼoꞈ nehˬ gaˇ ya daˬ tehꞈ-a.” Kʼoeˇ ngeh, Gaˬiˇnaˆ-ahˇ kʼaˇ tahˬ puˬ-eu tsawˇ haˬ deuˬ aˬ yawꞈ-ahˇ maˬ ya sehꞈ ni, Gaˬiˇnaˆ-ahˇ Sahˬpaˬ Miˬyehˇ tsaˬ tsoˆ nehˬ-euˬ meh.

Yeˬlaˬmiˇ 9:21

Shiˇ-eu jeˬ laˇ gʼoˆ zaˬ-ahˇ neh daˆ ahˇ laˇ-awˇ, nymˇ ma paw uˇ keuˆ laˇ-euˬ meh. Meuˬ-euˬ pu ka gʼa-eu zaˬ yaw nyiˇ deuˬ hawˇ-eu, lehˆ kawˆ doe ni cah-eu zaˬ guˬ deuˬ-ahˇ coeˇ tsehˆ-euˬ meh.

Yeˬlaˬmiˇ 16:6

Miˇ kʼahˬ heu kʼahˬ laꞈ kʼoeˇ jawˇ-eu smˇ muiˬ iˇ shaˬ dawˬ tawˆ luꞈ ya shiˇ-awˇ, baꞈ pahˬ nehˬ-eu gʼaˬ maˬ jawˇ-ehˇ, tsawˇ ngoeˇ ngoeˇ nehˬ-eu gʼaˬ kʼawꞈ maˬ jawˇ ni pyeuꞈ-iˇ tehꞈ-a. Yawˬ ha-euˬ gʼawˇ mawˇ laˆ tahˬ laˆ naˇ-eu jeˬ mˇ-eu laꞈ kʼoeˇ maˬ ehˇ, uˬ duˬ jehˆ dzeh-eu laꞈ kʼoeˇ maˬ ehˇ, noeˬ shaˬ dui dui-eu gaˇ kawˆ bi siˬ bi mawˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Yeˬsaˬgeˬlaˇ 9:5

Kʼoeˇ naˇ, nui deuˬ-ahˇ Miˬyehˇ heu loꞈ-ehˇ ehˇ nehˬ-eu ngaˇ gaˬ-euˬ ma. “Naw maꞈ aˬ yawꞈ-euˬ mehˬ nah caw teh gʼeh-awˇ, tsawˇ haˬ sehꞈ-iˇ-awˬ. Tiˬ gʼaˬ-iˬ maˬ bi dzeuˇ-iˇ ni sehꞈ-awˬ. Tiˬ gʼaˬ-ahˇ-iˬ gʼawˬ shaˬ taˬ gaˬ nehˬ.

Dawˬmehˬ 32:23

“Shaˬ zahˬ duˬ gahˬ baꞈ daˆ nehˬ-awˇ, kaˆ myaˬ dawˬ tawˆ beuˆ tsoˆ nehˬ ma.

Yeˬlaˬmiˇ 6:11

Sahˬpaˬ Miˬyehˇ nawˇ aˬ yawꞈ maꞈ-ahˇ nui ma pehˇ-eu jeˬ, ngaˬ-euˬ nui ma miˬ dzaˬ doꞈ-eu loꞈ-ehˇ, ngaˬ-ahˇ maˬ dzahˬ tehˬ coeˇ nya.” Sahˬpaˬ Miˬyehˇ ngaˬ-ahˇ ehˇ-eu, “Meuˬ-euˬ lehˆ kawˆ doe ni gʼa-eu zaˬ deuˬ hawˇ-eu, zaˬ guˬ deuˬ uiˬ leˇ bymˇ leˇ taˬ-euˬ gaˇ, ngaˬ-euˬ nui pehˇ shehˆ daˆ nehˬ-awˬ. Miˬ zaˬ yo zaˬ dawˬ tawˆ bi nyehꞈ byoˆ gʼeh jiˇ-awˇ, mawˬ dui dui-eu deuˬ kʼawꞈ maˬ dzeˇ yaꞈ ni pyeuꞈ-iˇ tehꞈ-a.

Yeˬlaˬmiˇ 44:7

“Teu miˇ neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ-aˬ, aˬ jeˬ miˇ neh naw maꞈ yawˬ ha-ahˇ bi deuˬ laˇ-eu yaw haiˬ jeˬ mˇ te lehˇ naˇ haˬ-eu ma. Kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu, zaˬ yaw nyiˇ deuˬ-ahˇ keuˆ ni, naw maꞈ-euˬ tsawˇ haˬ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, dawˬ tawˆ luꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le mawꞈ te loˇ.

Yeˬlaˬmiˇ 44:8

Naw maꞈ jawˇ uˇ le-euˬ Iˇjiˇtuˆ miˇ kʼahˬ heu kʼahˬ-ahˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ jeˬ miˇ neh ngaˇ nui ma pehˇ ni naw maꞈ mˇ te. Miˇ kʼahˬ tsawˇ jeuˬ dawˬ tawˆ luꞈ naw maꞈ-ahˇ ja doeˇ-awˇ, naw maꞈ-euˬ tsawˇ myahˇ kuˇ kuˇ-ehˇ yaˬ kʼehˇ bi yaˬ gaˇ keuˆ ni, naw maꞈ yawˬ haˇ yawˬ ha laˆ cawˆ-eu lehˇ mˇ-eu gʼeh te loˇ.