Yeˬsaˬgeˬlaˇ 9:1 - Akha

¹ Kʼoeˇ naˇ, Miˬyehˇ heu loꞈ-ehˇ guˇ-eu ngaˇ gaˬ-euˬ ma. “Meuˬ kʼoeˇ meuˬ-ahˇ kʼehˬ nehˬ kʼaˆ nehˬ leˇ-eu lehˇ gʼeh-eu deuˬ heu gaˇ laˇ uiˬ jiˇ-awˬ. Naw maꞈ-euˬ guiˇ deuˆ-eu keu ka deuˬ kʼawꞈ yuˇ laꞈ-awˬ.”

Yeˬsaˬgeˬlaˇ 9:1 Referans Kwoze

Iˇsaˬyaˇ 6:8

Kʼoeˇ ngeh, “Aˬ suˇ gʼaˬ-ahˇ pyehˬ gʼeh nmˇ. Aˬ suˇ gʼaˬ aˬ dui gʼaˇ duˬ ngehˬ dah-iˇ nmˇ” lehˇ Sahˬpaˬ Miˬyehˇ ehˇ-eu ngaˇ ya gaˬ-awˇ, “Ngaˇ iˇ ma. Ngaˬ-ahˇ pyehˬ gʼeh-awˬ” lehˇ ehˇ kʼoꞈ nehˬ-euˬ ma.

Panmaeq 14:7

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Miˬyehˇ-ahˇ taˬ huiˬ taˬ mahˇ-awˇ, aˬ yawꞈ huiˬ dui mahˇ dui dui gaˇ ja ceuˬ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ yawꞈ yaˇ kʼaˬ daˇ-eu aˇ yamˬ keuˆ le-euˬ meh. Mˬ, miˇ, iˬ ma laˆ shaˆ hawˇ-eu, iˇ cuꞈ lawˇ gawˆ deuˬ-ahˇ beh-euˬ gʼaˬ-ahˇ uˬ duˬ tahˬ-awˬ.”

1 Laˬsaˬbaˬ 21:15

Yeˬluˇsaˬlehˬ meuˬ-ahˇ bi laˆ cawˆ-eu gʼaˇ duˬ kʼawꞈ, aˬ yawꞈ-euˬ mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ meh. Ehˇ kʼawꞈ, aˬ yawꞈ nui ma paˇ laˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ, “Gʼaˬ-aˇ. Teu naˆ ni naˇ gʼaˬ-aˇ” lehˇ ehˇ nehˬ-euˬ meh. Kʼoeˇ loꞈ-ehˇ ehˇ nehˬ ngeh, mˬ taˆ gʼaˬ kʼehˇ kʼoeˇ gʼaˬ, Yeˬluˇsaˬlehˬ meuˬ dawˬ peh Yeˬbuˇ tsawˇ haˬ Aˬyawˇnaˆ-euˬ cehˇ bymˇ saˬ kʼawꞈ-ahˇ oe keuˆ-awˇ yawꞈ luꞈ-eu meh.

2 Sahˬpaˬ 10:24

Kʼoeˇ naˇ, Yeˬhuˇ hawˇ-eu Yawˇnaˬdehˇ aˬ nyaꞈ, Baˬlaˇ miˬ yehˇ-ahˇ, lawˇ-eu shehˇ-eu jeˬ hawˇ-eu miˬ dzaˬ dzah puiˆ-awˇ lawˇ-eu jeˬ lawˇ nehˬ-eu lehˇ, uˬ duˬ tahˬ nymˇ-ahˇ uˇ leˇ-euˬ meh. Tsawˇ haˬ yehꞈ tseˇ gʼaˬ-ahˇ laꞈ nyiˇ paw bi loꞈ-awˇ, heu loꞈ-ehˇ ehˇ nehˬ taˬ-euˬ meh. “Tsawˇ haˬ heu deuˬ dawˬ tawˆ luꞈ-ahˇ naw maꞈ ya sehꞈ jiˇ meh. Tiˬ gʼaˬ na cehˆ dzeuˇ naˇ, bi cehˆ dzeuˇ-euˬ gʼaˬ-ahˇ sehꞈ ma.”

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

Yeˬsaˬgeˬlaˇ 43:3

Nymˬ-mˇ poˆ ngaˇ ya siˬ ya mawˇ-euˬ heu-aˬ, Yeˬluˇsaˬlehˬ meuˬ-ahˇ Miˬyehˇ laˆ cawˆ le ngeh poˆ hawˇ-eu Ceˬbaˬ lawˇ baˬ dawˬ peh mawˇ-euˬ poˆ-ahˇ duˇ-eu meh. Baˬ ba miˇ tsaˬ tuˆ ni ngaˇ awˆ byaˆ-euˬ ma.

Yeˬlaˬmiˇ 4:6

Ziˇoˬ meuˬ-ahˇ le-eu gaˇ ma toeˬ mehˬ nehˬ-awˬ. Maˬ nyi naˬ ni cehˆ dui dui-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh Sahˬpaˬ Miˬyehˇ pyehˬ gʼeh leꞈ meh.