Yeˬsaˬgeˬlaˇ 8:6 - Akha

⁶ Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ pyeuꞈ luꞈ-eu gaˇ kawˆ nawˇ mawˇ duˬ maˬ loˇ. Iˇsaˬleˬlaˆ tsawˇ haˬ deuˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ-ahˇ haw sheˇ. Tiˬ jawˇ saˇ-iˬ tiˬ jawˇ, ngaˬ-euˬ muiˬ-eu shawˇ-eu jawˇ duˬ-ahˇ neh gaˇ mahˇ kaˬ gaˇ, aˬ yawꞈ maꞈ ngaˬ-ahˇ teh doˆ luꞈ-eu meh. Heu naˆ maˬ tseˇ nui daˆ daˆ laˇ paˬ-ehˇ gʼeh-eu jeˬ-ahˇ nawˇ paˇ ya mawˇ tehꞈ-a.”

Yeˬsaˬgeˬlaˇ 8:6 Referans Kwoze

Yeˬsaˬgeˬlaˇ 5:11

“Kʼoeˇ miˇ neh, ngaˇ dehꞈ luꞈ-eu Miˬyehˇ pyeuꞈ-eu loꞈ-ehˇ, heu-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ma. Ngaˬ-euˬ Uˬ duˬ tahˬ nymˇ nymˇ ma-ahˇ yaw haiˬ jeˬ neh nawˇ laˆ jawꞈ-euˬ miˇ neh, nawˬ neh mˇ-euˬ nuiˇ daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ gʼawˬ shaˬ maˬ gaˬ ni deuˆ tsehˆ ma.

Yeˬsaˬgeˬlaˇ 10:19

Aˬ yawꞈ maꞈ aˬ dahˇ dahˇ diˬ diˬ laˇ-awˇ, ngaˇ haw haw-ehˇ jawˇ ngeh zaw diˇ-euˬ meh. Aˇ beuˆ kʼoeˇ deuˬ kʼawꞈ caw teh gʼeh-euˬ meh. Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ aˬ yawꞈ maꞈ naˬ leˇ-awˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ kʼoeˇ, aˬ yawꞈ maꞈ-euˬ kʼoeˇ taˆ jaˆ luꞈ-eu meh.

Yeˬsaˬgeˬlaˇ 8:9

“Laꞈ kʼoeˇ uˇ-iˇ-awˇ, aˬ yawꞈ maꞈ neh mˇ taˬ-euˬ haiˬ dui jawꞈ dui dui-eu jeˬ-ahˇ haw-iˇ-awˬ” lehˇ, ngaˬ-ahˇ ehˇ-eu meh.

Yeˬsaˬgeˬlaˇ 11:22

Jeˬluˇbeˬ kʼoeˇ deuˬ zaw diˇ-awˇ, aˇ beuˆ kʼoeˇ deuˬ kʼawꞈ aˬ yawꞈ maꞈ nehˬ-ehˇ le gʼeh leꞈ-euˬ meh. Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ-euˬ kʼoeˇ taˆ jaˆ-eu meh.

Yeˬsaˬgeˬlaˇ 8:14

Uˬ duˬ tahˬ nymˇ nymˇ ma-euˬ laꞈ taˆ paw pyawˬ lahˇ kʼehˬ-ahˇ aˬ yawꞈ ngaˬ-ahˇ sheuˬ gʼeh-awˇ, Taˬmuˆ miˬyehˇ shiˇ-euˬ gaˇ tsawˇ ngoeˇ ngoeˇ luꞈ-eu zaˬ miˬ zaˬ deuˬ-ahˇ bi haw laꞈ-euˬ meh.

Yeˬlaˬmiˇ 32:34

Ngaˬ-ahˇ uˬ duˬ tahˬ-eu gʼaˇ duˬ tsoˆ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ baꞈ ahˇ taˬ-awˇ, Uˬ duˬ tahˬ nymˇ nymˇ ma-ahˇ laˆ jawꞈ gaˇ keuˆ ni aˬ yawꞈ maꞈ jahˇ keuˆ-euˬ meh.

Yeˬlaˬmiˇ 26:6

Naw maꞈ kʼoeˇ loꞈ-ehˇ maˬ naˇ haˬ ni jawˇ te lehˇ ngeuˇ naˇ, Shiˇloˬ meuˬ-ahˇ jahˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ-awˇ, miˇ tsaˬ tsawˇ jeuˬ dawˬ tawˆ luꞈ yaˬ kʼehˇ kʼaˇ yaˬ ngeh, meuˬ heu meuˬ-euˬ tsawˇ myahˇ-ahˇ dawˬ daˬ daˬ-awˇ yaˬ gaˇ keuˆ tehꞈ-a.”

Yeˬlaˬmiˇ 23:11

Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu deuˬ hawˇ-eu, piˇ ma deuˬ Miˬyehˇ maˬ baw-ehˇ, Uˬ duˬ tahˬ nymˇ nymˇ ma laꞈ kʼoeˇ yaw haiˬ jeˬ mˇ luꞈ-eu, ngaˇ nyehꞈ duˬ taˬ-euˬ ma.

Yeˬlaˬmiˇ 7:30

“Yuˇdaˆ tsawˇ haˬ deuˬ haiˬ dui dui-eu jeˬ mˇ-euˬ meh. Ngaˇ bye dui dui-eu jeˬ pyeuꞈ-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ baꞈ taˬ-awˇ, Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.

Yeˬlaˬmiˇ 7:17

Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ, aˬ yawꞈ maꞈ mˇ luꞈ shaˇ luꞈ-eu jeˬ-ahˇ nawˇ maˬ mawˇ teˬ loˇ.

Yeˬlaˬmiˇ 3:6

Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Dawqdaq 5:14

Tsawˇ haˬ aˇ maꞈ uiˬ leˇ bymˇ leˇ taˬ-euˬ mehˬ shi, ngaˇ daˬ ya ga sehꞈ-eu keu le-euˬ nya.”

Jaceuq 78:60

Tsawˇ haˬ zaˬ nehˬ-ehˇ aˬ yawꞈ jawˇ-euˬ jawˇ duˬ pyeuꞈ-eu, Shiˇloˬ meuˬ-ahˇ jaˆ-eu sehˬ gʼawˆ-ahˇ aˬ yawꞈ byehˇ dzeh-euˬ meh.

Yeˬlaˬmiˇ 11:18

Muiˇ-eu deuˬ ngaˬ-ahˇ yaw doeˇ jahˇ-eu lehˇ gʼeh-eu gaˇ kawˆ, Sahˬpaˬ Miˬyehˇ ngaˬ-ahˇ bi siˬ laꞈ-euˬ meh.

Yeˬsaˬgeˬlaˇ 8:7

Uˬ duˬ tahˬ nymˇ nymˇ ma-euˬ laꞈ nyiˇ lahˇ-ahˇ uˇ leˇ-eu lahˇ kʼehˬ dawˬ peh, ngaˬ-ahˇ aˬ yawꞈ sheuˬ gʼeh-awˇ, lahˇ-ahˇ byoe-eu maˇ byoe tiˬ byoe mehˬ nehˬ laꞈ-euˬ meh.

Yeˬsaˬgeˬlaˇ 14:6

“Nymˬ-mˇ poˆ jawˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-eu dawˬ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Nui daˆ daˆ laˇ paˬ-ehˇ gʼeh-eu naw maꞈ-euˬ tahˬ pahˬ aˬ ma mawˇ kawˇ deuˬ-ahˇ byehˇ dzeh-awˇ, ngaˇ jawˇ gaˇ gʼoꞈ laˇ-awˬ lehˇ ehˇ nehˬ-awˬ.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 47:6

“Tsawˇ haˬ zaˬ-oˇ, heu deuˬ dawˬ tawˆ luꞈ yaw muiˬ paˬ-ehˇ juiˇ taˬ-awˬ” lehˇ, tsawˇ haˬ kʼoeˇ gʼaˬ ngaˬ-ahˇ ehˇ-eu meh. Kʼoeˇ naˇ, lawˇ baˬ lawˇ deh-ahˇ, tsawˇ haˬ kʼoeˇ gʼaˬ ngaˬ-ahˇ paˇ sheuˬ kʼoꞈ doˆ nehˬ laꞈ-euˬ meh.

Hawˇseˬ 5:6

Yawˇ hawˇ-eu mawˇ neˇ lawˇ lawˇ-ehˇ, Sahˬpaˬ Miˬyehˇ-ahˇ poˆ leˇ kʼawꞈ, yawꞈ maꞈ-ahˇ byehˇ dzeh-euˬ miˇ neh, maˬ poˆ mawˇ nya ni shaˬ tehꞈ-a.

2 Laˬsaˬbaˬ 29:5

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ Leˬbiˇ tsawˇ haˬ deuˬ yawˬ ha-euˬ gʼawˇ mawˇ mˇ shawˇ-awˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ laˆ muiˬ laˆ shawˇ-awˬ. Uˬ duˬ tahˬ nymˇ nymˇ ma laꞈ kʼoeˇ jaˆ-eu yaw jawꞈ yaw laꞈ dawˬ tawˆ luꞈ yuˆ dzeh jiˇ-awˬ.

Yeˬsaˬgeˬlaˇ 8:13

Kʼoeˇ naˇ, “Aˬ yawꞈ maꞈ kʼoeˇ naˆ maˬ tseˇ jawꞈ-eu jeˬ mˇ luꞈ gaˇ nawˇ paˇ ya mawˇ tehꞈ-a” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Yeˬsaˬgeˬlaˇ 10:18

Kʼoeˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ neh luˆ laˇ-awˇ, Jeˬluˇbeˬ kʼoeˇ deuˬ-euˬ kʼoeˇ taˆ naˬ leˇ-euˬ meh.

Yeˬsaˬgeˬlaˇ 11:23

Kʼoeˇ naˇ Sahˬpaˬ Miˬyehˇ-euˬ yaw shehꞈ kʼahˬ sehˇ kʼoeˇ Yeˬluˇsaˬlehˬ meuˬ-ahˇ neh luˆ laˇ-awˇ, nahˇ ma doˆ kʼehˬ paw jaˆ-eu gawˬ jawˬ paw le-euˬ meh.

Yeˬsaˬgeˬlaˇ 43:8

Ngaˬ-euˬ Uˬ duˬ tahˬ nymˇ nymˇ ma gʼoˆ kʼehˬ dahˇ-eu gaˇ dzeˇ, aˬ yawꞈ maꞈ-euˬ sahˬ paˬ deuˬ-euˬ hawˇ nymˇ gʼoˆ kʼehˬ bi dahˇ-awˇ, gʼahˇ ceh aˇ kaˬ-ahˇ lahˇ tiˬ lahˇ kaˇ-eu tehꞈ meh. Aˬ yawꞈ maꞈ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ tsawˇ myahˇ laˆ cawˆ-euˬ miˇ neh, ngaˇ nui ma pehˇ-awˇ aˬ yawꞈ maꞈ-ahˇ ngaˇ laˆ cawˆ nehˬ-euˬ ma.