Yeˬsaˬgeˬlaˇ 8:18 - Akha

¹⁸ Ngaˇ nui ma pehˇ saˬ pehˇ li li laˇ-euˬ jeˬ-ahˇ aˬ yawꞈ maꞈ ya daˬ tehꞈ-a. Aˬ yawꞈ maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Aˬ yawꞈ maꞈ kʼaˇ guˇ coeˇ-eu guˇ-awˇ ngaˬ-ahˇ guiˬ lahˬ shaˇ kʼawꞈ, ngaˇ maˬ naˇ haˬ nehˬ.”

Yeˬsaˬgeˬlaˇ 8:18 Referans Kwoze

Miˇkaˬ 3:4

Naw maꞈ Sahˬpaˬ Miˬyehˇ-ahˇ ngoeˇ ngoeˇ-ehˇ ya shaˇ-eu aˇ yamˬ peh le luꞈ meh. Ehˇ kʼawꞈ, naw maꞈ-ahˇ aˬ yawꞈ dawˬ maˬ ngehˬ cawˬ-a. Naw maꞈ maˬ muiˬ maˬ jaˬ-eu jeˬ mˇ-eu miˇ neh, naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ-a.

Yeˬlaˬmiˇ 11:11

Kʼoeˇ miˇ neh, aˬ yawꞈ maꞈ maˬ cehˆ dzeuˇ nya-eu luˬ-iˇ seˇ-iˇ-eu jeˬ bi keuˆ le ma lehˇ nymˬ-mˇ aˬ yawꞈ maꞈ-ahˇ ngaˇ ehˇ-eu ma. Caw ba nehˬ laꞈ lehˇ aˬ yawꞈ maꞈ ngaˬ-ahˇ guˇ-awˇ shaˇ kʼawꞈ, ngaˇ maˬ naˇ haˬ nehˬ.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Zaˬkaˬliˇ 7:13

Ngaˬ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ-euˬ miˇ neh, aˬ yawꞈ maꞈ-euˬ guiˬ lahˬ shaˇ dawˬ-ahˇ ngaˇ maˬ naˇ haˬ.

Luˇkaꞈ 13:25

Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

Yeˬsaˬgeˬlaˇ 9:10

Kʼoeˇ miˇ neh, aˬ yawꞈ maꞈ-ahˇ ngaˇ gʼawˬ shaˬ maˬ gaˬ nehˬ. Aˬ yawꞈ maꞈ neh aˬ cawˬ-ahˇ jahˇ nehˬ taˬ-euˬ jaˆ-eu loꞈ-ehˇ, aˬ yawꞈ maꞈ-ahˇ ngaˇ jahˇ nehˬ ma.”

Dawqdaq 1:28

Kʼoeˇ ngeh naw maꞈ ngaˬ-ahˇ kuˇ kʼawꞈ, ngaˇ maˬ naˇ haˬ. Naw maꞈ ngaˬ-ahˇ poˆ sehꞈ leꞈ kʼawꞈ, maˬ poˆ mawˇ nya-aˇ.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Yeˬsaˬgeˬlaˇ 16:42

Kʼoeˇ ngeh jawˇ, ngaˇ nui ma pehˇ-eu taˬ leˇ-awˇ, ciˬ cuˇ ni jawˇ ma. Nui ma naˇ-awˇ myaˆ naˆ-eu jeˬ maˬ paˇ bi ahˇ ma.

Yeˬsaˬgeˬlaˇ 9:5

Kʼoeˇ naˇ, nui deuˬ-ahˇ Miˬyehˇ heu loꞈ-ehˇ ehˇ nehˬ-eu ngaˇ gaˬ-euˬ ma. “Naw maꞈ aˬ yawꞈ-euˬ mehˬ nah caw teh gʼeh-awˇ, tsawˇ haˬ sehꞈ-iˇ-awˬ. Tiˬ gʼaˬ-iˬ maˬ bi dzeuˇ-iˇ ni sehꞈ-awˬ. Tiˬ gʼaˬ-ahˇ-iˬ gʼawˬ shaˬ taˬ gaˬ nehˬ.

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Iˇsaˬyaˇ 59:2

Naw maꞈ kuˇ ngeh aˬ yawꞈ maˬ gaˬ-eu-aˬ, naw maꞈ iˬ baˇ baˬ da neh meh. Naw maꞈ Miˬyehˇ-ahˇ uˬ duˬ tahˬ-eu leh jeh ngeh, aˬ yawꞈ nehˬ-ehˇ zahˇ doꞈ kaˬ-iˇ-euˬ-aˬ, naw maꞈ iˬ baˇ baˬ da neh meh.

Iˇsaˬyaˇ 59:1

Naw maꞈ-ahˇ ka kʼoꞈ-eu gʼaˇ duˬ, Sahˬpaˬ Miˬyehˇ aˬ laꞈ nymˇ-awˇ, naw maꞈ kuˇ gaˇ naˇ haˬ nehˬ-eu gʼaˇ duˬ, aˬ yawꞈ naˬ bawˬ nga lehˇ taˬ noeˬ.

Yeˬlaˬmiˇ 23:39

Aˬ yawꞈ maꞈ-ahˇ maˬ ehˇ, aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ meuˬ-ahˇ maˬ ehˇ, ngaˇ tsuˆ-awˇ, ngaˬ-ahˇ maˬ mawˇ laˇ gaˇ biˬ byoˆ nehˬ-eu uˬ taꞈ,

Yeˬlaˬmiˇ 44:3

Aˬ jeˬ miˇ neh ehˇ naˇ, kʼoeˇ gaˇ jawˇ-euˬ tsawˇ haˬ deuˬ yaw haiˬ jeˬ mˇ-awˇ, ngaˬ-ahˇ nui ma bi pehˇ laꞈ-euˬ meh. Aˬ yawꞈ maꞈ maˬ ehˇ, naw maꞈ maˬ ehˇ, naw maꞈ-euˬ aˬ poeˬ aˬ bawˇ deuˬ maˬ ehˇ, tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ, aˬ yawꞈ maꞈ uˬ duˬ tahˬ-awˇ lawˇ nehˬ shehˇ nehˬ-euˬ meh.

Yeˬlaˬmiˇ 44:6

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni, ngaˇ nui ma pehˇ dui dui-eu jeˬ tahˬ kʼaˇ daˆ nehˬ-awˇ, miˬ dzaˬ bi doˆ laˇ-euˬ ma. Meuˬ kʼoeˇ deuˬ cawˆ-iˇ jiˇ-awˇ, iˬ nah kʼaˇ ya mawˇ-eu loꞈ-ehˇ, guˆ laˇ paˬ-ehˇ pyeuꞈ-iˇ-euˬ meh.

Ngoeˇ dawˬ 1:5

Iˬ baˇ mˇ dui dui-euˬ miˇ neh, Sahˬpaˬ Miˬyehˇ yawꞈ-ahˇ kʼehˬ-awˇ, muiˇ-eu deuˬ gʼaˬ bi kʼaˆ laˇ-awˇ, yawꞈ-euˬ kʼoeˇ taˆ bi dzoeˬ-euˬ meh. Yawꞈ-euˬ aˬ buˇ aˬ li deuˬ-ahˇ, muiˇ-eu deuˬ nyehꞈ byoˆ gʼeh-euˬ meh.

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Yeˬsaˬgeˬlaˇ 23:25

Ngaˇ nawˬ-ahˇ nui ma pehˇ-eu miˇ neh, aˬ yawꞈ maꞈ neh nawˬ-ahˇ kʼaˇ jahˇ mawꞈ-eu bi jahˇ ma. Aˬ yawꞈ maꞈ nawˬ-euˬ naˬ paꞈ hawˇ-eu naˇ mehˇ yehˬ tsehˆ-awˇ, nawˬ-euˬ aˬ buˇ aˬ li deuˬ-ahˇ sehꞈ tehꞈ-a. Nawˬ-euˬ laꞈ-ahˇ neh aˬ buˇ aˬ li kʼoeˇ deuˬ aˬ yawꞈ maꞈ tsahˇ doˆ-awˇ, yaw dehꞈ-ehˇ miˬ dzaˬ keuˬ sehꞈ tehꞈ-a.

Zaˬkaˬliˇ 1:2

Iˇsaˬleˬlaˆ tsawˇ haˬ deuˬ-ahˇ bi ehˇ nehˬ-eu gʼaˇ duˬ, Baoˬ huiˬ-eu Sahˬpaˬ Miˬyehˇ Zaˬkaˬliˇ-ahˇ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ pyeuꞈ-eu ngaˇ, naw maꞈ-euˬ aˬ poeˬ aˬ bawˇ deuˬ-ahˇ nui ma pehˇ-euˬ ma.

1 Saˬmeuˬlaˆ 8:18

Aˇ yamˬ kʼoeˇ yamˬ keuˆ laˇ ngeh jawˇ, naw maꞈ-euˬ nui kʼahˇ byah laˇ ni yawˬ haˇ yawˬ ha tseˇ doˆ-euˬ sahˬ paˬ baˬ da neh, nui ma cawˆ dui dui nya lehˇ naw maꞈ ya ehˇ tehꞈ-a. Ehˇ kʼawꞈ, naw maꞈ nui ma cawˆ-awˇ toˇ-eu dawˬ-ahˇ, Sahˬpaˬ Miˬyehˇ maˬ paˇ naˇ haˬ nehˬ laꞈ-aˇ.”