Yeˬsaˬgeˬlaˇ 8:11 - Akha

¹¹ Sahˬ paˬ-euˬ aˬ li Yaˬzaˬniˇ ahˇ leˇ-ehˇ, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ kʼoeˇ gaˇ jawˇ-eu meh. Aˬ yawꞈ gʼaˬ yawꞈ yaw saw jeˬ doꞈ damˬ duˬ tiˬ gʼaˬ tiˬ hmˬ yuˇ luꞈ-awˇ, yaw saw jeˬ doꞈ taˬ-euˬ uˬ kʼoeˬ uꞈ uꞈ-ehˇ jaˆ-eu meh.

Yeˬsaˬgeˬlaˇ 8:11 Referans Kwoze

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Bawˇtsahˬ 16:17

Naw maꞈ yawˬ gʼaˬ na luꞈ, miˬ dzaˬ miˬ jiˆ pehˆ ahˇ-eu guiˬ gʼawˆ kʼoeˇ taˆ yaw saw jeˬ dawˆ daˆ-awˇ, lawˇ duˬ-ahˇ ya lawˇ meh.”

Bawˇtsahˬ 11:16

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ laꞈ kʼoeˇ, aˬ yuiꞈ aˬ tsu loꞈ-ehˇ aˬ cawˬ taˬ huiˬ-awˇ yaw zeu baw-eu tsawˇ haˬ shiꞈ tseˇ gʼaˬ kuˇ uiˬ-awˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, nawˬ-euˬ dawˬ peh yawꞈ-awˬ lehˇ ehˇ nehˬ-awˬ.

Yeˬlaˬmiˇ 19:1

“Ciˬ cuˇ tiˬ siˬ zeuˇ laˬ-iˇ-awˬ” lehˇ Sahˬpaˬ Miˬyehˇ ngaˬ-ahˇ ehˇ-eu meh. “Aˬ yuiꞈ aˬ tsu geuꞈ-eu tiˬ paˆ na deuˬ hawˇ-eu, aˇ kʼoꞈ kʼawˆ laˇ-euˬ piˇ ma tiˬ paˆ na deuˬ kʼawꞈ sheuˬ-awˇ,

Bawˇtsahˬ 11:25

Kʼoeˇ ngeh, mˬ dmˇ laꞈ kʼoeˇ Sahˬpaˬ Miˬyehˇ zaꞈ le-awˇ, aˬ yawꞈ-ahˇ dawˬ ngehˬ cawˬ-euˬ meh. Moˇseˬ-ahˇ biꞈ taˬ-euˬ yaw sahˇ tiˬ paˆ deuˬ aˬ yawꞈ yuˇ-awˇ, aˬ yuiꞈ aˬ tsu kʼoeˇ shiꞈ tseˇ gʼaˬ-ahˇ biꞈ-euˬ meh. Aˬ yawꞈ maꞈ kʼoeˇ taˆ yaw sahˇ keuˆ le ngeh, Miˬyehˇ gʼaˇ duˬ ngehˬ dah-eu deuˬ loꞈ-ehˇ aˬ yawꞈ maꞈ guˇ-eu meh. Ehˇ kʼawꞈ, tiˬ kʼehˬ laˇ kʼehˇ tehꞈ-ehˇ aˬ yawꞈ maꞈ guˇ-euˬ meh.

Doˆ-iˇ 24:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ, Naˬdehˇ, Aˬbiˇhuˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ sheuˬ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ. Naw maꞈ ngaˇ jawˇ gaˇ maˬ laˇ keuˆ mi naˆ-ehˇ, ui cuiˆ gaˇ mahˇ kaˬ gaˇ jawˇ-awˇ, aw byaˆ-eu laꞈ kʼoeˇ, ngaˬ-ahˇ uˬ duˬ tahˬ-awˬ.

Daˬyeˬlaˇ 9:8

Sahˬpaˬ Miˬyehˇ-oˇ, nga maꞈ-euˬ sahˬ paˬ sahˬ ma deuˬ hawˇ-eu, nga maꞈ-euˬ aˬ poeˬ aˬ bawˇ deuˬ, nawˬ-euˬ mehˬ shi iˬ baˇ mˇ-awˇ, shaꞈ dawˇ dui dui paˬ-ehˇ dehꞈ-euˬ meh.

Yeˬlaˬmiˇ 36:10

Kʼoeˇ naˇ, tsawˇ haˬ dawˬ tawˆ luꞈ naˇ haˬ luꞈ ngeh, ngaˬ neh gui ka ka nehˬ-euˬ dawˬ deuˬ boꞈ ahˇ jiˇ taˬ-euˬ sahˬ boꞈ paˇ yoˆ kʼoeˇ yoˆ, Baˬluˆ gui mehˬ nehˬ-euˬ meh. Shaˇpaˬ-euˬ aˬ li pyeuꞈ-eu Uˬ duˬ tahˬ nymˇ nymˇ ma -euˬ saˇ naˇ gaˇ tuˆ tehˬ luꞈ-eu Geˬmaˬliˇyaˆ-euˬ aˇ lawˆ laꞈ kʼoeˇ uˇ-awˇ, aˬ yawꞈ gui mehˬ-euˬ meh. Aˇ lawˆ kʼoeˇ lawˆ-aˬ, Uˬ duˬ tahˬ nymˇ nymˇ ma-euˬ poˆ kaˬ laꞈ taˆ kaˬ-ahˇ, Gʼoˆ kʼehˬ yaw shuiꞈ lehˇ kuˇ-eu kʼoeˇ kʼehˬ dawˬ peh jaˆ-eu meh.

Yeˬlaˬmiˇ 29:3

Yuˇdaˆ sahˬ paˬ Zeˬdaˬkiˇ neh, Baˬbuˇloˬ sahˬ paˬ Neˬbuˬkaˬneˬzaˬ jawˇ gaˇ pyehˬ gʼeh-euˬ Shaˇpaˬ-euˬ aˬ li Eˇlaˬsaˬ hawˇ-eu Hiˇlaˬkiˇ-euˬ aˬ li Geˬmaˬliˇyaˆ aˬ nyaꞈ-ahˇ, sahˬ boꞈ kʼoeˇ taꞈ ngaˇ dawˆ ahˇ gʼeh-euˬ ma. Sahˬ boꞈ kʼoeˇ taꞈ laꞈ kʼoeˇ boꞈ taˬ-euˬ gaˇ kawˆ-aˬ, heu loꞈ-ehˇ ma.

Yeˬlaˬmiˇ 26:24

Ehˇ kʼawꞈ, Shaˇpaˬ-euˬ aˬ li Aˬhiˇkamˬ ngaˬ-ahˇ caw ba-eu miˇ neh, miˇ kʼahˬ zaˬ-euˬ laꞈ-ahˇ maˬ ahˇ leˇ-ehˇ, bi sehꞈ gaˇ maˬ keuˆ-aˬ.

Yeˬlaˬmiˇ 7:9

Kʼoeˬ-eu gʼehꞈ-eu jeˬ, tsawˇ haˬ-ahˇ sehꞈ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, jaˬ myawꞈ myawꞈ-awˇ kamˬ-eu jeˬ, Baˬlaˇ miˬ yehˇ-ahˇ lawˇ nehˬ shehˇ nehˬ-eu jeˬ, aˇ hu naw maꞈ maˬ siˬ maˬ mawˇ haw-euˬ miˬ yehˇ nui deuˬ-ahˇ uˬ duˬ tahˬ-eu jeˬ, heu deuˬ-ahˇ naw maꞈ mˇ bahˬ taˬ-euˬ meh.

Yeˬlaˬmiˇ 5:5

Aˬ yuiꞈ aˬ tsu geuꞈ luꞈ-eu deuˬ-ahˇ ngaˇ ngehˬ cawˬ-iˇ ma. Miˬyehˇ-euˬ zahˇ sahˇ kʼoꞈ hawˇ-eu aˬ yawꞈ-euˬ nui kʼahˇ-ahˇ, aˬ yawꞈ maꞈ siˬ nya-eu yaw duˬ baw meh.” Ehˇ kʼawꞈ aˬ yawꞈ maꞈ dawˬ tawˆ luꞈ gʼeh-awˇ, Sahˬpaˬ Miˬyehˇ uˆ lahˇ luꞈ-eu jeˬ-ahˇ puiˬ-awˇ, aˬ yawꞈ ehˇ dawˬ maˬ naˇ haˬ-a.

2 Laˬsaˬbaˬ 34:20

Kʼoeˇ naˇ, Hiˇlaˬkiˇ, Shaˇpaˬ-euˬ aˬ li Aˬhiˇkamˬ, Miˇkaˬyaˇ-euˬ aˬ li Aˬbaˬdoˬ, saˇ naˇ gaˇ paw aˬ yuiꞈ geuꞈ-eu Shaˇpaˬ hawˇ-eu, sahˬ paˬ-euˬ kuiˇ laꞈ geuꞈ-eu Aˬsaˬyaˇ aˬ ha maꞈ-ahˇ aˬ yawꞈ heu loꞈ-ehˇ dawˬ biꞈ-euˬ meh.

2 Laˬsaˬbaˬ 26:19

Awˇziˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu yaw saw jeˬ doꞈ damˬ-eu lawˇ duˬ dawˬ peh, yaw saw jeˬ doꞈ daˆ-eu kʼmˬ maˬ yuˇ-awˇ piˇ ma kʼoeˇ deuˬ-ahˇ nui ma pehˇ-eu laꞈ kʼoeˇ yawꞈ luꞈ-eu meh. Kʼoeˇ ngeh, nyawˬ naˇ-eu maˇ naˇ aˬ yawꞈ-euˬ naˇ kʼawˇ-ahˇ ja pyuˬ ni naˇ doˆ laˇ-euˬ meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

2 Sahˬpaˬ 25:22

Baˬbuˇloˬ sahˬ paˬ Neˬbuˬkaˬneˬzaˬ-aˬ, Shaˇpaˬ-euˬ oeˬ paˬ pyeuꞈ-eu Aˬhiˇkamˬ-euˬ aˬ li Geˬdaˬliˇ-ahˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ bi geuꞈ-awˇ, Baˬbuˇloˬ miˇ kʼahˬ-ahˇ maˬ bi nyehꞈ gʼeh ni dzeˇ yaꞈ-euˬ deuˬ-ahˇ bi haw bi pyaˆ-euˬ meh.

2 Sahˬpaˬ 22:14

Hiˇlaˬkiˇ, Aˬhiˇkamˬ, Aˬkaˬbawˇ, Shaˇpaˬ, Aˬsaˬyaˆ aˬ ha maꞈ-aˬ, Yeˬluˇsaˬlehˬ meuˬ yaw shuiꞈ tsoˆ-euˬ paw dzeˇ dzaˬ-ahˇ jawˇ-eu Huˇlaˬdaˬ lehˇ myahˇ-euˬ Miˬyehˇ gʼaˇ duˬ ngehˬ dah-eu zaˬ miˬ zaˬ tiˬ gʼaˬ jawˇ gaˇ iˇ-awˇ, naˇ haˬ-iˇ-euˬ meh. (Zaˬ miˬ zaˬ kʼoeˇ gʼaˬ-euˬ kʼaˬ dzeˇ zaˬ-aˬ, Haˬlaˬhaˇ-euˬ oeˬ paˬ pyeuꞈ-awˇ, Tiˇkaˬbaˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma laꞈ kʼoeˇ pehˇ kʼahˬ pehˇ mahˇ jeˬ hmˬ-eu gaˇ mˇ luꞈ-eu Shaˬlmˬ meh.) Kʼaˇ pyeuꞈ laˇ-euˬ gaˇ kawˆ kʼoeˇ deuˬ, zaˬ miˬ zaˬ kʼoeˇ gʼaˬ-ahˇ aˬ yawꞈ maꞈ dzawˇ nehˬ-euˬ meh.

2 Sahˬpaˬ 22:12

Kʼoeˇ naˇ, piˇ ma Hiˇlaˬkiˇ, Shaˇpaˬ-euˬ aˬ li Aˬhiˇkamˬ, Miˇkaˬyaˇ-euˬ aˬ li Aˬkaˬbawˇ, saˇ naˇ gaˇ paw aˬ yuiꞈ geuꞈ-eu Shaˇpaˬ, sahˬ paˬ-euˬ kuiˇ laꞈ geuꞈ-eu Aˬsaˬyaˆ aˬ ha maꞈ-ahˇ, sahˬ paˬ heu loꞈ-ehˇ dawˬ biꞈ-euˬ meh.

2 Sahˬpaˬ 22:8

Hiˇlaˬkiˇ jawˇ gaˇ Shaˇpaˬ le-awˇ, sahˬ paˬ-euˬ dawˬ tsaꞈ leˇ ngeh, Hiˇlaˬkiˇ gʼaˬ, aˬ yawꞈ neh Uˬ duˬ tahˬ nymˇ nymˇ ma laꞈ kʼoeˇ Zahˇ dawˬ kʼoꞈ dawˬ sahˬ boꞈ paˇ yoˆ jaˆ-eu ya mawˇ-euˬ gaˇ kawˆ, Shaˇpaˬ-ahˇ dzawˇ nehˬ-euˬ meh. Sahˬ boꞈ kʼoeˇ Shaˇpaˬ-ahˇ biꞈ nehˬ-awˇ, Shaˇpaˬ gui haw-euˬ meh.

2 Sahˬpaˬ 22:3

Sahˬ paˬ Yawˇshiˆ uˆ lahˇ luꞈ-eu tseˇ yehꞈ kʼoꞈ tiˬ kʼoꞈ-ahˇ, Meˬshuˇlamˬ-euˬ oeˬ paˬ pyeuꞈ-awˇ, Aˬzaˬliˇ-euˬ aˬ li pyeuꞈ-eu saˇ naˇ gaˇ paw aˬ yuiꞈ geuꞈ luꞈ-eu Shaˇpaˬ-ahˇ, aˬ yawꞈ heu loꞈ-ehˇ ehˇ nehˬ-awˇ Uˬ duˬ tahˬ nymˇ nymˇ ma-ahˇ bi le-euˬ meh.

Doˆ-iˇ 24:9

Moˇseˬ, Aˬloˬ, Naˬdehˇ, Aˬbiˇhuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ, gawˬ jawˬ kʼoeˇ jawˬ-ahˇ daˆ leˇ-euˬ meh.

Luˇkaꞈ 10:1

Kʼoeˇ naˇ, Sahˬpaˬ Yeˬsuˇ-aˬ, zaˬ lahˇ shiꞈ tseˇ nyiꞈ gʼaˬ paˇ tseˇ doˆ-awˇ, nyiˬ gʼaˬ-euˬ tiˬ muˇ bi muˇ-awˇ, aˬ yawꞈ kʼaˇ iˇ-eu lehˇ gʼeh-eu meuˬ deuˬ hawˇ-eu pu deuˬ doe ni, aˬ yawꞈ-euˬ mehˬ hu kʼehˇ gʼeh-euˬ meh.

Bawˇtsahˬ 7:50

yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

Iˇsaˬyaˇ 44:13

Laꞈ saˇ maˇ geuꞈ-eu deuˬ daˇ kawˬ-ahˇ dza haw-awˇ, sahˬ duˇ neh kawˆ byawꞈ-awˇ, tsawˇ haˬ mawˇ kawˇ doˆ laˇ ni laꞈ saˇ maˇ keu ka neh taꞈ-awˇ, muiˬ dui dui-eu tsawˇ haˬ mawˇ kawˇ kʼoeˇ aˬ yawꞈ-euˬ nymˇ-ahˇ ciˬ taˬ-awˇ bi jaˆ-eu meh.

Yeˬlaˬmiˇ 44:21

“Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ neh maˬ ehˇ, naw maꞈ-euˬ sahˬ paˬ hawˇ-eu aˬ yuiꞈ aˬ tsu deuˬ neh maˬ ehˇ, miˇ kʼahˬ zaˬ deuˬ neh maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni lawˇ-euˬ shehˇ-euˬ jeˬ-ahˇ, Sahˬpaˬ Miˬyehˇ maˬ siˬ nya-aˇ lehˇ noeˬ te loˇ. Maˬ ngeuˇ naˇ, ngehˇ byoˆ nehˬ laꞈ tehꞈ-a lehˇ noeˬ te loˇ.

Yeˬlaˬmiˇ 52:27

Yiˇbaˬlahˬ meuˬ-aˬ, Haˬmaˆ gahˬ kaˬ-ahˇ jaˆ-eu meh. Kʼoeˇ gaˇ, Baˬbuˇloˬ sahˬ paˬ aˬ yawꞈ maꞈ-ahˇ kʼehˬ-awˇ sehꞈ-euˬ meh. Kʼoeˇ loꞈ-ehˇ Yuˇdaˆ tsawˇ haˬ deuˬ aˬ cawˬ neh bi nyehꞈ byoˆ gʼeh-euˬ meh.

Yeˬsaˬgeˬlaˇ 8:10

Ngaˇ laꞈ kʼoeˇ uˇ-iˇ haw ngeh, kaˇ pyawˇ-ahˇ, aˇ lawˇ mawˇ kawˇ hawˇ-eu maˬ shawˇ-eu jeˬ zaˬ deuˬ-euˬ mawˇ kawˇ deuˬ maˬ ehˇ, Iˇsaˬleˬlaˆ tsawˇ haˬ deuˬ, uˬ duˬ tahˬ-eu jeˬ-euˬ mawˇ kawˇ deuˬ boꞈ taˬ-euˬ meh.

Yeˬsaˬgeˬlaˇ 20:1

Nga maꞈ aˬ cawˬ miˇ kʼahˬ-ahˇ bi nyehꞈ gʼeh-euˬ shiꞈ kʼoꞈ tiˬ kʼoꞈ, ba la ngaˬ siˬ tiˬ siˬ tseˇ nah-ahˇ, Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Sahˬpaˬ Miˬyehˇ nui ma tsaˬ-eu jeˬ gaˇ kawˆ naˇ haˬ laˇ-euˬ meh. Aˬ yawꞈ maꞈ ngaˬ-euˬ mehˬ shi nuiˇ luꞈ-eu meh.

Yeˬlaˬmiˇ 19:4

Miˇ kʼahˬ zaˬ deuˬ ngaˬ-ahˇ byehˇ dzeh-awˇ, aˬ yawꞈ maꞈ maˬ ehˇ, aˬ yawꞈ maꞈ-euˬ aˬ poeˬ aˬ bawˇ deuˬ maˬ ehˇ, Yuˇdaˆ sahˬ paˬ deuˬ maˬ ehˇ, tiˬ jawˇ-iˬ maˬ gaˬ haw-euˬ miˬ yehˇ nui deuˬ-ahˇ lawˇ nehˬ shehˇ nehˬ-eu laꞈ kʼoeˇ, jawˇ duˬ heu tsahˇ-ahˇ laˆ jawꞈ-euˬ meh. Jawˇ duˬ heu tsahˇ-ahˇ, iˬ baˇ maˬ ahˇ-eu tsawˇ haˬ deuˬ-euˬ shiˬ aˬ yawꞈ maꞈ bi yoeˇ byah-euˬ meh.

Yeˬlaˬmiˇ 26:22

Ehˇ kʼawꞈ sahˬ paˬ Yeˬhawˇyaˬkmˬ-aˬ, Aˬkaˬbawˇ-euˬ aˬ li Eˇlaˬnaˬdaˬ nehˬ-ehˇ tsawˇ haˬ tiˬ deuˬ pyehˬ gʼeh-awˇ, Iˇjiˇtuˆ miˇ kʼahˬ-ahˇ Uˇliˇyaˆ-ahˇ bi nyehꞈ kʼoꞈ laˬ-iˇ-euˬ meh.

Yeˬsaˬgeˬlaˇ 9:6

“Tsawˇ mawˬ deuˬ, aˬ li zaˬ guˬ deuˬ, aˬ buˇ zaˬ guˬ deuˬ, aˬ ma deuˬ hawˇ-eu, zaˬ deuˬ dawˬ tawˆ luꞈ-ahˇ sehꞈ jiˇ-awˬ. Ehˇ kʼawꞈ, naˇ kʼawˇ-ahˇ tsaˬ tsoˆ taˬ-euˬ tsawˇ haˬ deuˬ-ahˇ taˬ sehꞈ. Heu gaˇ, ngaˬ-euˬ Uˬ duˬ tahˬ nymˇ nymˇ ma -ahˇ neh aˇ dahˬ beh-awˇ, sehꞈ ka gʼeh-awˬ.” Kʼoeˇ naˇ, Uˬ duˬ tahˬ nymˇ nymˇ ma-ahˇ yawꞈ luꞈ-eu aˬ yuiꞈ aˬ tsu deuˬ-ahˇ neh aˇ dahˬ beh-awˇ, aˬ yawꞈ maꞈ tsawˇ haˬ sehꞈ ka gʼeh-euˬ meh.