Yeˬsaˬgeˬlaˇ 7:23 - Akha

²³ “Yawˬ jeˬ na luꞈ geuꞈ-eu maˬ paˇ ahˇ meh. Miˇ kʼahˬ laꞈ kʼoeˇ tsawˇ haˬ sehꞈ-eu jeˬ byah -awˇ, meuˬ deuˬ laꞈ kʼoeˇ yaw haiˬ jeˬ byah-eu meh.

Yeˬsaˬgeˬlaˇ 7:23 Referans Kwoze

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Yeˬlaˬmiˇ 27:2

“Yahˬ caˆ hawˇ-eu daˇ kawˬ neh mawˇ neˇ kʼaˆ daˬ jahˇ-awˇ, nawˬ-euˬ kawˬ lahˇ-ahˇ tawˬ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Hawˇseˬ 4:2

Dawˬ kʼaˆ ngehˬ-awˇ kamˬ-eu maˬ ehˇ, jaˬ myawꞈ mehˇ shuiˇ shuiˇ-eu maˬ ehˇ, tsawˇ haˬ-ahˇ sehꞈ-eu jeˬ maˬ ehˇ, kʼoeˬ-eu gʼehꞈ-eu gaˇ kawˆ maˬ ehˇ, kʼaˬ miˬ sheu-awˇ bahˬ-eu maˬ ehˇ, miˇ kʼahˬ heu doe ni byah jiˇ-awˇ, yaw haiˬ mˇ-eu aˇ dzehˬ dzeuˇ-awˇ, tsawˇ haˬ sehꞈ dehˆ-euˬ maˬ baw-a.

Yeˬsaˬgeˬlaˇ 11:6

Meuˬ heu meuˬ laꞈ kʼoeˇ naw maꞈ tsawˇ haˬ aˇ dzehˬ sehꞈ dzeuˇ-euˬ miˇ neh, gaˇ ma doe ni tsawˇ shiˇ ga byah taˬ-euˬ meh.

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

Naˬhmˬ 3:10

Ehˇ kʼawꞈ, aˬ yawꞈ-ahˇ paꞈ tawꞈ-awˇ, bi nyehꞈ byoˆ-euˬ maˬ ngeuˇ-a loˇ. Gaˇ gʼoꞈ gaˇ tsmˇ kʼaˇ tsmˇ le gaˇ, aˬ yawꞈ-euˬ zaˬ bi diˬ sehꞈ-awˇ, aˬ yuiꞈ aˬ tsu bi geuꞈ-euˬ deuˬ, tiˬ paw tiˬ gʼaˬ shmˇ caˆ paꞈ-awˇ, bi tsahˇ byoˆ-euˬ maˬ ngeuˇ-a loˇ.

Miˇkaˬ 7:2

Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Yeˬsaˬgeˬlaˇ 22:13

“Nawˬ neh tahˇ joe joe za-euˬ jeˬ hawˇ-eu, nawˬ neh shiˬ laˆ yoeˇ-euˬ jeˬ kʼoeˇ taˆ ngaˬ-euˬ aˬ laꞈ laꞈ puˇ tahˬ gʼeh leꞈ ma.

Yeˬsaˬgeˬlaˇ 22:9

Nawˬ-euˬ tsawˇ haˬ tiˬ paˆ na deuˬ aˬ cawˬ bi shiˇ-eu toˆ-awˇ, tiˬ paˆ na deuˬ-aˬ, tahˬ pahˬ aˬ ma mawˇ kawˇ deuˬ-ahˇ lawˇ nehˬ-euˬ dzaˇ dzaˬ-eu meh. Tiˬ paˆ na deuˬ kʼaˬ miˬ sheu gaˇ byawˬ gʼa-eu meh.

Yeˬsaˬgeˬlaˇ 8:17

Sahˬpaˬ Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ jahˇ luꞈ-eu nawˇ mawˇ maˬ loˇ. Yuˇdaˆ tsawˇ haˬ heu deuˬ-aˬ, heu gaˇ nawˬ neh ya mawˇ-euˬ jawꞈ dui dui-eu gaˇ heu deuˬ hawˇ-eu, miˇ kʼahˬ doe ni yaw haiˬ jeˬ mˇ byah-eu tehꞈ-ehˇ nui kʼahˇ maˬ shiˇ-a. Uˬ duˬ tahˬ nymˇ nymˇ ma laꞈ kʼoeˇ kʼoeˇ loꞈ-ehˇ gʼeh-eu jeˬ paˇ mˇ-eu laꞈ kʼoeˇ ngaˇ nui ma pehˇ dzehˬ laˇ ni jahˇ luꞈ-eu meh. Ngaˬ-ahˇ kʼaˇ jahˇ doeˇ nehˬ nya-eu loꞈ-ehˇ jahˇ doeˇ nehˬ laꞈ gaˇ haw sheˇ.

Ngoeˇ dawˬ 3:7

Ngaˇ maˬ bi cehˆ dzeuˇ-eu gʼaˇ duˬ, aˬ yawꞈ kaˇ pyawˇ taw lahˇ taˬ-awˇ, shmˇ caˆ paꞈ tawꞈ nehˬ laꞈ-euˬ meh.

Yeˬlaˬmiˇ 40:1

Guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh, Laˬmahˇ meuˬ-ahˇ ngaˬ-ahˇ pyehˬ nehˬ laꞈ gʼaˬ ngeh, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ meh. Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ-ahˇ jawˇ-eu tsawˇ haˬ kʼoeˇ deuˬ nehˬ-ehˇ tiˬ kawˆ loꞈ-ehˇ, ngaˬ-ahˇ shmˇ caˆ bi daˬ laꞈ-awˇ, kʼoeˇ gaˇ sheuˬ gʼeh nehˬ laꞈ-euˬ meh.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

Yeˬlaˬmiˇ 2:34

Aˬ cawˬ kʼoeˇ taˆ kʼaˆ dzaˬ-eu deuˬ-euˬ shiˬ maˬ ngeuˇ, maˬ lehˬ maˬ ca-eu iˇ shaˬ zaˬ-euˬ shiˬ, naw maꞈ-euˬ mehˬ tsoeˬ-ahˇ lehꞈ kʼawꞈ,

Iˇsaˬyaˇ 59:7

Aˬ myah luꞈ yaw haiˬ jeˬ-ahˇ naw maꞈ shaˇ noeˬ-awˇ, yaw doeˇ maˬ mˇ-ehˇ yawˬ jawˇ maˬ saˇ-a. Tsawˇ muiˬ-ahˇ sehꞈ-eu maˬ nyi naˬ coeˇ-ehˇ, naw maꞈ kʼaˇ iˇ gaˇ yaw cawˆ jeˬ doˆ laˇ-eu meh.

Iˇsaˬyaˇ 59:3

Naw maꞈ jaˬ myawꞈ mehˇ shuiˇ myaˬ-eu uˬ taꞈ, yaw haiˬ mˇ-awˇ tsawˇ haˬ-ahˇ sehꞈ-euˬ meh.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

2 Sahˬpaˬ 24:4

Kʼaˆ tiˬ paˆ ni, iˬ baˇ maˬ ahˇ-eu tsawˇ haˬ deuˬ-ahˇ aˬ yawꞈ sehꞈ-euˬ baˬ da neh, kʼoeˇ loꞈ-ehˇ bi pyeuꞈ laˇ-euˬ meh. Kʼoeˇ loꞈ-ehˇ mˇ-euˬ baˬ da neh, Maˬnaˇseˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ coeˇ-a.

Yeˬlaˬmiˇ 6:7

Lah duˬ laꞈ kʼoeˇ iˇ cuꞈ iˇ beuˆ doˆ-eu loꞈ-ehˇ, Yeˬluˇsaˬlehˬ laꞈ kʼoeˇ yaw haiˬ jeˬ iˇ beuˆ doˆ-eu meh. Meuˬ laꞈ kʼoeˇ kʼehˬ dzaˬ kʼaˆ dzaˬ-eu jeˬ ya gaˬ-awˇ, maˇ kʼehˬ maˇ naˇ hawˇ-eu naˇ gawˇ maˬ tsehˆ leˇ-a.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 45:9

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ sahˬ ma deuˬ-oˇ, naw maꞈ iˬ baˇ mˇ luꞈ-eu myahˇ dui dui laˇ-euˬ meh. Yaw haiˬ jeˬ hawˇ-eu nawˬ dzaˬ kʼaˆ dzaˬ-eu jeˬ-ahˇ byehˇ-awˇ, yaw tsaˬ yaw dawˇ jeˬ mˇ paˇ-awˬ. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh naw maꞈ tiˬ jawˇ-iˬ maˬ paˇ ya teh doˆ meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma.”

Yeˬsaˬgeˬlaˇ 8:16

Kʼoeˇ naˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ aˬ yawꞈ ngaˬ-ahˇ paˇ sheuˬ ahˇ gʼeh nehˬ laꞈ-euˬ meh. Muiˬ-eu shawˇ-eu jawˇ duˬ-ahˇ uˇ leˇ-eu gʼoˆ kʼehˬ dawˬ peh, lawˇ duˬ hawˇ-eu gaˇ ma yaw kaˬ-ahˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ya mawˇ-euˬ ma. Muiˬ-eu shawˇ-eu jawˇ duˬ-ahˇ aˬ yawꞈ maꞈ naˇ kʼah pyawˇ-awˇ, nahˇ ma doˆ kʼehˬ paw mehˬ shi pyawˇ-awˇ awˆ byaˆ-eu laꞈ kʼoeˇ, nahˇ ma doˆ laˇ gaˇ uˬ duˬ tahˬ luꞈ-eu meh.

Yeˬsaˬgeˬlaˇ 12:19

Heu-aˬ, maˬ jiˆ maˬ pawˇ-ehˇ yawˬ ha-euˬ miˇ kʼahˬ laꞈ kʼoeˇ ya jawˇ luꞈ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ neh ehˇ taˬ-euˬ dawˬ meh lehˇ, Iˇsaˬleˬlaˆ miˇ kʼahˬ kʼahˬ lah ni-ahˇ ehˇ gaˬ nehˬ-awˬ. Aˬ yawꞈ maꞈ dzaˬ ngeh dawˇ ngeh, guˆ-awˇ yaw dzuˬ ya dzuˬ tehꞈ-a. Aˬ yawꞈ maꞈ-euˬ miˇ kʼahˬ zaˬ dawˬ tawˆ luꞈ zahˇ sahˇ kʼoꞈ maˬ baw ni dehꞈ-eu miˇ neh, aˬ yawꞈ maꞈ-euˬ miˇ kʼahˬ neˇ myawˆ ni ya pyeuꞈ-iˇ tehꞈ-a.