Yeˬsaˬgeˬlaˇ 7:21 - Akha

²¹ Sahˬpaˬ Miˬyehˇ ehˇ-eu, “Aˬ cawˬ tsawˇ jeuˬ deuˬ neh aˬ yawꞈ maꞈ-ahˇ tahˇ joe bi joe dzaˬ ma. Haiˬ dui dui-eu tsawˇ haˬ deuˬ aˬ yawꞈ maꞈ-euˬ pyuˇ shuiˇ myawˬ gahˬ dawˬ tawˆ luꞈ yuˇ geuꞈ jiˇ-awˇ, laˆ jawꞈ jiˇ tehꞈ-a.

Yeˬsaˬgeˬlaˇ 7:21 Referans Kwoze

2 Sahˬpaˬ 24:13

Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ deuˬ, Baˬbuˇloˬ miˇ kʼahˬ-ahˇ aˬ yawꞈ yuˇ gʼeh-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ zmˬ-eu gʼaˇ duˬ, sahˬ paˬ Sawˇlaˬmoˬ neh jahˇ taˬ yaꞈ-euˬ shuiˇ keu ka dawˬ tawˆ luꞈ-ahˇ, Neˬbuˬkaˬneˬzaˬ neh laˆ kʼehꞈ laˆ kʼoeˆ jiˇ-euˬ meh.

Jaceuq 79:1

Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Jaceuq 109:11

Aˬ yawꞈ-euˬ myawˬ gahˬ dawˬ tawˆ luꞈ aˬ yawꞈ-ahˇ pyuˇ paˇ nehˬ-euˬ gʼaˬ yuˇ kʼoꞈ jiˇ-awˇ, aˬ yawꞈ neh kʼaˇ mˇ doˆ taˬ-euˬ jeˬ-ahˇ boeˇ miˬ siˬ kʼaˬ deuˬ yuˇ geuꞈ jiˇ luꞈ-uˇ.

Yeˬlaˬmiˇ 19:13

Yeˬluˇsaˬlehˬ meuˬ-ahˇ jaˆ-eu nymˇ deuˬ maˬ ehˇ, Yuˇdaˆ sahˬ paˬ deuˬ-euˬ nymˇ deuˬ maˬ ehˇ, nymˇ mˬ kʼoeˇ taˆ aˬ guiˇ deuˬ-ahˇ tsiˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ kʼaˇ-awˇ lawˇ nehˬ-euˬ nymˇ yawˬ nymˇ na luꞈ, Tawˇpehˆ lehˇ kuˇ-eu jawˇ duˬ loꞈ-ehˇ, maˬ muiˬ maˬ shawˇ-eu jeˬ pyeuꞈ-iˇ tehꞈ-a.”

Yeˬsaˬgeˬlaˇ 31:12

Gʼawˬ shaˬ gaˬ-eu maˬ siˬ nya-eu aˬ cawˬ tsawˇ jeuˬ neh tuˇ dzeh-awˇ bi ga yaꞈ tehꞈ-a. Gawˬ jawˬ gʼaˬ lawˬ doe ni aˇ bawˇ kʼoeˇ bawˇ-euˬ uˬ pyaˬ uˬ laꞈ ga tehꞈ-a. Aˬ yawꞈ-euˬ naˇ shmˇ uˬ moˆ kʼaˇ jawˇ-euˬ tsawˇ jeuˬ dawˬ tawˆ luꞈ cehˆ jiˇ tehꞈ-a.