Yeˬsaˬgeˬlaˇ 7:18 - Akha

¹⁸ Aˬ yawꞈ maꞈ guˬ daˇ pehˇ zeuˇ mehˬ tsoeˬ dm-awˇ, yaw dzuˬ dzuˬ tehꞈ-a. Aˬ yawꞈ maꞈ uꞈ jehˆ bi jehˆ dzeh jiˇ-awˇ, daˬ ga dui dui tehꞈ-a.

Yeˬsaˬgeˬlaˇ 7:18 Referans Kwoze

Aˬmoˆ 8:10

Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.

Yeˬsaˬgeˬlaˇ 27:31

Nawˬ-euˬ gʼaˇ duˬ uˬ jehˆ jehˆ-awˇ, guˬ daˇ pehˇ zeuˇ mehˬ tsoeˬ dm-awˇ, Aˬ yawꞈ maꞈ tsawˇ ngoeˇ ngoeˇ-eu kʼoeˇ nui ma shaˬ zahˬ mˇ dui dui meh.

Iˇsaˬyaˇ 3:24

Tsiˇ yaw saw jeˬ maˬ paˇ ya lehꞈ ni, uˬ nyawˬ behꞈ laꞈ tehꞈ-a. Joꞈ dzahˬ maˬ paˇ ya dzahˬ ni, aˇ caˆ caˆ pyehꞈ ya dzahˬ tehꞈ-a. Haw muiˬ dui dui-eu uˬ duˬ tsehˇ kahˇ maˬ paˇ tsoꞈ ni, uˬ duˬ buˇ coeˆ ni jaˆ tehꞈ-a. Muiˬ dui dui-eu pehˇ kʼahˬ pehˇ mahˇ maˬ paˇ ya dm ni, guˬ daˇ pehˇ zeuˇ ya tsahˇ lahˇ tehꞈ-a. Yaw beh aˇ gʼehˇ muiˬ-euˬ kʼawꞈ, shaꞈ dawˇ dui dui paˬ-ehˇ pyeuꞈ-iˇ tehꞈ-a.

Yawˇbaˆ 21:6

Ngaˬ-euˬ kʼoeˇ taˆ keuˆ le-euˬ jeˬ-ahˇ ngaˇ shaˇ noeˬ ngeh, ngaˬ-ahˇ zahˬ leˇ-awˇ yaw dzuˬ dzuˬ dui dui nya.

Yeˬlaˬmiˇ 48:37

Aˬ yawꞈ maꞈ dawˬ tawˆ luꞈ yawˬ ha-euˬ uˬ duˬ tsehˇ kahˇ hawˇ-eu mehˬ mahˬ jehˆ dzeh jiˇ-euˬ meh. Aˬ yawꞈ maꞈ yawˬ ha-euˬ aˬ laꞈ-ahˇ mi cehˇ neh deuˆ taˆ-awˇ, pehˇ zeuˇ neh mehˬ tsoeˬ guꞈ dm-eu meh.

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

Jaceuq 35:26

Ngaˇshaˬgaˇlaˬkʼaˬcehˇ-eu deuˬ, daˬga-awˇshaˬzahˬnaꞈluꞈ-uˇ. Ngaˬ-ahˇjahˇgʼeh haw-eu kʼoeˇdeuˬ, shaꞈdawˇ-eu jeˬ ya dm luꞈ-uˇ.

Aˇ dahˬ 15:12

Nahˇ ma ga shuiˇ ga neˇ yehˆ ni jaˆ ngeh, Aˬbyaˬ tiˬ pawꞈ-iˬ maˬ noeˬ ni yuꞈ kʼaˆ byoˆ-euˬ meh. Kʼoeˇ ngeh, noeˬ shaˬ-eu jeˬ hawˇ-eu guˆ-eu jeˬ aˬ yawꞈ kʼoeˇ taˆ keuˆ le-euˬ meh.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.

Yeˬlaˬmiˇ 6:25

Muiˇ-eu deuˬ guiˇ deuˆ-eu keu ka baꞈ-awˇ, nga maꞈ-euˬ tiˬ jawˬ jawˇ luꞈ-eu miˇ neh, myawˬ kʼahˬ yaˇ kʼahˬ-ahˇ maˬ iˇ doˆ peuˬ-eu uˬ taꞈ, gaˇ jawˬ-ahˇ kʼawꞈ maˬ cah peuˬ nya.”

Yeˬlaˬmiˇ 6:26

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.