Yeˬsaˬgeˬlaˇ 7:16 - Akha

¹⁶ Tiˬ paˆ na deuˬ-aˬ, deh ga-ahˇ bi teh tuˇ-euˬ kʼaˬ kʼoeˬ loꞈ-ehˇ, gawˬ jawˬ paw cehˆ dzeuˇ tehꞈ-a. Yawˬ gʼaˬ na luꞈ yawˬ ha-euˬ iˬ baˇ gaˇ kawˆ toˇ toˇ-ehˇ ya jawˇ tehꞈ-a.

Yeˬsaˬgeˬlaˇ 7:16 Referans Kwoze

Iˇsaˬyaˇ 59:11

Nga maꞈ guˆ-awˇ nui ma cawˆ luꞈ-eu ma. Kʼehˬ-eu kʼaˆ-eu jeˬ hawˇ-eu yaw lehˬ jeˬ laꞈ kʼoeˇ, Miˬyehˇ ka kʼoꞈ le gaˇ loꞈ kʼawꞈ, keuˆ le-eu maˬ baw-a.

Iˇsaˬyaˇ 38:14

Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Eˇzaˬlaˬ 9:15

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ tsaˬ-eu dawˇ-eu Miˬyehˇ pyeuꞈ kʼawꞈ, nga maꞈ-ahˇ nawˇ bi dzeuˇ-iˇ laꞈ-euˬ meh. Nawˬ-eu mehˬ shi nga maꞈ-euˬ iˬ baˇ shaˇ pyehˬ-eu ma. Nga maꞈ-aˬ, nawˬ-eu mehˬ shi laˇ-eu maˬ geuˇ-eu tsawˇ haˬ pyeuꞈ-eu ma.”

Iˇsaˬyaˇ 37:31

Yuˇdaˆ miˇ kʼahˬ laꞈ kʼoeˇ maˬ luˬ maˬ seˇ-iˇ-ehˇ kʼaˇ ya dzeuˇ-iˇ-euˬ tsawˇ haˬ dawˬ tawˆ luꞈ, yaw naꞈ-ahˇ duˬ ciˇ toeˬ ziꞈ-awˇ mehˇ laˇ-euˬ miˇ neh aˇ siˬ sahˇ le-eu sahˬ lahˬ aˇ bawˇ loꞈ-ehˇ, dehꞈ doˆ dzaˬ laˇ tehꞈ-a.

Yeˬsaˬgeˬlaˇ 36:31

Naw maꞈ neh mˇ-euˬ yaw haiˬ jeˬ hawˇ-eu naw maꞈ-euˬ yaw lehˬ yaw ca-ahˇ naw maꞈ noeˬ mawˇ laˇ-awˇ, naw maꞈ-euˬ iˬ baˇ baˬ da neh, yawˬ haˇ yawˬ ha nui daˆ daˆ tehꞈ-a.

Yeˬlaˬmiˇ 44:28

Ehˇ kʼawꞈ, heu myaˆ gʼaˬ uˬ kʼawˇ buˬ-iˇ-awˇ, Iˇjiˇtuˆ miˇ kʼahˬ-ahˇ neh Yuˇdaˆ miˇ kʼahˬ-ahˇ gʼoꞈ doˆ laˇ tehꞈ-a. Kʼoeˇ ngeh jawˇ, kʼaˇ dzeuˇ-iˇ-euˬ tsawˇ haˬ kʼoeˇ deuˬ, ngaˬ-euˬ dawˬ tsaˬ nga loˇ, aˬ yawꞈ maꞈ-euˬ dawˬ tsaˬ nga loˇ lehˇ, ya siˬ duˬ tehꞈ-a.

Yeˬlaˬmiˇ 44:14

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni Yuˇdaˆ miˇ kʼahˬ laꞈ kʼoeˇ dzeˇ yaꞈ-awˇ, Iˇjiˇtuˆ miˇ kʼahˬ-ahˇ kʼaˇ jawˇ-iˇ-euˬ tsawˇ haˬ dawˬ tawˆ luꞈ, tiˬ gʼaˬ-iˬ maˬ bi dzeuˇ-iˇ. Maˬ gʼaˬ maˬ na-ehˇ cehˆ dzeuˇ-euˬ tsawˇ haˬ heu myaˆ gʼaˬ maˬ ngeuˇ naˇ, tsawˇ haˬ tiˬ gʼaˬ-iˬ aˬ yawꞈ maꞈ gʼoꞈ jawˇ laˇ mawꞈ dui dui-eu Yuˇdaˆ miˇ kʼahˬ laꞈ kʼoeˇ maˬ paˇ ya gʼoꞈ jawˇ laˇ-aˇ.”

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Jaceuq 55:2

Ngaˇ ehˇ gaˇ naˇ haˬ-awˇ, ngaˬ-ahˇ ehˇ kʼoꞈ nehˬ laꞈ-awˬ. Ngaˇ noeˬ shaˬ dui dui-awˇ, nui ma cawˆ dui dui nya.

Yeˬlaˬmiˇ 9:19

Ziˇoˬ meuˬ-ahˇ tsawˇ ngoeˇ ngoeˇ luꞈ gaˇ naˇ haˬ sheˇ. “Nga maꞈ cawˆ-iˇ jiˇ-euˬ miˇ-a. Myaˆ pyawˬ maˬ ciˬ diˇ coeˇ miˇ-a. Nga maꞈ-euˬ nymˇ jiˇ bi laˆ byoˆ jiˇ-awˇ, yawˬ ha miˇ kʼahˬ-ahˇ ya byehˇ dzeh gaˇ keuˆ miˇ-a” lehˇ ngoeˇ luꞈ meh.

Yeˬsaˬgeˬlaˇ 14:22

Tsawˇ haˬ tiˬ gʼaˬ na dzeuˇ-iˇ-awˇ, aˬ yawꞈ-euˬ zaˬ deuˬ kʼawꞈ laˆ dzeuˇ nya naˇ, nawˇ jawˇ gaˇ laˇ doˆ tehꞈ-a. Aˬ yawꞈ maꞈ-ahˇ nawˇ ya mawˇ ngeh, aˬ yawꞈ maꞈ aˇ naˆ ni haiˬ-eu gaˇ kawˆ hawˇ-eu, Yeˬluˇsaˬlehˬ meuˬ-ahˇ ngaˬ neh kʼehˬ nehˬ kʼaˆ nehˬ-euˬ tsaˬ dui dui-eu gaˇ kawˆ, nawˇ ya siˬ duˬ tehꞈ-a.

Yeˬsaˬgeˬlaˇ 34:6

Ngaˬ-euˬ yawˇ deuˬ gawˬ jawˬ yaw goˇ paw gaˆ byoˆ jiˇ-euˬ meh. Miˇ kʼahˬ doe ni iˇ byoˆ laˇ byoˆ jiˇ-euˬ kʼawꞈ, haw piˇ nehˬ-awˇ poˆ kʼoꞈ-eu gʼaˬ maˬ jawˇ-a.

Naˬhmˬ 2:7

Sahˬ paˬ ma-ahˇ aˬ cawˬ nyehꞈ-awˇ, zaˬ kʼaˆ deuˬ noeˬ shaˬ-eu miˇ neh, yawˬ ha-euˬ kʼahˬ-ahˇ teˇ teˇ-ehˇ, kʼaˬ kʼoeˬ zaˬ loꞈ-ehˇ mahˇ tehꞈ-a.

Zeˬpaˬniˇ 1:14

Sahˬpaˬ Miˬyehˇ aˇ nah nah huiˬ, yaw kawˇ kawˇ-ehˇ keuˆ le luꞈ meh. Aˇ nah kʼoeˇ kʼaˬ jehꞈ ni gʼeh-awˇ, kʼaˬ duˬ ni gʼeh-eu yehˇ deuˬ kʼawꞈ, guˇ guˇ-ehˇ ngoeˇ gaˇ keuˆ tehꞈ-a.

Iˇsaˬyaˇ 59:12

“Sahˬpaˬ Miˬyehˇ nawˬ-ahˇ nga maꞈ mˇ lehˬ dui dui-euˬ ma. Nga maꞈ mˇ-euˬ iˬ baˇ nga maꞈ-ahˇ ceh laˇ-awˇ, yawˬ ha iˬ baˇ ahˇ-eu yawˬ ha siˬ duˬ-eu ma.

Yeˬlaˬmiˇ 3:21

Gawˬ duˇ uˬ du teˇ saˇ gaˬ laˇ-eu meh. Iˇsaˬleˬlaˆ tsawˇ haˬ deuˬ ngoeˇ-awˇ shaˇ-eu teˇ saˇ meh. Aˬ jeˬ miˇ neh ehˇ naˇ aˬ yawꞈ maꞈ dehꞈ lehˬ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-euˬ meh.