Yeˬsaˬgeˬlaˇ 7:11 - Akha

¹¹ Yaw haiˬ jeˬ laꞈ kʼoeˇ doeˇ dui dui-eu jeˬ doˆ laˇ taˬ-euˬ meh. Aˬ yawꞈ maꞈ gʼaˇ duˬ tiˬ jeˬ-iˬ maˬ dzeˇ ni pyeuꞈ-iˇ tehꞈ-a. Aˬ yawꞈ maꞈ-euˬ pyuˇ shuiˇ myawˬ gahˬ maˬ ehˇ, yaw shehꞈ kʼahˬ sehˇ maˬ ehˇ, myaˆ pyawꞈ naˇ mehˇ maˬ ehˇ, tiˬ pawꞈ-iˬ maˬ jaˆ ni pyeuꞈ-iˇ tehꞈ-a.

Yeˬsaˬgeˬlaˇ 7:11 Referans Kwoze

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Yeˬsaˬgeˬlaˇ 7:23

“Yawˬ jeˬ na luꞈ geuꞈ-eu maˬ paˇ ahˇ meh. Miˇ kʼahˬ laꞈ kʼoeˇ tsawˇ haˬ sehꞈ-eu jeˬ byah -awˇ, meuˬ deuˬ laꞈ kʼoeˇ yaw haiˬ jeˬ byah-eu meh.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Miˇkaˬ 6:12

Naw maꞈ-euˬ smˇ muiˬ smˇ baw deuˬ iˇ shaˬ zaˬ-ahˇ gahˇ dzaˬ-awˇ, naw maꞈ dawˬ tawˆ luꞈ jaˬ myawꞈ mehˇ shuiˇ tehꞈ meh.

Miˇkaˬ 3:3

Naw maꞈ ngaˬ-euˬ tsawˇ haˬ deuˬ-euˬ shaˬ jiˇ dzaˬ-euˬ meh. Naw maꞈ aˬ yawꞈ maꞈ-ahˇ baˆ kʼoˆ leuꞈ-awˇ, shaˬ yoeˬ kʼoˆ kʼehꞈ-awˇ, oeˬ lahˬ-ahˇ dawˆ ahˇ-awˇ caꞈ dzaˬ-eu shaˬ jiˇ deuˆ-eu loꞈ-ehˇ aˬ yawꞈ maꞈ-euˬ shaˬ jiˇ deuˆ-eu meh.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Aˬmoˆ 6:3

Luˬ-iˇ seˇ-iˇ-eu aˇ nah keuˆ le luꞈ meh lehˇ ehˇ gaˇ naw maꞈ maˬ jah-a. Ehˇ kʼawꞈ, naw maꞈ-euˬ dehꞈ jeˬ dehꞈ kawˆ-ahˇ haw ngeh, aˇ nah kʼoeˇ nah yaw kawˇ-ehˇ keuˆ le ni mˇ luꞈ gaˇ duˇ-eu meh.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Yeˬsaˬgeˬlaˇ 7:16

Tiˬ paˆ na deuˬ-aˬ, deh ga-ahˇ bi teh tuˇ-euˬ kʼaˬ kʼoeˬ loꞈ-ehˇ, gawˬ jawˬ paw cehˆ dzeuˇ tehꞈ-a. Yawˬ gʼaˬ na luꞈ yawˬ ha-euˬ iˬ baˇ gaˇ kawˆ toˇ toˇ-ehˇ ya jawˇ tehꞈ-a.

Yeˬsaˬgeˬlaˇ 7:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, Iˇsaˬleˬlaˆ miˇ kʼahˬ-ahˇ heu loꞈ-ehˇ ehˇ nehˬ-eu lehˇ gʼeh-eu ma. Heu-aˬ, miˇ kʼahˬ heu kʼahˬ kʼahˬ lah ni gʼaˇ duˬ aˇ saˬ saˬ-eu aˇ nah aˇ yamˬ meh.

Yeˬsaˬgeˬlaˇ 6:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ laꞈ yeuꞈ pyawˆ-awˇ, nawˬ-euˬ aˬ kuiˇ-ahˇ tsawˬ nawˬ nawˬ-awˬ. Iˇsaˬleˬlaˆ tsawˇ haˬ deuˬ neh kʼaˇ mˇ-euˬ nui daˆ daˆ laˇ paˬ-ehˇ gʼeh-eu yaw haiˬ jeˬ gʼaˇ duˬ noeˬ shaˬ-awˇ ngoeˇ-awˬ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ ya shiˇ meh.

Yeˬsaˬgeˬlaˇ 5:11

“Kʼoeˇ miˇ neh, ngaˇ dehꞈ luꞈ-eu Miˬyehˇ pyeuꞈ-eu loꞈ-ehˇ, heu-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ma. Ngaˬ-euˬ Uˬ duˬ tahˬ nymˇ nymˇ ma-ahˇ yaw haiˬ jeˬ neh nawˇ laˆ jawꞈ-euˬ miˇ neh, nawˬ neh mˇ-euˬ nuiˇ daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ gʼawˬ shaˬ maˬ gaˬ ni deuˆ tsehˆ ma.

Yeˬsaˬgeˬlaˇ 5:4

Kʼoeˇ naˇ, ui cuiˆ paˇ yuˇ doˆ-awˇ, miˬ dzaˬ-ahˇ dawˆ puiˆ-awˬ. Kʼoeˇ gaˇ neh miˬ dzaˬ doꞈ nyehˆ laˇ-awˇ, Iˇsaˬleˬlaˆ miˇ kʼahˬ kʼahˬ lah ni byah-iˇ tehꞈ-a.”

Yeˬlaˬmiˇ 25:33

Aˇ yamˬ kʼoeˇ keuˆ le ngeh, Sahˬpaˬ Miˬyehˇ neh sehꞈ dzeh taˬ-euˬ tsawˇ haˬ deuˬ, miˇ tsaˬ tahˬ kʼawˇ kʼoeˇ dzeˇ heu dzeˇ doˆ ni, tiˬ byah ni ga tehꞈ-a. Aˬ yawꞈ maꞈ-ahˇ tsawˇ ngoeˇ ngoeˇ-awˇ baꞈ pahˬ nehˬ-eu gʼaˬ maˬ jawˇ-ehˇ, mawˇ neˇ keˬ loꞈ-ehˇ ga tehꞈ-a.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Yeˬlaˬmiˇ 6:7

Lah duˬ laꞈ kʼoeˇ iˇ cuꞈ iˇ beuˆ doˆ-eu loꞈ-ehˇ, Yeˬluˇsaˬlehˬ laꞈ kʼoeˇ yaw haiˬ jeˬ iˇ beuˆ doˆ-eu meh. Meuˬ laꞈ kʼoeˇ kʼehˬ dzaˬ kʼaˆ dzaˬ-eu jeˬ ya gaˬ-awˇ, maˇ kʼehˬ maˇ naˇ hawˇ-eu naˇ gawˇ maˬ tsehˆ leˇ-a.

Iˇsaˬyaˇ 14:29

“Piˇliˇtiˆ tsawˇ haˬ kʼaˇ jawˇ kʼaˇ deuˬ-oˇ, naw maꞈ-ahˇ diˬ-eu daˇ cuiˇ kʼehꞈ-iˇ-euˬ miˇ neh, naw maꞈ laˬ kʼaˬ taˬ cehˇ. Shiˇ dzeuˇ-euˬ aˇ lawˇ kʼoeˇ mawˇ-euˬ duˬ ciˇ-ahˇ, doꞈ kʼaˆ dzehˬ-eu aˇ lawˇ yaw shuiꞈ doˆ laˇ tehꞈ-a. Aˇ lawˇ ya uˆ ceuꞈ deˇ laˇ ngeh, zaw nya-eu aˇ lawˇ ceuꞈ doˆ leꞈ tehꞈ-a.

Iˇsaˬyaˇ 9:4

Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Jaceuq 78:64

Piˇ ma deuˬ shaˆ shiˇ shiˇ-awˇ, aˬ yawꞈ maꞈ-euˬ miˬ zaˬ deuˬ tsawˇ ngoeˇ maˬ ya ngoeˇ-a.

Jaceuq 73:8

Aˬ cawˬ-ahˇ aˬ yawꞈ maꞈ uiˇ-awˇ dawˬ kʼaˆ ngehˬ-eu meh. Aˬ yawꞈ maꞈ nui ma huiˬ-eu mahˇ-eu laꞈ kʼoeˇ, smˇ kʼaˆ kʼaˆ dzaˬ-eu gaˇ kawˆ kawˆ luꞈ-eu meh.

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Yeˬsaˬgeˬlaˇ 8:17

Sahˬpaˬ Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ jahˇ luꞈ-eu nawˇ mawˇ maˬ loˇ. Yuˇdaˆ tsawˇ haˬ heu deuˬ-aˬ, heu gaˇ nawˬ neh ya mawˇ-euˬ jawꞈ dui dui-eu gaˇ heu deuˬ hawˇ-eu, miˇ kʼahˬ doe ni yaw haiˬ jeˬ mˇ byah-eu tehꞈ-ehˇ nui kʼahˇ maˬ shiˇ-a. Uˬ duˬ tahˬ nymˇ nymˇ ma laꞈ kʼoeˇ kʼoeˇ loꞈ-ehˇ gʼeh-eu jeˬ paˇ mˇ-eu laꞈ kʼoeˇ ngaˇ nui ma pehˇ dzehˬ laˇ ni jahˇ luꞈ-eu meh. Ngaˬ-ahˇ kʼaˇ jahˇ doeˇ nehˬ nya-eu loꞈ-ehˇ jahˇ doeˇ nehˬ laꞈ gaˇ haw sheˇ.

Yeˬsaˬgeˬlaˇ 45:9

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ sahˬ ma deuˬ-oˇ, naw maꞈ iˬ baˇ mˇ luꞈ-eu myahˇ dui dui laˇ-euˬ meh. Yaw haiˬ jeˬ hawˇ-eu nawˬ dzaˬ kʼaˆ dzaˬ-eu jeˬ-ahˇ byehˇ-awˇ, yaw tsaˬ yaw dawˇ jeˬ mˇ paˇ-awˬ. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh naw maꞈ tiˬ jawˇ-iˬ maˬ paˇ ya teh doˆ meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma.”

Yeˬlaˬmiˇ 7:34

Miˇ kʼahˬ heu kʼahˬ kʼaˇ shuiꞈ deh ga pyeuꞈ jiˇ tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ lehˆ kawˆ doe ni, byawˬ gʼa-eu teˇ saˇ hawˇ-eu, jiˇ cehˇ gʼeh-awˇ laˬ kʼaˬ cehˇ luꞈ-eu teˇ saˇ deuˬ-ahˇ, ngaˇ bi byoˆ-iˇ jiˇ ma.