Yeˬsaˬgeˬlaˇ 7:10 - Akha

¹⁰ Iˇsaˬleˬlaˆ ya luˬ ya seˇ-iˇ-eu aˇ nah keuˆ le luꞈ meh. Yaw haiˬ mˇ-eu jeˬ myaˬ laˇ luꞈ-awˇ, nui ma huiˬ-eu jeˬ aˇ dzehˬ dzeuˇ laˇ taˬ-euˬ meh.

Yeˬsaˬgeˬlaˇ 7:10 Referans Kwoze

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Dawqdaq 14:3

Aˬ dzawˬ aˇ gah-euˬ dawˬ daˇ cuiˇ shaˇ diˬ-awˇ, tsawˇ gahˇ ahˇ-eu deuˬ neh ngehˬ-euˬ dawˬ yawˬ ha-ahˇ mˇ cu-eu meh.

Bawˇtsahˬ 17:8

Yawˬ nah yawˬ Sehˬ gʼawˆ laꞈ kʼoeˇ Moˇseˬ uˇ leˇ haw ngeh, Leˬbiˇ tsawˇ jeuˬ-euˬ aˬ da yaw dzahˇ pyeuꞈ-eu Aˬloˬ-euˬ gawˬ yoeˬ-ahˇ aˇ yehˆ yehˆ laˇ-euˬ gaˇ Moˇseˬ ya mawˇ-euˬ meh. Gawˬ yoeˬ kʼoeˇ aˇ cuˬ cuˬ aˇ yehˆ yehˆ le-awˇ, Aˬlaˬmoˬ aˇ siˬ siˬ le-awˇ awꞈ laˇ taˬ-euˬ meh.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Yeˬsaˬgeˬlaˇ 21:13

Ngaˬ-euˬ tsawˇ haˬ-ahˇ lawˬ haw ma. Aˬ yawꞈ maꞈ nui ma maˬ paˇ naˇ, heu deuˬ dawˬ tawˆ luꞈ bi daˬ ma.

Yeˬsaˬgeˬlaˇ 21:10

Naˇ guiˇ guiˇ ni siˬ taˆ taˬ-euˬ, tsawˇ haˬ zaˬ-ahˇ sehꞈ-eu mi cehˇ, Mehˬ paˇ tsoˆ paˇ-euˬ dawˬ hawˇ-eu, diˬ paˇ dzaw paˇ nehˬ-euˬ jeˬ-ahˇ, ngaˬ-euˬ tsawˇ haˬ maˬ naˇ haˬ-ehˇ, nui ma saˇ-eu maˬ paˇ oꞈ meh.

Yeˬsaˬgeˬlaˇ 19:14

Uˬ neh-ahˇ miˬ dzaˬ myawꞈ keuˆ-awˇ, uˬ pyaˬ hawˇ-eu aˇ siˬ deuˬ-ahˇ, miˬ dzaˬ neh bi puiˆ dzaˬ-euˬ meh. Uˬ pyaˬ uˬ laꞈ maˬ paˇ deuˇ-ehˇ, dzoeˬ dzaˬ gawˬ yoeˬ maˬ paˇ pyeuꞈ meh. Heu-aˬ, tsawˇ ngoeˇ ngoeˇ-eu caˇ dawˬ meh. Caˇ dawˬ heu bymˇ aˬ myah luꞈ caˇ luꞈ-eu meh.

Yeˬsaˬgeˬlaˇ 7:6

Aˇ saˬ saˬ-eu jeˬ keuˆ le-euˬ meh. Aˇ yamˬ jiˇ le-euˬ meh. Nawˬ-euˬ guiˬ lahˬ teu naˆ ni tehꞈ meh.

Iˇsaˬyaˇ 28:1

Iˇsaˬleˬlaˆ miˇ kʼahˬ kʼoeˇ taˆ, shaˬ zahˬ keuˆ le tehꞈ-a. Jiˇ baˬ yehꞈ-eu aˬ yuiꞈ deuˬ-euˬ uˬ duˬ-ahˇ kʼoˆ luꞈ-eu aˇ yehˆ uˬ kʼoˆ nyoeˬ-iˇ-eu loꞈ-ehˇ, miˇ kʼahˬ-euˬ yaw shehꞈ kʼahˬ sehˇ byoˆ le tehꞈ-a. Kʼahˬ sehˇ huiˬ-eu aˬ yawꞈ maꞈ uˬ duˬ-ahˇ, tsiˇ yaw saw jeˬ lehꞈ taˬ-euˬ kʼawꞈ, jiˇ baˬ yehꞈ-awˇ maˬ noeˬ ni ga-eu meh.

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Jaceuq 89:32

aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ-awˇ, aˬ yawꞈ maꞈ mˇ lehˬ-euˬ loꞈ-ehˇ bi daˬ ma.

Yeˬsaˬgeˬlaˇ 7:9

Naw maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Ngaˇ Sahˬpaˬ Miˬyehˇ pyeuꞈ-awˇ, naw maꞈ-ahˇ kʼehˬ-eu gʼaˬ pyeuꞈ-eu naw maꞈ-ahˇ siˬ leˇ ni, naw maꞈ neh mˇ-euˬ nui daˆ daˆ laˇ paˬ-ehˇ gʼeh-eu jeˬ aˇ poeˬ naw maꞈ-ahˇ ngaˇ kʼehˬ nehˬ ma.”

Yeˬsaˬgeˬlaˇ 7:12

Aˇ yamˬ peh le luꞈ meh. Miˬyehˇ kʼehˬ-eu kʼaˆ-eu jeˬ yawˬ gʼaˬ na luꞈ kʼoeˇ taˆ tiˬ kawˆ loꞈ-ehˇ keuˆ le-eu miˇ neh, ahˬ taꞈ zeuˇ taꞈ-eu jeˬ tiˬ pawꞈ-iˬ gaˇ dahˇ maˬ tsoeˬ ni pyeuꞈ-iˇ-eu aˇ nah keuˆ le luꞈ meh.

Iˇsaˬyaˇ 21:12

Ngaˇ heu loꞈ-ehˇ ehˇ kʼoꞈ nehˬ-euˬ ma. “Uˬ bya bya laˇ-eu dawˬ peh peh laˇ luꞈ meh. Ehˇ kʼawꞈ, uˬ ciꞈ tiˬ poˆ paˇ ciꞈ le tehꞈ-a. Nawˇ tiˬ poˆ paˇ naˇ haˬ mawꞈ naˇ, Laˇ-awˇ naˇ haˬ laˇ-awˬ.”

Yeˬsaˬgeˬlaˇ 12:23

Nymˬ-mˇ poˆ-aˬ, gaˇ kawˆ kʼoeˇ-ahˇ taꞈ leˇ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Dawˬ daˬ kʼoeˇ dawˬ byoˆ-iˇ ni ngaˇ jahˇ ma. Iˇsaˬleˬlaˆ miˇ kʼahˬ laꞈ kʼoeˇ dawˬ daˬ kʼoeˇ dawˬ maˬ paˇ daˬ poˆ nya ni pyeuꞈ-iˇ tehꞈ-a. Aˇ yamˬ tsaˬ laˇ-awˇ, ehˇ taˬ-euˬ dawˬ byah laˇ luꞈ meh lehˇ, aˬ yawꞈ maꞈ-ahˇ ehˇ nehˬ-awˬ.

Yeˬsaˬgeˬlaˇ 30:3

Sahˬpaˬ Miˬyehˇ nui ma pehˇ gaˇ, ya mawˇ-eu nah keuˆ le luꞈ meh. Miˇ kʼahˬ tsawˇ jeuˬ dawˬ tawˆ kʼoeˇ taˆ, shaˬ zahˬ mˬ dmˇ ciˬ tehˬ le-eu aˇ nah kʼoeˇ nah keuˆ le luꞈ meh.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.