Yeˬsaˬgeˬlaˇ 6:4 - Akha

⁴ Lawˇ duˬ deuˬ bi laˆ cawˆ-awˇ, yaw saw jeˬ doꞈ damˬ duˬ bi ngawˬ kʼehꞈ jiˇ tehꞈ-a. Kʼoeˇ gaˇ jawˇ-eu tsawˇ haˬ dawˬ tawˆ luꞈ, aˬ yawꞈ maꞈ-euˬ lawˇ duˬ dawˬ peh bi sehꞈ tehꞈ-a.

Yeˬsaˬgeˬlaˇ 6:4 Referans Kwoze

2 Laˬsaˬbaˬ 14:5

Yuˇdaˆ miˇ kʼahˬ-ahˇ jaˆ-eu meuˬ dawˬ tawˆ luꞈ laꞈ kʼoeˇ, lawˇ ciꞈ zaˬ deuˬ uˬ duˬ tahˬ-eu jawˇ duˬ hawˇ-eu yaw saw jeˬ doꞈ damˬ-eu lawˇ duˬ deuˬ-ahˇ aˬ yawꞈ laˆ cawˆ-euˬ miˇ neh, aˬ yawꞈ uˆ lahˇ-eu uˬ moˆ miˇ kʼahˬ kʼoeˇ kʼahˬ coꞈ ngehˇ ni jaˆ-euˬ meh.

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Yeˬsaˬgeˬlaˇ 6:13

Tahˬ pahˬ aˬ ma mawˇ kawˇ dawˬ peh hawˇ-eu lawˇ duˬ tiˬ jawˬ maˬ ehˇ, gawˬ duˇ yaw goˇ deuˬ-euˬ uˬ du doe ni maˬ ehˇ, gawˬ jawˬ uˬ duˬ yawˬ gaˇ na luꞈ maˬ ehˇ, naˇ shmˇ kʼaˇ muiˬ-eu aˇ bawˇ yawˬ bawˇ na luꞈ maˬ ehˇ, tsuiꞈ kaˆ bawˇ ma kʼaˇ jaˆ-eu uˬ moˆ maˬ ehˇ, aˬ yawꞈ maꞈ neh tahˬ pahˬ aˬ ma mawˇ kawˇ-ahˇ kʼaˇ lawˇ kʼaˇ shehˇ-euˬ jawˇ duˬ doe ni maˬ ehˇ, tsawˇ shiˇ ga byah tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.

Yeˬlaˬmiˇ 43:13

Iˇjiˇtuˆ miˇ kʼahˬ Heˬliˬpawˇliˆ meuˬ-ahˇ jaˆ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ aˬ yawꞈ laˆ cawˆ-awˇ, Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ aˬ yawꞈ miˬ dzaˬ keuˬ dzeh tehꞈ-a.”

2 Sahˬpaˬ 23:14

Sahˬ paˬ Yawˇshiˆ-aˬ, kʼaˬ lo kʼawˇ zeuˇ deuˬ deh meuˇ-awˇ, Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ deuˆ coꞈ dzeh-euˬ uˬ taꞈ, tahˬ pahˬ aˬ ma mawˇ kawˇ kʼoeˇ deuˬ jaˆ-eu tsahˇ-ahˇ, tsawˇ haˬ-euˬ shaˬ yoeˬ neh gahˬ tehˬ-euˬ meh.

1 Sahˬpaˬ 13:2

Miˬyehˇ gʼaˇ duˬ ngehˬ dah-eu kʼoeˇ gʼaˬ, Sahˬpaˬ Miˬyehˇ neh kʼaˇ kʼehˇ-euˬ loꞈ-ehˇ lawˇ duˬ-ahˇ yaˬ kʼehˇ yaˬ-awˇ ehˇ-eu, “Lawˇ duˬ-oˇ, Lawˇ duˬ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. Yawˇshiˆ lehˇ myahˇ-euˬ aˬ li tiˬ li Daˬbiˇ-euˬ nymˇ jiˇ laꞈ kʼoeˇ dehꞈ le tehꞈ-a. Aˬ cawˬ tsawˇ jeuˬ-euˬ lawˇ duˬ-ahˇ gaˇ mˇ-eu piˇ ma geuꞈ-awˇ nawˬ-euˬ kʼoeˇ taˆ lawˇ-eu shehˇ-eu jeˬ mˇ luꞈ-eu tsawˇ haˬ kʼoeˇ deuˬ-ahˇ, nawˬ-euˬ kʼoeˇ taˆ aˬ yawꞈ sehꞈ daˆ-awˇ, tsawˇ haˬ-euˬ shaˬ yoeˬ kʼawꞈ nawˬ-euˬ kʼoeˇ taˆ aˬ yawꞈ dzah puiˆ tehꞈ-a.”

1 Saˬmeuˬlaˆ 5:4

Yawˬ shawˬ yawˬ uˬ shawˬ yaw naꞈ-ehˇ, Dawˬ ma saˇ jaˇ Bahˬ keuˆ mehˬ shi tahˬ pahˬ aˬ ma mawˇ kawˇ kʼoeˇ hmˬ paˇ coˬ-iˇ taˬ-euˬ gaˇ aˬ yawꞈ maꞈ paˇ ya mawˇ-euˬ meh. Kʼoeˇ ngeh poˆ jawˇ, tahˬ pahˬ aˬ ma mawˇ kawˇ kʼoeˇ hmˬ-euˬ uˬ duˬ hawˇ-eu aˬ laꞈ nyiˬ laꞈ luꞈ kʼehꞈ tsehˆ-iˇ-awˇ, laˇ gʼoˆ dawˬ peh dawˬ dzm dawˬ tehꞈ kʼoeˇ taˆ ga luꞈ-eu meh. Gʼawˇ mawˇ hmˬ tehꞈ-ehˇ Dawˬ ma saˇ jaˇ Bahˬ keuˆ mehˬ shi ga yaꞈ-euˬ meh.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Yeˬlaˬmiˇ 7:32

Jawˇ duˬ kʼoeˇ tsahˇ-ahˇ Tawˇpehˆ hawˇ-eu Hiˬnoˬ deh kʼawꞈ lehˇ maˬ paˇ kuˇ nya-eu aˇ nah aˇ yamˬ keuˆ le tehꞈ-a. Tsawˇ haˬ-ahˇ sehꞈ-eu deh kʼawꞈ lehˇ ya kuˇ paˇ gaˇ keuˆ tehꞈ-a. Tsawˇ haˬ baꞈ pahˬ kʼaˇ maˬ za ni pyeuꞈ-iˇ-awˇ, kʼoeˇ tsahˇ-ahˇ ya baꞈ pahˬ tehꞈ-a.