Yeˬsaˬgeˬlaˇ 6:13 - Akha

¹³ Tahˬ pahˬ aˬ ma mawˇ kawˇ dawˬ peh hawˇ-eu lawˇ duˬ tiˬ jawˬ maˬ ehˇ, gawˬ duˇ yaw goˇ deuˬ-euˬ uˬ du doe ni maˬ ehˇ, gawˬ jawˬ uˬ duˬ yawˬ gaˇ na luꞈ maˬ ehˇ, naˇ shmˇ kʼaˇ muiˬ-eu aˇ bawˇ yawˬ bawˇ na luꞈ maˬ ehˇ, tsuiꞈ kaˆ bawˇ ma kʼaˇ jaˆ-eu uˬ moˆ maˬ ehˇ, aˬ yawꞈ maꞈ neh tahˬ pahˬ aˬ ma mawˇ kawˇ-ahˇ kʼaˇ lawˇ kʼaˇ shehˇ-euˬ jawˇ duˬ doe ni maˬ ehˇ, tsawˇ shiˇ ga byah tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 6:13 Referans Kwoze

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Hawˇseˬ 4:13

Gawˬ jawˬ uˬ du doe ni lawˇ-awˇ, gawˬ duˇ uˬ du doe bi damˬ-awˇ, naˇ shmˇ muiˬ-eu aˇ bawˇ pyeuꞈ-eu, tsuiꞈ kaˆ, pawˇpaˬlaˬ, teˬleˬbiˇ, heu deuˬ dawˬ pehˬ-ahˇ lawˇ-euˬ meh. “Kʼoeˇ loꞈ-ehˇ dehꞈ-euˬ baˬ da neh, zaˬ miˬ meh maˬ laˇ pyeuꞈ-iˇ-awˇ, kuiˬ ma aˬ cawˬ-ahˇ bahˬ-euˬ meh.

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

1 Sahˬpaˬ 14:23

Gawˬ jawˬ gawˬ duˇ doe ni hawˇ-eu naˇ shmˇ shmˇ-eu aˇ bawˇ dawˬ pehˬ doe ni, maˬ ngeuˇ-eu miˬ yehˇ deuˬ-ahˇ uˬ duˬ tahˬ-eu jawˇ duˬ tsoˆ-awˇ, Aˬsheˇlaˬ miˬ yehˇ ma-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ hawˇ-eu kʼaˬ lo kʼawˇ zeuˇ deuˬ ka tuˇ-euˬ meh.

Iˇsaˬyaˇ 1:29

Naw maꞈ uˬ duˬ tahˬ-eu aˇ bawˇ kʼoeˇ deuˬ baˬ da neh, naw maꞈ kʼoeˇ taˆ shaꞈ dawˇ-eu jeˬ keuˆ le-awˇ, naw maꞈ neh ka-euˬ muiˬ-eu shawˇ-eu yaˇ kmˇ baˬ da neh, naw maꞈ myaˆ pyawˬ ya cawˆ tehꞈ-a.

2 Sahˬpaˬ 16:4

Gawˬ duˇ uˬ du hawˇ-eu aˇ bawˇ naˇ shmˇ kʼaˇ muiˬ gaˇ jaˆ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ, aˬ yawꞈ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

Yeˬlaˬmiˇ 3:6

Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Iˇsaˬyaˇ 66:17

Sahˬpaˬ Miˬyehˇ heu loꞈ-ehˇ ehˇ-eu meh. “Lawˇ ciꞈ zaˬ-euˬ uˬ duˬ tahˬ-eu zahˇ sahˇ kʼoꞈ-ahˇ gʼoe-eu laꞈ kʼoeˇ gʼawˇ mawˇ shawˇ-awˇ, muiˬ-eu shawˇ-eu yaˇ kmˇ-ahˇ aˬ cawˬ-euˬ mehˬ nah caw teh-iˇ-eu uˬ taꞈ, aˬ zaꞈ shaˬ jiˇ, ho caꞈ hawˇ-eu maˬ dzaˬ kʼmˬ-eu dzaˇ deuˬ dzaˬ-eu tsawˇ haˬ deuˬ gʼaˇ duˬ, aˇ saˬ saˬ-eu aˇ nah aˇ yamˬ peh le luꞈ meh.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Yeˬsaˬgeˬlaˇ 18:6

Iˇsaˬleˬlaˆ tsawˇ haˬ deuˬ-euˬ tahˬ pahˬ aˬ ma mawˇ kawˇ deuˬ-ahˇ aˬ yawꞈ uˬ duˬ maˬ tahˬ-ehˇ, gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-eu dzaˇ aˬ yawꞈ maˬ dzaˬ-eu uˬ taꞈ, aˬ cawˬ-euˬ miˬ zaˬ-ahˇ maˬ bahˬ-ehˇ, ba la mawˇ luꞈ-eu zaˬ miˬ zaˬ nehˬ-ehˇ aˬ yawꞈ maˬ yuꞈ taꞈ-a.

Yeˬsaˬgeˬlaˇ 43:7

“Tsawˇ haˬ zaˬ-oˇ, ngaˬ-euˬ nuiˇ mahˬ heu gaˇ jaˆ-eu ma. Heu gaˇ Iˇsaˬleˬlaˆ tsawˇ haˬ nehˬ-ehˇ ngaˇ jawˇ-awˇ, aˬ yawꞈ maꞈ-ahˇ mˬ maˬ maˬ byaˆ zaˇ ziˇ uˆ lahˇ ma. Iˇsaˬleˬlaˆ tsawˇ haˬ deuˬ maˬ kaˬ, aˬ yawꞈ maꞈ-euˬ sahˬ paˬ deuˬ maˬ kaˬ, miˬ yehˇ nui deuˬ-ahˇ uˬ duˬ tahˬ-eu laꞈ kʼoeˇ maˬ ehˇ, jawˇ duˬ heu tsahˇ-ahˇ sahˬ paˬ deuˬ-euˬ mawˇ kawˇ ka tuˇ-eu laꞈ kʼoeˇ maˬ ehˇ, ngaˬ-euˬ tsawˇ myahˇ-ahˇ laˆ cawˆ-eu jeˬ tiˬ jawˇ-iˬ maˬ paˇ mˇ-aˇ.

Zeˬpaˬniˇ 1:10

Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh jawˇ, ngaˬ shaˬ lahˇ kʼehˬ paw dzeˇ coeˇ-ahˇ, meuˬ yaw shuiꞈ tsoˆ lahˬ-euˬ coeˇ-ahˇ, guˇ-eu teˇ saˇ gaˬ doˆ laˇ-awˇ, gawˬ jawˬ gawˬ duˇ paw dzeˇ coeˇ-ahˇ, deh byaˆ-eu jeˬ gaˬ le tehꞈ-a.

Yeˬsaˬgeˬlaˇ 23:41

Muiˬ dui dui-eu ja ciˬ kʼoeˇ taˆ aˬ yawꞈ nyaꞈ nuiˇ-awˇ, aˬ yawꞈ nyaꞈ-euˬ mehˬ shi hawˬ jeh ciˬ taˬ-awˇ, ngaˬ neh biꞈ taˬ-euˬ tsiˇ yaw saw jeˬ hawˇ-eu saˬ loˬ tsiˇ ciˬ daˆ-awˇ yaw muiˬ jeˬ gʼawˬ mya ni ciˬ daˆ taˬ-euˬ meh.