Yeˬsaˬgeˬlaˇ 5:5 - Akha

⁵ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ haw sheˇ. Aˬ yawꞈ-ahˇ ngaˇ miˇ tsaˬ-euˬ gʼahˇ ceh bi jaˆ-awˇ, aˬ cawˬ miˇ kʼahˬ deuˬ aˬ yawꞈ-euˬ tiˬ jawˬ bi jaˆ-euˬ ma.

Yeˬsaˬgeˬlaˇ 5:5 Referans Kwoze

Yeˬsaˬgeˬlaˇ 4:1

Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, nawˬ-euˬ mehˬ shi tsaˬ byaˆ tiˬ siˬ gʼoˆ taˬ-awˇ, Yeˬluˇsaˬlehˬ meuˬ-euˬ aˇ baˇ kawˆ boꞈ-awˬ.

Yeˬlaˬmiˇ 6:6

Baoˬ huiˬ-eu Sahˬpaˬ Miˬyehˇ-aˬ, Sahˬ paˬ kʼoeˇ deuˬ-ahˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ deuˆ-eu gʼaˇ duˬ, aˇ bawˇ tuˇ-awˇ jeh guiˇ guiˇ-awˬ. Kʼehˬ-eu kʼaˆ-eu jeˬ byah luꞈ-eu miˇ neh. meuˬ heu meuˬ-ahˇ ngaˇ kʼehˬ nehˬ ma.

Dawˬmehˬ 4:6

Naw maꞈ aˇ naˆ ni zaˬ siˬ tsawˇ gahˇ ahˇ-eu gaˇ kawˆ aˬ cawˬ tsawˇ jeuˬ deuˬ ya siˬ ya mawˇ ni, zahˇ dawˬ kʼoꞈ dawˬ heu deuˬ-ahˇ tiˬ byah tiˬ loꞈ caw teh-awˬ. Zahˇ dawˬ kʼoꞈ dawˬ heu deuˬ dawˬ tawˆ luꞈ gaˇ kawˆ aˬ yawꞈ maꞈ ya gaˬ ngeh, ‘Huiˬ-eu tsawˇ jeuˬ heu jeuˬ aˇ naˆ naˆ-ehˇ gʼeh-eu zaˬ siˬ-eu tsawˇ gahˇ hawˇ-eu siˬ nya-eu jeˬ ahˇ law hawˇ maˬ siˬ ngaˇ’ lehˇ aˬ yawꞈ maꞈ ehˇ tehꞈ-a.

Yeˬsaˬgeˬlaˇ 16:14

Nawˬ-ahˇ ngaˬ neh laˆ muiˬ nehˬ-euˬ miˇ neh, miˇ kʼahˬ yawˬ kʼahˬ na luꞈ laꞈ kʼoeˇ nawˇ aˇ gʼehˇ muiˬ-eu tsawˇ myahˇ doˆ dui dui meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

1 Gawˇliˬtu 10:4

Mˬ taˆ-euˬ iˇ cuꞈ kʼawꞈ tiˬ kawˆ loꞈ-ehˇ dawˇ-euˬ meh. Aˬ yawꞈ maꞈ nehˬ-ehˇ tiˬ kawˆ loꞈ-ehˇ iˇ luꞈ-eu mˬ taˆ-euˬ Kʼaˬ lo-ahˇ neh yoeˇ le-euˬ iˇ cuꞈ aˬ yawꞈ maꞈ dawˇ-euˬ meh. Kʼaˬ lo kʼoeˇ-aˬ, Ka li meh.

Maꞈtehˬ 5:14

“Naw maꞈ-aˬ, miˇ tsaˬ dawˬ tawˆ luꞈ gʼaˇ duˬ yaw shehꞈ pyeuꞈ-eu meh. Gawˬ jawˬ uˬ du jaˆ-eu meuˬ-ahˇ maˬ dehˬ kaˬ zaꞈ nya-a.

Miˇkaˬ 5:7

Dzeˇ yaꞈ-euˬ Iˇsaˬleˬlaˆ tsawˇ haˬ deuˬ-aˬ, tsawˇ jeuˬ gʼawˬ mya jeuˬ gʼaˇ duˬ gʼaˬ bi ahˇ laˇ-eu lehˇ Sahˬpaˬ Miˬyehˇ neh pyehˬ gʼeh leꞈ-euˬ ngehˇ hawˇ-eu, aˇ bawˬ bi mehˇ laˇ-eu lehˇ bi yehˇ shehˬ le-euˬ uˬ yehˇ-ahˇ duˇ-eu meh. Tsawˇ haˬ zaˬ-ahˇ aˬ yawꞈ maꞈ maˬ gʼoe ni Miˬyehˇ-ahˇ gʼoe tehꞈ-a.

Dawˬmehˬ 8:20

Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, naw maꞈ le gʼeh leꞈ-eu nehˬ-ehˇ, aˬ yawꞈ laˆ cawˆ nehˬ-eu lehˇ gʼeh-eu tsawˇ jeuˬ kʼoeˇ deuˬ loꞈ-ehˇ, naw maꞈ kʼawꞈ laˆ cawˆ-eu jeˬ-ahˇ ya daˬ tehꞈ-a.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Yeˬsaˬgeˬlaˇ 5:4

Kʼoeˇ naˇ, ui cuiˆ paˇ yuˇ doˆ-awˇ, miˬ dzaˬ-ahˇ dawˆ puiˆ-awˬ. Kʼoeˇ gaˇ neh miˬ dzaˬ doꞈ nyehˆ laˇ-awˇ, Iˇsaˬleˬlaˆ miˇ kʼahˬ kʼahˬ lah ni byah-iˇ tehꞈ-a.”

Jaceuq 87:3

Miˬyehˇ-euˬ meuˬ-oˇ, naˇ haˬ sheˇ. Miˬyehˇ nawˬ-ahˇ ciˬ huiˬ ciˬ mahˇ gaˇ naˇ haˬ sheˇ.