Yeˬsaˬgeˬlaˇ 5:15 - Akha

¹⁵ “Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Yeˬsaˬgeˬlaˇ 5:15 Referans Kwoze

Yeˬsaˬgeˬlaˇ 25:17

Aˬ yawꞈ maꞈ-ahˇ ngaˇ yaw kʼaˆ kʼaˆ-ehˇ kʼehˬ nehˬ-awˇ, nui kʼahˇ tiˬ shiˇ laꞈ poˆ poˆ kʼoꞈ nehˬ ma. Ngaˇ nui ma pehˇ-eu jeˬ aˬ yawꞈ maꞈ-ahˇ siˬ duˬ leˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ siˬ duˬ tehꞈ-a.”

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Jaceuq 79:4

Dawˬ peh jawˇ-eu tsawˇ haˬ deuˬ nga maꞈ-ahˇ kʼaˇ ehˇ mawꞈ-eu ehˇ-awˇ, uiˇ uiˇ-ehˇ ja bu ja doeˇ-eu meh.

Dawˬmehˬ 28:46

Shaˬ zahˬ kʼoeˇ deuˬ-aˬ, nawˇ hawˇ-eu nawˬ-euˬ zaˬ deuˬ uˆ deuˬ kʼoeˇ taˆ keuˆ le-euˬ Miˬyehˇ yaˇ kʼaˬ daˇ-eu jeˬ gaˇ kawˆ, mˬ maˬ maˬ byaˆ zaˇ ziˇ bi siˬ bi mawˇ-euˬ jeˬ pyeuꞈ tehꞈ-a.

Jaceuq 39:11

Tsawˇhaˬti gʼaˬiˬbaˇmˇgaˇ, nawˇnui ma pehˇ-awˇkʼehˬnehˬngeh, aˬyawꞈ gaˬdui dui-eu jeˬ-ahˇ, boeˬcoeˇcoeˇbyoˆnehˬgaˇduˇmeh. Tsawˇhaˬzaˬyaw dehꞈdehꞈ-eu-aˬ, saꞈgʼawˇka-eu myah ni tehꞈmeh.

Iˇsaˬyaˇ 43:28

Ngaˬ-euˬ muiˬ-eu shawˇ-eu jawˇ duˬ kʼoeˇ tsahˇ, naw maꞈ-euˬ sahˬ paˬ sahˬ ma neh laˆ jawꞈ-euˬ meh. Kʼoeˇ baˬ da neh Iˇsaˬleˬlaˆ-ahˇ ngaˇ, luˬ-iˇ seˇ-iˇ-eu jeˬ bi keuˆ le-awˇ, aˬ cawˬ yehˬ bawˬ sehˇ lu-ehˇ gʼeh-eu jeˬ, ngaˬ-euˬ tsawˇ jeuˬ kʼoeˇ taˆ ngaˇ bi keuˆ le-euˬ ma.”

Yeˬlaˬmiˇ 23:40

tiˬ jawˇ-iˬ maˬ ngehˇ leˇ coeˇ-eu mˬ maˬ maˬ byaˆ zaˇ ziˇ daˬ ga-awˇ ya shaꞈ dawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le ma lehˇ ehˇ nehˬ-awˬ.”

Yeˬsaˬgeˬlaˇ 5:8

Kʼoeˇ miˇ neh, ngaˇ nawˬ-ahˇ muiˇ-eu ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Tsawˇ jeuˬ dawˬ tawˆ luꞈ mehˬ shi, nawˬ-ahˇ ngaˇ yaˇ kʼaˬ daˇ ma.

Yeˬsaˬgeˬlaˇ 5:16

Nawˇ jawˇ gaˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ-awˇ, bi mehꞈ bi shuꞈ ma. Naw maꞈ-ahˇ bi laˆ cawˆ-eu gʼaˇ duˬ pyehˬ gʼeh leꞈ-euˬ taˆ dui dui-eu kaˆ myaˬ loꞈ-ehˇ, mehꞈ-eu shuꞈ-eu jeˬ-euˬ shaˬ zahˬ naw maꞈ ya daˬ tehꞈ-a.

Yeˬsaˬgeˬlaˇ 14:8

Aˬ yawꞈ-ahˇ ngaˇ myaˆ maˬ haw cawˬ nehˬ ni, aˬ yawꞈ-ahˇ haw-awˇ aˬ cawˬ-ahˇ siˬ leˇ paˬ-ehˇ ngaˇ jahˇ nehˬ ma. Ngaˇ Sahˬpaˬ Miˬyehˇ pyeuꞈ-eu naw maꞈ-ahˇ siˬ leˇ ni, ngaˬ-euˬ tsawˇ haˬ-euˬ baꞈ dzah laꞈ kʼoeˇ, aˬ yawꞈ-ahˇ paˬ tseuˆ tseuˆ dzeh nehˬ ma.

Yeˬsaˬgeˬlaˇ 16:57

Nawˬ neh mˇ-euˬ yaw haiˬ jeˬ bya cehˆ ni maˬ doˆ laˇ mi naˆ-ehˇ, nawˇ kʼoeˇ loꞈ-ehˇ jahˇ gʼeh-euˬ maˬ ngeuˇ loˇ. Nymˬ-mˇ poˆ jawˇ-aˬ, nawˇ hawˇ-eu aˬ yawꞈ tiˬ kawˆ meh. Eˬdoˬ tsawˇ haˬ, Piˇliˇtiˆ tsawˇ haˬ hawˇ-eu, nawˬ-ahˇ bye-eu nawˬ-euˬ dawˬ peh kʼaˇ jawˇ-eu tsawˇ haˬ deuˬ-euˬ ja bu ja doeˇ duˬ meh.

Yeˬsaˬgeˬlaˇ 22:4

Tsawˇ haˬ-ahˇ sehꞈ-eu laꞈ kʼoeˇ nawˇ mˇ bahˬ-awˇ, nawˬ neh jahˇ-euˬ tahˬ pahˬ aˬ ma mawˇ kawˇ neh yawˬ haˇ yawˬ ha laˆ jawꞈ-euˬ baˬ da neh, nawˬ-euˬ aˇ nah keuˆ le luꞈ-awˇ, nawˬ-euˬ aˇ yamˬ jiˇ le luꞈ meh. Kʼoeˇ miˇ neh, tsawˇ jeuˬ dawˬ tawˆ luꞈ nawˬ-ahˇ ja doeˇ-awˇ, miˇ kʼahˬ dawˬ tawˆ luꞈ nawˬ-ahˇ ehˇ niˇ gʼa ni ngaˇ jahˇ-euˬ ma.

Yeˬsaˬgeˬlaˇ 23:32

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ yuiꞈ neh dawˇ dzeuˇ-euˬ, huiˬ-eu naꞈ-eu kʼmˬ maˬ kʼoeˇ kʼmˬ, nawˇ ciˬ-awˇ paˇ dawˇ poˆ tehꞈ-a. Kʼmˬ maˬ tiˬ byah dahˬ-eu miˇ neh, aˬ cawˬ nawˬ-ahˇ naˬ gʼa tehꞈ-a.

Yeˬsaˬgeˬlaˇ 30:19

Iˇjiˇtuˆ-ahˇ kʼoeˇ naˆ kʼehˬ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.”

Uˬ duˬ 26:32

Naw maꞈ-euˬ miˇ kʼahˬ-ahˇ ngaˇ nui kʼahˇ tiˬ shiˇ laˆ cawˆ-euˬ miˇ neh, naw maꞈ miˇ kʼahˬ-ahˇ deuˆ gʼaˬ-euˬ naw maꞈ-ahˇ muiˇ-eu tsawˇ haˬ deuˬ kʼawꞈ, ya tsawˬ guˆ-iˇ gaˇ keuˆ tehꞈ-a.

Dawˬmehˬ 28:37

Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ jawˇ-eu tsawˇ haˬ deuˬ, naw maꞈ kʼoeˇ taˆ kʼoeˇ loꞈ-ehˇ keuˆ le-euˬ gaˇ ya mawˇ ngeh, tsawˬ guˆ-iˇ dui dui tehꞈ-a. Naw maꞈ gaˇ kawˆ aˬ yawꞈ maꞈ ja uiˇ niˇ gʼa-awˇ, naw maꞈ-ahˇ ja bu ja doeˇ tehꞈ-a.

2 Laˬsaˬbaˬ 29:8

Kʼoeˇ baˬ da neh, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ Sahˬpaˬ Miˬyehˇ nui ma pehˇ laˇ-awˇ, aˬ yawꞈ neh aˬ yawꞈ maꞈ-ahˇ jahˇ nehˬ-euˬ jeˬ-ahˇ tsawˇ haˬ yawˬ gʼaˬ na luꞈ tsawˬ guˆ-iˇ-euˬ meh. Gaˇ kawˆ heu naw maꞈ yaw muiˬ paˬ-ehˇ siˬ duˬ taˬ-euˬ meh.

Yeˬlaˬmiˇ 29:18

Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ aˬ yawꞈ maꞈ-ahˇ ngaˇ ciˬ tehˬ nehˬ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, kʼoeˇ gaˇ ya mawˇ ngeh guˆ dui dui-iˇ tehꞈ-a. Aˬ yawꞈ maꞈ-ahˇ ngaˬ neh teh byaˆ-awˇ kʼaˇ bi jawˇ-euˬ jawˇ duˬ-ahˇ, aˬ yawꞈ maꞈ kʼoeˇ taˆ keuˆ le-euˬ jeˬ-ahˇ ya mawˇ ngeh, aˬ cawˬ laˇ baˇ-iˇ tehꞈ-a. Aˬ cawˬ aˬ yawꞈ maꞈ-ahˇ ja bu ja doeˇ-awˇ, yaˬ kʼehˇ yaˬ ngeh aˬ yawꞈ maꞈ-euˬ tsawˇ myahˇ kuˇ-awˇ yaˬ tehꞈ-a.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Ngoeˇ dawˬ 2:16

Nawˬ-ahˇ kʼaˇ muiˇ-eu deuˬ dawˬ tawˆ, nawˬ-ahˇ bye-awˇ naˬ gʼa luꞈ meh. Aˬ yawꞈ maꞈ seuˬ tsehꞈ tehˬ taˬ-awˇ, nawˬ-ahˇ lmˬ lmˬ-ehˇ ehˇ luꞈ-eu, “Aˬ yawꞈ-ahˇ laˆ cawˆ gʼaˬ-euˬ ma. Aˇ nah heu nah bi yehꞈ laˇ ni, nga maꞈ dawˬ luꞈ-eu dza laˇ-euˬ, nymˬ-mˇ myaˆ ya mawˇ duˬ miˇ-a.”

Yeˬsaˬgeˬlaˇ 11:9

Naw maꞈ-ahˇ ngaˇ meuˬ laꞈ nyiˇ tsahˇ doˆ-awˇ, aˬ cawˬ tsawˇ jeuˬ-euˬ laꞈ-ahˇ a nehˬ ma. Naw maꞈ bi shiˇ-eu gʼaˇ duˬ ngaˇ yaˇ kʼaˬ daˇ gʼaˬ taˬ-euˬ ma.

Yeˬsaˬgeˬlaˇ 16:41

Aˬ yawꞈ maꞈ nawˬ-euˬ nymˇ-ahˇ miˬ dzaˬ dzah puiˆ dzeh-awˇ, zaˬ miˬ zaˬ deuˬ baˬ maꞈ puˇ jeˬ-ehˇ jawˇ-eu mehˬ shi nawˬ-ahˇ kʼehˬ nehˬ kʼaˆ nehˬ tehꞈ-a. Nawˇ meh maˬ laˇ maˬ paˇ geuꞈ ni maˬ ehˇ, nawˇ mawꞈ leˇ-eu deuˬ-ahˇ nawˇ laꞈ sawˬ maˬ paˇ biꞈ ni maˬ ehˇ, ngaˇ jahˇ ma.