Yeˬsaˬgeˬlaˇ 5:12 - Akha

¹² Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Yeˬsaˬgeˬlaˇ 5:12 Referans Kwoze

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Yeˬlaˬmiˇ 15:2

Aˬ geu paw ya iˇ byoˆ nmˇ lehˇ, aˬ yawꞈ maꞈ nawˬ-ahˇ naˇ haˬ ngeh, tiˬ paˆ na deuˬ naˇ-awˇ shiˇ gaˇ maˬ ehˇ, tiˬ paˆ na deuˬ guiˇ deuˆ-awˇ ya shiˇ gaˇ maˬ ehˇ, tiˬ paˆ na deuˬ hawˬ mehꞈ ya dzahˬ sehꞈ gaˇ maˬ ehˇ, tiˬ paˆ na deuˬ aˬ cawˬ bi paꞈ gʼeh gaˇ maˬ ehˇ, ya daˬ meh lehˇ ngaˬ neh ehˇ taˬ-euˬ dawˬ, aˬ yawꞈ maꞈ-ahˇ nawˇ ehˇ nehˬ-awˬ.

Yeˬsaˬgeˬlaˇ 12:14

Aˬ yawꞈ-euˬ saˇ naˇ-ahˇ gaˇ mˇ-eu yaw huiˬ yaw mahˇ deuˬ, aˬ yawꞈ-ahˇ nui noeˬ nui duˇ biꞈ-eu deuˬ hawˇ-eu, aˬ yawꞈ-ahˇ loꞈ piˇ-eu deuˬ-ahˇ tiˬ gʼaˬ tiˬ paw ngaˇ teh byaˆ nehˬ jiˇ-awˇ, aˬ cawˬ aˬ yawꞈ maꞈ-ahˇ sehꞈ-eu lehˇ poˆ tehꞈ-a.

Yeˬlaˬmiˇ 21:9

Meuˬ heu meuˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ, guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, naˇ-eu gawˇ-eu baˬ da neh maˬ ehˇ, ya shiˇ tehꞈ-a. Ehˇ kʼawꞈ, meuˬ-euˬ laꞈ nyiˇ doˆ-iˇ-awˇ, meuˬ heu meuˬ-ahˇ guiˇ deuˆ le-euˬ Baˬbuˇloˬ tsawˇ haˬ deuˬ jawˇ gaˇ cehˆ uˇ leˇ-eu tsawˇ haˬ-aˬ, uˬ kʼawˇ buˬ-iˇ tehꞈ-a.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Yeˬlaˬmiˇ 44:27

Naw maꞈ maˬ baw maˬ za le-eu uˬ taꞈ, ya luˬ ya seˇ-iˇ gaˇ ngaˇ haw ma. Naw maꞈ tiˬ gʼaˬ-iˬ maˬ dzeuˇ-iˇ nya ni, guiˇ deuˆ-eu baˬ da neh maˬ ngeuˇ naˇ, naˇ-eu gawˇ-eu baˬ da neh ya shiˇ jiˇ tehꞈ-a.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Aˬmoˆ 9:4

Aˬ yawꞈ maꞈ-ahˇ muiˇ-eu deuˬ neh aˬ yawꞈ maꞈ-ahˇ bi nyehꞈ byoˆ gʼeh kʼawꞈ, aˬ yawꞈ maꞈ-ahˇ sehꞈ-awˬ lehˇ ngaˇ dawˬ biꞈ ma. Aˬ yawꞈ maꞈ-ahˇ ngehˬ gʼeh-eu maˬ ngeuˇ-ehˇ, laˆ cawˆ nehˬ-eu gʼaˇ duˬ nymˬ-mˇ poˆ jawˇ ngaˇ noeˬ tsehˆ taˬ-euˬ ma.”

Yeˬsaˬgeˬlaˇ 6:8

“Tsawˇ haˬ tiˬ paˆ na deuˬ-ahˇ, maˬ bi sehꞈ ni bi dzeuˇ-iˇ-awˇ, aˬ cawˬ miˇ kʼahˬ laꞈ kʼoeˇ bi jawˇ byaˆ jiˇ ma.

Yeˬsaˬgeˬlaˇ 5:17

Nawˬ-euˬ zaˬ deuˬ-ahˇ bi sehꞈ-eu gʼaˇ duˬ, mehꞈ-eu shuꞈ-eu jeˬ hawˇ-eu bawˇ tsahˬ jeˬ zaˬ yaw haiˬ deuˬ-ahˇ ngaˇ pyehˬ gʼeh leꞈ-awˇ, naw maꞈ-ahˇ bi sehꞈ-eu gʼaˇ duˬ, naˇ-eu gawˇ-eu, shaˆ shiˇ hawˇ-eu, guiˇ deuˆ-eu jeˬ bi keuˆ le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 42:22

Kʼoeˇ miˇ neh, naw maꞈ heu loꞈ-ehˇ siˬ duˬ-awˬ. Naw maꞈ jawˇ-iˇ mawꞈ-eu miˇ kʼahˬ kʼoeˇ kʼahˬ laꞈ kʼoeˇ guiˇ deuˆ-eu baˬ da neh maˬ ehˇ, mehꞈ-eu shuꞈ-eu baˬ da neh maˬ ehˇ, naˇ gawˇ baˬ da neh maˬ ehˇ, naw maꞈ ya shiˇ tehꞈ-a lehˇ siˬ duˬ-awˬ.”

Yeˬlaˬmiˇ 9:16

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”

Dawˬmehˬ 28:65

Nui saˇ za-eu jeˬ-ahˇ tiˬ gaˇ-iˬ maˬ poˆ mawˇ nya-ehˇ, nawˬ-euˬ jawˇ duˬ lehˇ myahˇ-eu gʼaˇ duˬ, pehˇ tsahˇ maˬ jaˆ ni pyeuꞈ-iˇ tehꞈ-a. Ehˇ kʼawꞈ, noeˬ shaˬ noeˬ zahˬ-eu jeˬ, noeˬ tmˬ duˬ maˬ jaˆ-eu jeˬ hawˇ-eu, nui ma cawˆ-eu jeˬ, Sahˬpaˬ Miˬyehˇ nawˬ-euˬ kʼoeˇ taˆ paˇ baꞈ daˆ nehˬ laꞈ tehꞈ-a.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Panmaeq 6:8

Ngaˇ haw gʼeh ngeh, pyuˇ pya ni gʼeh-eu mahˬ tiˬ mawˇ mawˇ-euˬ ma. Mahˬ dziˬ luꞈ-eu gʼaˬ-aˬ, shiˇ-eu jeˬ lehˇ myahˇ-awˇ, aˬ yawꞈ-euˬ mehˬ nah tehˬ ni shiˇ-eu miˇ kʼahˬ caw teh luꞈ-eu meh. Guiˇ deuˆ-eu jeˬ, mehꞈ-eu shuꞈ-eu jeˬ, naˇ-eu gawˇ-eu jeˬ , jeˬ zaˬ yaw haiˬ jeˬ, heu loꞈ-ehˇ gʼeh-eu deuˬ-ahˇ gʼoe-awˇ aˬ cawˬ-ahˇ sehꞈ-eu gʼaˇ duˬ, miˇ tsaˬ heu oeˬ bymˇ tiˬ bymˇ kʼoeˇ taˆ uˆ lahˇ-eu baoˬ aˬ yawꞈ nyaꞈ-ahˇ biꞈ taˬ-euˬ meh.

Yeˬlaˬmiˇ 13:24

Kʼaˇ shuiꞈ deh ga paw neh oe-euˬ jaˬ lehˇ lehˇ ma, gʼo yoeˬ baw byoˆ gʼeh-eu loꞈ-ehˇ, Sahˬpaˬ Miˬyehˇ naw maꞈ-ahˇ byaˆ dzeh nehˬ tehꞈ-a.

Yeˬlaˬmiˇ 24:10

Aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le ma.”

Yeˬsaˬgeˬlaˇ 7:15

Meuˬ-euˬ gaˇ ma doe ni guiˇ deuˆ-awˇ, nymˇ laꞈ kʼoeˇ naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ byah tehꞈ-a. Meuˬ-euˬ laꞈ nyiˇ deh ga-ahˇ kʼaˇ jawˇ-eu deuˬ guiˇ bi deuˆ sehꞈ-awˇ, meuˬ laꞈ kʼoeˇ kʼaˇ jawˇ-eu tsawˇ haˬ deuˬ, naˇ gawˇ hawˇ-eu mehꞈ-eu shuꞈ-eu jeˬ baˬ da neh ya shiˇ tehꞈ-a.

Yeˬsaˬgeˬlaˇ 14:17

“Maˬ ngeuˇ naˇ, miˇ kʼahˬ kʼoeˇ kʼahˬ kʼoeˇ taˆ guiˇ deuˆ-eu jeˬ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi sehꞈ cuˆ-eu gʼaˇ duˬ, laˆ sehꞈ laˆ naˇ-eu keu ka deuˬ bi hehˇ ahˇ leꞈ ma.

Yeˬsaˬgeˬlaˇ 14:19

“Miˇ kʼahˬ kʼoeˇ kʼahˬ laꞈ kʼoeˇ yaw jaw naˇ-eu naˇ gawˇ gawˇ ma bi keuˆ le-awˇ, ngaˇ nui ma pehˇ-eu laꞈ kʼoeˇ tsawˇ haˬ hawˇ-eu jeˬ zaˬ gʼawˬ mya ni bi shiˇ naˇ,

Yeˬsaˬgeˬlaˇ 33:27

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ kʼaˆ dui dui-eu dawˬ heu loꞈ-ehˇ ngehˬ-eu meh lehˇ ehˇ nehˬ-awˬ. Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, cawˆ-iˇ-euˬ meuˬ kʼoeˇ deuˬ laꞈ kʼoeˇ jawˇ-eu tsawˇ haˬ deuˬ bi shiˇ ma. Bawˇ tsahˬ deh ga-ahˇ jawˇ-eu tsawˇ haˬ deuˬ bawˇ tsahˬ jeˬ zaˬ neh bi kʼawꞈ sehꞈ dzaˬ tehꞈ-a. Gawˬ jawˬ hawˇ-eu lo kʼahˬ lo guˇ doe ni cehˆ zaꞈ-awˇ jawˇ-eu deuˬ, naˇ gawˇ baˬ da neh ya shiˇ tehꞈ-a.

Yeˬsaˬgeˬlaˇ 36:19

Aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ-eu baˬ da neh, aˬ yawꞈ maꞈ-ahˇ ngaˇ maˬ haw nahˇ-ehˇ, aˬ cawˬ miˇ kʼahˬ doe ni teh byaˆ nehˬ-euˬ ma.

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Yeˬlaˬmiˇ 9:15

Teu baˬ da neh Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ gaˇ naˇ haˬ sheˇ. Ngaˇ heu loꞈ-ehˇ jahˇ ma. Ngaˬ-euˬ tsawˇ haˬ deuˬ-ahˇ kʼaˬ jehꞈ ni gʼeh-eu aˇ bawˇ bi teuꞈ-awˇ, dzaˇ doꞈ bi dawˇ ma.

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Yeˬlaˬmiˇ 15:9

Zaˬ shiꞈ gʼaˬ bi shiˇ-euˬ aˬ ma saꞈ saꞈ ma gʼawˇ daˆ-eu meh. Aˬ yawꞈ gʼaˇ duˬ nah gʼahˇ uˬ ciꞈ loꞈ-ehˇ zahˇ-awˇ, nui ma shaˬ zahˬ maˬ pi coeˇ-a. Naw maꞈ maˬ shiˇ dzeuˇ-ehˇ kʼaˇ dehꞈ-eu deuˬ, muiˇ-eu deuˬ neh bi sehꞈ ma lehˇ, Sahˬpaˬ Miˬyehˇ pyeuꞈ-eu ngaˬ neh ehˇ taˬ-euˬ jaˆ-eu ma.”

Yeˬsaˬgeˬlaˇ 7:3

“Iˇsaˬleˬlaˆ-oˇ, aˇ saˬ saˬ-eu jeˬ keuˆ le-euˬ meh. Nawˬ neh kʼaˇ mˇ kʼaˇ shaˇ-euˬ loꞈ-ehˇ, nawˬ-ahˇ ngaˇ yaˇ kʼaˬ daˇ-eu miˇ neh, ngaˇ nui ma pehˇ-eu jeˬ nawˬ-ahˇ siˬ laˇ tehꞈ-a. Nawˇ dehꞈ cawˆ-euˬ aˇ poeˬ, nawˬ-ahˇ ngaˇ paˇ biꞈ kʼoꞈ nehˬ ma.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Yeˬsaˬgeˬlaˇ 16:42

Kʼoeˇ ngeh jawˇ, ngaˇ nui ma pehˇ-eu taˬ leˇ-awˇ, ciˬ cuˇ ni jawˇ ma. Nui ma naˇ-awˇ myaˆ naˆ-eu jeˬ maˬ paˇ bi ahˇ ma.

Yeˬsaˬgeˬlaˇ 21:22

Nymˬ-mˇ poˆ jawˇ, aˬ yawꞈ-euˬ aˇ maˇ laꞈ-ahˇ, Yeˬluˇsaˬlehˬ meuˬ-ahˇ iˇ-awˬ lehˇ kʼehˇ-eu kaˆ myaˬ tuˆ tehˬ taˬ-euˬ meh. Kaˆ myaˬ kʼoeˇ aˬ yawꞈ-ahˇ heu loꞈ-ehˇ ehˇ-eu meh. Meuˬ meuˬ lahˇ tahˬ pyaˆ-eu dmˬ ma jahˇ tsoꞈ-awˇ, guiˇ deuˆ-eu dawˬ guˇ-awˇ, meuˬ lahˇ tahˬ pyaˆ-eu dmˬ ma kʼoeˇ meuˬ lahˇ-ahˇ ciˬ tsehꞈ-awˇ, miˇ tsaˬ ciˬ goˇ-awˇ, duˬ kʼahˬ kʼahˬ-awˬ lehˇ ehˇ-eu meh.

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Yeˬsaˬgeˬlaˇ 43:8

Ngaˬ-euˬ Uˬ duˬ tahˬ nymˇ nymˇ ma gʼoˆ kʼehˬ dahˇ-eu gaˇ dzeˇ, aˬ yawꞈ maꞈ-euˬ sahˬ paˬ deuˬ-euˬ hawˇ nymˇ gʼoˆ kʼehˬ bi dahˇ-awˇ, gʼahˇ ceh aˇ kaˬ-ahˇ lahˇ tiˬ lahˇ kaˇ-eu tehꞈ meh. Aˬ yawꞈ maꞈ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ tsawˇ myahˇ laˆ cawˆ-euˬ miˇ neh, ngaˇ nui ma pehˇ-awˇ aˬ yawꞈ maꞈ-ahˇ ngaˇ laˆ cawˆ nehˬ-euˬ ma.