Yeˬsaˬgeˬlaˇ 5:11 - Akha

¹¹ “Kʼoeˇ miˇ neh, ngaˇ dehꞈ luꞈ-eu Miˬyehˇ pyeuꞈ-eu loꞈ-ehˇ, heu-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ma. Ngaˬ-euˬ Uˬ duˬ tahˬ nymˇ nymˇ ma-ahˇ yaw haiˬ jeˬ neh nawˇ laˆ jawꞈ-euˬ miˇ neh, nawˬ neh mˇ-euˬ nuiˇ daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ gʼawˬ shaˬ maˬ gaˬ ni deuˆ tsehˆ ma.

Yeˬsaˬgeˬlaˇ 5:11 Referans Kwoze

Yeˬsaˬgeˬlaˇ 7:20

Aˇ hu, muiˬ dui dui-eu pyuˇ shuiˇ myawˬ guˇ deuˬ-ahˇ aˬ yawꞈ maꞈ kʼahˬ sehˇ jehˆ-euˬ meh. Ehˇ kʼawꞈ, kʼoeˇ deuˬ yuˇ-awˇ aˬ yawꞈ maꞈ tahˬ pahˬ aˬ ma mawˇ kawˇ tehˆ-euˬ meh. Kʼoeˇ miˇ neh, aˬ yawꞈ maꞈ-euˬ pyuˇ shuiˇ myawˬ gahˬ deuˬ aˬ yawꞈ maꞈ-ahˇ paˇ bi laˆ jawꞈ ni, Sahˬpaˬ Miˬyehˇ jahˇ-euˬ meh.

Yeˬsaˬgeˬlaˇ 11:18

Aˬ yawꞈ maꞈ gʼoꞈ le ngeh, aˬ yawꞈ maꞈ kʼaˇ ya mawˇ-eu jawꞈ dui dui-awˇ nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ, aˬ yawꞈ maꞈ ya biˬ dzeh jiˇ meh.

Yeˬsaˬgeˬlaˇ 7:9

Naw maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Ngaˇ Sahˬpaˬ Miˬyehˇ pyeuꞈ-awˇ, naw maꞈ-ahˇ kʼehˬ-eu gʼaˬ pyeuꞈ-eu naw maꞈ-ahˇ siˬ leˇ ni, naw maꞈ neh mˇ-euˬ nui daˆ daˆ laˇ paˬ-ehˇ gʼeh-eu jeˬ aˇ poeˬ naw maꞈ-ahˇ ngaˇ kʼehˬ nehˬ ma.”

Yeˬsaˬgeˬlaˇ 7:4

Nawˬ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Ngaˇ Sahˬpaˬ Miˬyehˇ pyeuꞈ-eu gaˇ kawˆ nawˬ-ahˇ siˬ leˇ ni, nawˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ kʼehˬ nehˬ kʼaˆ nehˬ ma.”

2 Laˬsaˬbaˬ 36:14

Kʼoeˇ uˬ taꞈ, Yuˇdaˆ miˇ kʼahˬ-ahˇ aˬ yuiꞈ aˬ tsu geuꞈ-eu deuˬ maˬ ehˇ, piˇ ma deuˬ maˬ ehˇ, miˇ kʼahˬ zaˬ deuˬ maˬ ehˇ, aˬ yawꞈ maꞈ-euˬ jawˬ jawˬ-ehˇ jawˇ-eu aˬ cawˬ tsawˇ jeuˬ deuˬ mˇ luꞈ-eu maˬ muiˬ maˬ jaˬ-eu jeˬ-ahˇ dzaw geuꞈ-awˇ, tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu laꞈ kʼoeˇ, Sahˬpaˬ Miˬyehˇ neh laˆ muiˬ laˆ shawˇ taˬ-euˬ Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.

Yeˬsaˬgeˬlaˇ 24:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ nawˬ-ahˇ ya jahˇ nehˬ-eu aˇ yamˬ keuˆ laˇ-euˬ meh. Nawˬ-euˬ iˬ baˇ-ahˇ ngaˇ maˬ ngehˇ-ehˇ, nawˬ-ahˇ ngaˇ gʼawˬ shaˬ maˬ gaˬ nehˬ. Nawˬ neh kʼaˇ mˇ-euˬ loꞈ-ehˇ nawˇ ya daˬ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 11:21

Ehˇ kʼawꞈ, jawꞈ dui dui-awˇ nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ-ahˇ, ngaˇ kʼehˬ nehˬ kʼaˆ nehˬ ma. Aˬ yawꞈ maꞈ neh mˇ-euˬ shaˇ-euˬ loꞈ-ehˇ, aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 9:10

Kʼoeˇ miˇ neh, aˬ yawꞈ maꞈ-ahˇ ngaˇ gʼawˬ shaˬ maˬ gaˬ nehˬ. Aˬ yawꞈ maꞈ neh aˬ cawˬ-ahˇ jahˇ nehˬ taˬ-euˬ jaˆ-eu loꞈ-ehˇ, aˬ yawꞈ maꞈ-ahˇ ngaˇ jahˇ nehˬ ma.”

Yeˬsaˬgeˬlaˇ 9:5

Kʼoeˇ naˇ, nui deuˬ-ahˇ Miˬyehˇ heu loꞈ-ehˇ ehˇ nehˬ-eu ngaˇ gaˬ-euˬ ma. “Naw maꞈ aˬ yawꞈ-euˬ mehˬ nah caw teh gʼeh-awˇ, tsawˇ haˬ sehꞈ-iˇ-awˬ. Tiˬ gʼaˬ-iˬ maˬ bi dzeuˇ-iˇ ni sehꞈ-awˬ. Tiˬ gʼaˬ-ahˇ-iˬ gʼawˬ shaˬ taˬ gaˬ nehˬ.

Yeˬsaˬgeˬlaˇ 8:18

Ngaˇ nui ma pehˇ saˬ pehˇ li li laˇ-euˬ jeˬ-ahˇ aˬ yawꞈ maꞈ ya daˬ tehꞈ-a. Aˬ yawꞈ maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Aˬ yawꞈ maꞈ kʼaˇ guˇ coeˇ-eu guˇ-awˇ ngaˬ-ahˇ guiˬ lahˬ shaˇ kʼawꞈ, ngaˇ maˬ naˇ haˬ nehˬ.”

Yeˬsaˬgeˬlaˇ 8:16

Kʼoeˇ naˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ aˬ yawꞈ ngaˬ-ahˇ paˇ sheuˬ ahˇ gʼeh nehˬ laꞈ-euˬ meh. Muiˬ-eu shawˇ-eu jawˇ duˬ-ahˇ uˇ leˇ-eu gʼoˆ kʼehˬ dawˬ peh, lawˇ duˬ hawˇ-eu gaˇ ma yaw kaˬ-ahˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ya mawˇ-euˬ ma. Muiˬ-eu shawˇ-eu jawˇ duˬ-ahˇ aˬ yawꞈ maꞈ naˇ kʼah pyawˇ-awˇ, nahˇ ma doˆ kʼehˬ paw mehˬ shi pyawˇ-awˇ awˆ byaˆ-eu laꞈ kʼoeˇ, nahˇ ma doˆ laˇ gaˇ uˬ duˬ tahˬ luꞈ-eu meh.

Ngoeˇ dawˬ 2:21

Tsawˇ mawˬ zaˬ guˬ tiˬ gaˇ shiˇ-awˇ, meuˬ-euˬ gʼahˇ ceh gaˇ ma doe ni, kʼaˬ lehˇ tsahˬ-ahˇ ga luꞈ-eu meh. Aˬ li zaˬ guˬ aˬ buˇ zaˬ guˬ, mi cehˇ neh bi sehꞈ dzeh-euˬ meh. Nawˬ-euˬ nui ma pehˇ laˇ ngeh nah, gʼawˬ shaˬ gaˬ-eu jeˬ maˬ ahˇ ni, aˬ yawꞈ maꞈ-ahˇ sehꞈ dzeh-euˬ meh.

Yeˬlaˬmiˇ 16:18

Shiˇ taˬ-euˬ tsawˇ haˬ loꞈ-ehˇ saꞈ maˬ gʼawˇ nya-eu tahˬ pahˬ aˬ ma mawˇ kawˇ deuˬ neh ngaˬ-euˬ miˇ kʼahˬ-ahˇ aˬ yawꞈ maꞈ laˆ jawꞈ-awˇ, maˬ ngeuˇ-eu miˬ yehˇ deuˬ hehˇ byah leꞈ taˬ-euˬ miˇ neh, aˬ yawꞈ maꞈ neh mˇ-euˬ iˬ baˇ aˇ poeˬ aˬ yawꞈ maꞈ-ahˇ ngaˇ nyiˬ bymˇ paˇ kʼehˬ poˆ nehˬ ma.”

HeˬByehˇ 6:13

Aˬbyaˬhaˬ-ahˇ Miˬyehˇ saˇ jaˇ dzaˬ ngeh, aˬ yawꞈ neh kʼaˇ ehˇ-euˬ loꞈ-ehˇ mˇ ma lehˇ kamˬ tsehˆ-euˬ meh. Aˬ yawꞈ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-eu baˬ da neh, aˬ yawꞈ-euˬ tsawˇ myahˇ-ahˇ gʼoe-awˇ aˬ yawꞈ kamˬ-euˬ meh.

Lormav 11:21

Aˇ bawˇ aˬ yawꞈ-ahˇ tsoꞈ doˆ laˇ-euˬ uˬ laꞈ-ahˇ duˇ-eu Yuˇdaˆ tsawˇ haˬ deuˬ-ahˇ keuˆ ni aˬ yawꞈ maˬ taˬ nehˬ-eu-aˬ, naw maꞈ-ahˇ taˬ nehˬ laꞈ tehꞈ-a lehˇ duˇ te loˇ.

Lormav 11:12

Yuˇdaˆ tsawˇ haˬ deuˬ iˬ baˇ mˇ-euˬ miˇ neh miˇ tsaˬ zaˬ deuˬ yaw muiˬ gʼawˬ mya jeˬ siˬ nya laˇ-awˇ, aˬ yawꞈ maꞈ guiˬ lahˬ saꞈ laˇ paw iˇ shaˬ shaˬ-euˬ kʼoeˇ-aˬ, aˬ cawˬ tsawˇ jeuˬ guiˬ lahˬ gʼawˬ mya ni za-euˬ meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

Maˬlaˬkiˇ 3:17

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ haˬ ya pyeuꞈ tehꞈ-a. Ngaˇ luˆ laˇ ngeh nah, aˬ yawꞈ maꞈ-ahˇ ngaˬ-euˬ tsawˇ haˬ loꞈ-ehˇ sawˇ ma. Aˬ da-euˬ myawˬ kʼehˇ gʼoˆ-eu zaˬ-ahˇ aˬ da gaˬ-eu loꞈ-ehˇ, aˬ yawꞈ maꞈ-ahˇ ngaˇ gʼawˬ shaˬ gaˬ nehˬ ma.

Zaˬkaˬliˇ 11:6

Miˇ tsaˬ zaˬ tiˬ gʼaˬ-ahˇ-iˬ ngaˇ gʼawˬ shaˬ maˬ paˇ gaˬ ma. Tsawˇ haˬ dawˬ tawˆ luꞈ, uˆ lahˇ-eu sahˬ paˬ sahˬ ma deuˬ-euˬ laꞈ-ahˇ ngaˇ a nehˬ ma. Sahˬpaˬ sahˬ ma kʼoeˇ deuˬ miˇ tsaˬ tahˬ kʼawˇ heu-ahˇ kʼaˇ kʼehˬ mawꞈ-eu kʼehˬ ngeh, tiˬ gʼaˬ-ahˇ-iˬ ngaˇ maˬ ka kʼoꞈ nehˬ.”

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

Yeˬsaˬgeˬlaˇ 44:7

Aˬ yawꞈ maꞈ ngaˬ-ahˇ lawˇ nehˬ-euˬ lawˇ dzaˇ pyeuꞈ-eu shaˬ tsuˇ hawˇ-eu shiˬ lawˇ ngeh, ngaˬ-ahˇ yaw zeu maˬ baw-eu baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ deuˬ-ahˇ Uˬ duˬ tahˬ nymˇ nymˇ ma-ahˇ bi uˇ laˇ-eu laꞈ kʼoeˇ, ngaˬ-euˬ Uˬ duˬ tahˬ nymˇ nymˇ ma-ahˇ laˆ jawꞈ-euˬ meh. Ngaˬ-euˬ tsawˇ haˬ kʼoeˇ deuˬ-aˬ, kʼoeˇ loꞈ-ehˇ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ dawˬ ma saˇ jaˇ-ahˇ puiˬ-euˬ meh.

Yeˬsaˬgeˬlaˇ 29:15

Miˇ kʼahˬ dawˬ tawˆ luꞈ naˆ maˬ tseˇ gʼaˬ baˬ-eu miˇ kʼahˬ tiˬ kʼahˬ pyeuꞈ-awˇ, aˬ cawˬ tsawˇ jeuˬ kʼoeˇ taˆ uˆ lahˇ nya-eu baoˬ maˬ ahˇ ni pyeuꞈ-iˇ tehꞈ-a. Aˬ yawꞈ maꞈ teˬ dui dui-iˇ-awˇ, aˬ cawˬ tsawˇ jeuˬ aˬ yawꞈ maꞈ-euˬ nui noeˬ mehˬ nah caw teh laˇ ni maˬ jahˇ nya-ehˇ pyeuꞈ-iˇ tehꞈ-a.

Yeˬsaˬgeˬlaˇ 23:28

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ bye-awˇ nui daˆ daˆ-eu tsawˇ haˬ deuˬ-euˬ aˬ laꞈ laꞈ kʼoeˇ, nawˬ-ahˇ ngaˇ a ahˇ nehˬ ma.

Yeˬlaˬmiˇ 44:4

Miˬyehˇ gʼaˇ duˬ ngehˬ dah-euˬ ngaˬ-euˬ zaˬ kʼaˆ deuˬ-ahˇ, naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, ngaˇ bye dui dui-eu yaw jawꞈ jeˬ taˬ paˇ mˇ lehˇ bi ehˇ gaˬ le-euˬ ma.

Yeˬlaˬmiˇ 32:34

Ngaˬ-ahˇ uˬ duˬ tahˬ-eu gʼaˇ duˬ tsoˆ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ baꞈ ahˇ taˬ-awˇ, Uˬ duˬ tahˬ nymˇ nymˇ ma-ahˇ laˆ jawꞈ gaˇ keuˆ ni aˬ yawꞈ maꞈ jahˇ keuˆ-euˬ meh.

Yeˬlaˬmiˇ 10:24

Sahˬpaˬ Miˬyehˇ-oˇ, nawˬ-euˬ tsawˇ jeuˬ-ahˇ mehˬ nehˬ tsoˆ nehˬ laꞈ-awˬ. Ehˇ kʼawꞈ, aˇ dzehˬ taˬ dzeuˇ nehˬ laꞈ. Nga maꞈ-ahˇ nawˇ nui ma pehˇ-awˇ kʼehˬ ngeh, aˇ saˬ saˬ-eu jeˬ taˬ bi keuˆ le laꞈ.

Jaceuq 107:39

Aˬ cawˬ kʼehˬ nehˬ kʼaˆ nehˬ gaˇ ya daˬ-eu miˇ neh, Miˬyehˇ-euˬ tsawˇ haˬ deuˬ daˬ ga luꞈ ngeh,

Jaceuq 95:11

Ngaˇ nui ma pehˇ-awˇ heu loꞈ-ehˇ ehˇ tsehˆ nehˬ-euˬ ma. Naw maꞈ gʼaˬ naˬ bi naˬ-eu lehˇ, ngaˬ neh lehˬ hmˬ taˬ-euˬ miˇ kʼahˬ-ahˇ, naw maꞈ maˬ ya uˇ leˇ-aˇ’ lehˇ ehˇ tsehˆ nehˬ-euˬ ma.”

2 Laˬsaˬbaˬ 33:7

“Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ miˇ kʼahˬ dawˬ tawˆ luꞈ laꞈ kʼoeˇ, Yeˬluˇsaˬlehˬ meuˬ laꞈ kʼoeˇ jaˆ-eu Uˬ duˬ tahˬ nymˇ nymˇ ma heu nymˇ-aˬ, ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ taˬ-euˬ jawˇ duˬ pyeuꞈ-eu ma” lehˇ, Daˬbiˇ hawˇ-eu Sawˇlaˬmoˬ aˬ nyaꞈ da zaˬ-ahˇ Miˬyehˇ ehˇ taˬ-euˬ Uˬ duˬ tahˬ nymˇ nymˇ ma kʼoeˇ nymˇ laꞈ kʼoeˇ, Maˬnaˇseˬ neh tahˬ pahˬ aˬ ma mawˇ kawˇ bi jaˆ-euˬ meh.

2 Laˬsaˬbaˬ 33:4

Mˬ maˬ maˬ byaˆ zaˇ ziˇ ngaˬ-ahˇ uˬ duˬ ya tahˬ meh lehˇ Sahˬpaˬ Miˬyehˇ neh ehˇ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, lawˇ ciꞈ zaˬ deuˬ-euˬ lawˇ duˬ tsoˆ-euˬ meh.

2 Sahˬpaˬ 23:12

Sahˬ paˬ Aˬkaˆ jawˇ-eu aˇ lawˆ kʼoeˇ taˆ nyiˬ paˆ-ehˇ, sahˬ paˬ-euˬ hawˇ nymˇ nymˇ mˬ kʼoeˇ taˆ jaˆ-eu Yuˇdaˆ sahˬ paˬ deuˬ neh tsoˆ taˬ-euˬ lawˇ duˬ hawˇ-eu, Uˬ duˬ tahˬ nymˇ nymˇ ma-euˬ kʼoeˇ paˆ ma paˆ-ehˇ jaˆ-eu sahˬ paˬ Maˬnaˇseˬ neh tsoˆ taˬ-euˬ lawˇ duˬ deuˬ-ahˇ, sahˬ paˬ Yawˇshiˆ neh laˆ cawˆ-euˬ meh. Lawˇ duˬ kʼoeˇ deuˬ-ahˇ aˬ yawꞈ deh meuˇ-awˇ, Giˇdaˬloˬ deh kʼawꞈ-ahˇ baꞈ dzeh-euˬ meh.

2 Sahˬpaˬ 21:7

“Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ miˇ kʼahˬ dawˬ tawˆ luꞈ laꞈ kʼoeˇ, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma heu nymˇ-aˬ, ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tsoˆ taˬ-euˬ jawˇ duˬ pyeuꞈ-eu ma” lehˇ, Daˬbiˇ hawˇ-eu Sawˇlaˬmoˬ aˬ nyaꞈ da zaˬ-ahˇ Sahˬpaˬ Miˬyehˇ neh ehˇ tsaˬ tsoˆ nehˬ taˬ-euˬ Uˬ duˬ tahˬ nymˇ nymˇ ma kʼoeˇ nymˇ laꞈ kʼoeˇ, Maˬnaˇseˬ neh Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ bi jaˆ-euˬ meh.

2 Sahˬpaˬ 21:4

“Ngaˬ-ahˇ uˬ duˬ ya tahˬ-eu jawˇ duˬ meh” lehˇ, Sahˬpaˬ Miˬyehˇ neh ehˇ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, lawˇ ciꞈ zaˬ deuˬ-euˬ lawˇ duˬ aˬ yawꞈ jahˇ ahˇ-euˬ meh.

Dawˬmehˬ 29:20

Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ-ehˇ, Sahˬpaˬ Miˬyehˇ-euˬ nui ma pehˇ-eu miˬ dzaˬ aˬ yawꞈ-ahˇ zaw leˇ-awˇ, geuꞈ-eu jeˬ maˬ ahˇ gaˇ keuˆ ni aˬ yawꞈ-ahˇ laˆ luˬ laˆ seˇ nehˬ ngeh keuˆ ni, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le tehꞈ-a.

Uˬ duˬ 15:31

Iˇsaˬleˬlaˆ tsawˇ haˬ deuˬ-euˬ pu gʼahˇ ceh jaˆ-eu ngaˇ jawˇ-eu sehˬ gʼawˆ-ahˇ laˆ jawꞈ-eu baˬ da neh maˬ ya shiˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ, yawˬ ha-euˬ maˬ muiˬ maˬ shawˇ-eu jeˬ-ahˇ yahˇ yahˇ-ehˇ bi dehꞈ-awˬ lehˇ Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh.

Yawˇbaˆ 27:22

aˬ yawꞈ maꞈ cehˆ dzeuˇ-eu lehˇ leh jeh ngeh,

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Yeˬsaˬgeˬlaˇ 23:38

Kʼoeˇ naˆ tehꞈ maˬ ngeuˇ-a siˬ. Ngaˬ-euˬ Uˬ duˬ tahˬ nymˇ nymˇ ma-ahˇ laˆ jawꞈ-awˇ, ngaˬ neh taˬ taˬ-euˬ jawˇ nah-ahˇ maˬ lah maˬ daw-a.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 5:7

Yeˬluˇsaˬlehˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ nymˬ-mˇ naˇ haˬ-awˬ. Ngaˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ maˬ caw teh ni byehˇ-eu laꞈ kʼoeˇ nawˬ-euˬ tiˬ jawˬ jaˆ-eu miˇ kʼahˬ deuˬ naˆ maˬ tseˇ, nawˇ ngaˬ-ahˇ laˆ shaˬ nehˬ laꞈ-euˬ meh. Aˬ cawˬ tsawˇ jeuˬ-euˬ zahˇ sahˇ kʼoꞈ-ahˇ nawˇ caw teh-euˬ meh.

Yeˬsaˬgeˬlaˇ 8:15

Aˬ yawꞈ ehˇ-eu, “Tsawˇ haˬ zaˬ-oˇ, aˬ joˆ-ehˇ jahˇ luꞈ-eu nawˇ mawˇ maˬ loˇ. Kʼoeˇ naˆ maˬ tseˇ jawꞈ-eu jeˬ mˇ luꞈ gaˇ nawˇ paˇ ya mawˇ tehꞈ-a.”

Yeˬsaˬgeˬlaˇ 23:39

Aˬ yawꞈ nyaꞈ ngaˬ-euˬ zaˬ deuˬ-ahˇ sehꞈ-awˇ tahˬ pahˬ aˬ ma mawˇ kawˇ-ahˇ lawˇ nehˬ ngeh nah, ngaˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ nyaꞈ laˇ-awˇ paˇ laˆ jawꞈ laˇ-euˬ meh.

Yeˬsaˬgeˬlaˇ 43:8

Ngaˬ-euˬ Uˬ duˬ tahˬ nymˇ nymˇ ma gʼoˆ kʼehˬ dahˇ-eu gaˇ dzeˇ, aˬ yawꞈ maꞈ-euˬ sahˬ paˬ deuˬ-euˬ hawˇ nymˇ gʼoˆ kʼehˬ bi dahˇ-awˇ, gʼahˇ ceh aˇ kaˬ-ahˇ lahˇ tiˬ lahˇ kaˇ-eu tehꞈ meh. Aˬ yawꞈ maꞈ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ tsawˇ myahˇ laˆ cawˆ-euˬ miˇ neh, ngaˇ nui ma pehˇ-awˇ aˬ yawꞈ maꞈ-ahˇ ngaˇ laˆ cawˆ nehˬ-euˬ ma.