Yeˬsaˬgeˬlaˇ 5:10 - Akha

¹⁰ Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Yeˬsaˬgeˬlaˇ 5:10 Referans Kwoze

Zaˬkaˬliˇ 2:6

“Laˇ-awˬ. Laˇ-awˬ. Laꞈ taˆ pyawˬ-ahˇ jaˆ-eu miˇ kʼahˬ-ahˇ neh cehˆ gʼoꞈ kʼoꞈ laꞈ-awˬ” lehˇ Sahˬpaˬ Miˬyehˇ ehˇ-eu meh. “Mˬ taˆ jaˬ lehˇ lehˇ ma oeˬ pyawˬ neh, naw maꞈ-ahˇ ngaˇ teh byaˆ taˬ-euˬ ma” lehˇ, Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 12:14

Aˬ yawꞈ-euˬ saˇ naˇ-ahˇ gaˇ mˇ-eu yaw huiˬ yaw mahˇ deuˬ, aˬ yawꞈ-ahˇ nui noeˬ nui duˇ biꞈ-eu deuˬ hawˇ-eu, aˬ yawꞈ-ahˇ loꞈ piˇ-eu deuˬ-ahˇ tiˬ gʼaˬ tiˬ paw ngaˇ teh byaˆ nehˬ jiˇ-awˇ, aˬ cawˬ aˬ yawꞈ maꞈ-ahˇ sehꞈ-eu lehˇ poˆ tehꞈ-a.

Yeˬlaˬmiˇ 19:9

Muiˇ-eu deuˬ meuˬ-ahˇ loꞈ jawˬ-awˇ, aˬ yawꞈ maꞈ-ahˇ sehꞈ-eu lehˇ leh jeh tehꞈ-a. Aˬ yawꞈ maꞈ-ahˇ loꞈ jawˬ taˬ-euˬ kʼoeˇ aˇ naˆ ni guˆ laˇ paˬ-ehˇ gʼeh-eu nga lehˇ ehˇ ngeh, meuˬ laꞈ kʼoeˇ jawˇ-eu deuˬ tiˬ gʼaˬ-euˬ shaˬ jiˇ tiˬ gʼaˬ dzaˬ gaˇ keuˆ-awˇ, yawˬ ha-euˬ zaˬ-euˬ shaˬ jiˇ ya dzaˬ gaˇ keuˆ tehꞈ-a.”

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Uˬ duˬ 26:29

Naw maꞈ mehꞈ-eu shuꞈ-eu jeˬ naꞈ dui dui-eu miˇ neh, yawˬ ha-euˬ zaˬ yawˬ ha ya sehꞈ dzaˬ gaˇ keuˆ tehꞈ-a.

Yeˬsaˬgeˬlaˇ 36:19

Aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ-eu baˬ da neh, aˬ yawꞈ maꞈ-ahˇ ngaˇ maˬ haw nahˇ-ehˇ, aˬ cawˬ miˇ kʼahˬ doe ni teh byaˆ nehˬ-euˬ ma.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Jaceuq 44:11

Yawˇzaˬdiˬsehꞈdzaˬ-eu loꞈ-ehˇ, ngaˬmaꞈ-ahˇbi sehꞈdzeh laꞈ-awˇ, aˬcawˬtsawˇjeuˬmiˇkʼahˬdoe ni, teh byaˆ-awˇbi shaˬlaꞈ-euˬmeh.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Yeˬsaˬgeˬlaˇ 22:15

Nawˬ-euˬ tsawˇ haˬ deuˬ-ahˇ miˇ kʼahˬ yawˬ kʼahˬ na luꞈ doe ni, aˬ cawˬ tsawˇ jeuˬ kʼaˇ jawˇ gaˇ ngaˇ teh byaˆ nehˬ-awˇ, nawˬ neh mˇ-euˬ yaw haiˬ jeˬ aˇ saˬ bi saˬ ma.

Yeˬsaˬgeˬlaˇ 6:8

“Tsawˇ haˬ tiˬ paˆ na deuˬ-ahˇ, maˬ bi sehꞈ ni bi dzeuˇ-iˇ-awˇ, aˬ cawˬ miˇ kʼahˬ laꞈ kʼoeˇ bi jawˇ byaˆ jiˇ ma.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Ngoeˇ dawˬ 4:10

Ngaˬ-euˬ tsawˇ haˬ shaˬ zahˬ naꞈ-eu, ngaˬ-ahˇ uˇ gawˇ dui dui laˇ nya. Aˬ ma deuˬ yawˬ ha-euˬ zaˬ-ahˇ, puꞈ jaꞈ-awˇ dzaˬ gaˇ keuˆ ni meh.

Ngoeˇ dawˬ 2:20

Sahˬpaˬ Miˬyehˇ-oˇ haw leꞈ sheˇ. Nawˬ neh kʼehˬ-euˬ tsawˇ haˬ deuˬ-ahˇ, haw gʼeh leꞈ-awˇ shaˇ noeˬ haw sheˇ. Yawˬ ha gaˬ-eu zaˬ-euˬ shaˬ jiˇ, aˬ ma deuˬ dzaˬ kʼmˬ tehꞈ-a loˇ. Piˇ ma hawˇ-eu bawˇ lawˇ peh deuˬ, Sahˬpaˬ Miˬyehˇ-euˬ nymˇ laꞈ kʼoeˇ, bi sehꞈ ahˇ taˬ-euˬ tsaˬ meh loˇ.

Yeˬlaˬmiˇ 9:16

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Yeˬsaˬgeˬlaˇ 20:23

Kʼoeˇ miˇ neh, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ ngaˇ heu loꞈ-ehˇ saˇ jaˇ paˇ dzaˬ-euˬ ma. Aˬ yawꞈ maꞈ-ahˇ miˇ kʼahˬ doe ni teh byaˆ nehˬ ma lehˇ ngaˇ ehˇ tsehˆ nehˬ-euˬ ma.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 44:12

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni dzeˇ yaꞈ-euˬ, Iˇjiˇtuˆ miˇ kʼahˬ-ahˇ jawˇ-iˇ ma lehˇ noeˬ tsehˆ taˬ-euˬ Yuˇdaˆ tsawˇ haˬ kʼoeˇ deuˬ dawˬ tawˆ luꞈ, ya luˬ ya seˇ-iˇ jiˇ tehꞈ-a. Aˬ yawꞈ maꞈ huiˬ zaˬ nyiˇ zaˬ dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ, guiˇ deuˆ-eu baˬ da neh maˬ ngeuˇ naˇ, mehꞈ-eu shuꞈ-eu baˬ da neh ya shiˇ jiˇ tehꞈ-a. Aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu jeˬ keuˆ le tehꞈ-a. Aˬ cawˬ tsawˇ jeuˬ aˬ yawꞈ maꞈ-ahˇ ja bu ja doeˇ-awˇ, aˬ yawꞈ maꞈ-euˬ tsawˇ myahˇ-ahˇ gʼoe gʼoe-ehˇ yaˬ kʼehˇ yaˬ tehꞈ-a.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 9:20

Dzaˇ kʼaˇ jaˆ-eu ceh dzaˬ jiˇ-awˇ, kʼaˇ dzaˬ nya-eu jeˬ poˆ dzaˬ jiˇ kʼawꞈ, uˬ maˆ maˬ dehˆ laˇ-eu miˇ neh, yawˬ ha baw-euˬ zaˬ-ahˇ sehꞈ-awˇ, shaˬ jiˇ ya dzaˬ gaˇ keuˆ tehꞈ-a.

Neˬhaˬmiˇ 1:8

Moˇseˬ-ahˇ nawˬ neh ehˇ taˬ yaꞈ-euˬ dawˬ kʼoeˇ dawˬ-ahˇ noeˬ keuˆ nehˬ laꞈ-awˬ. Nawˇ aˬ yawꞈ-ahˇ heu loꞈ-ehˇ ehˇ taˬ yaꞈ-euˬ meh. Naw maꞈ Iˇsaˬleˬlaˆ tsawˇ haˬ deuˬ ngaˬ-ahˇ saˇ jaˇ maˬ ziꞈ naˇ, aˬ cawˬ tsawˇ jeuˬ yaw kaˬ-ahˇ naw maꞈ-ahˇ bi jawˇ byoˆ jiˇ ma.

2 Sahˬpaˬ 6:29

Kʼoeˇ miˇ neh ngaˬ-euˬ aˬ li puꞈ-awˇ dzaˬ-euˬ ma. Ehˇ kʼawꞈ, aˬ yawꞈ-euˬ aˬ li ya puꞈ dzaˬ-eu aˇ nah keuˆ laˇ ngeh, maˬ puꞈ dzaˬ ni ciˬ yaꞈ taˬ-euˬ meh.”

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Yeˬlaˬmiˇ 13:14

Kʼoeˇ naˇ, ciˬ cuˇ tiˬ siˬ tiˇ siˬ biˬ paˆ-eu loꞈ-ehˇ, zaˬ huiˬ zaˬ nyiˇ maˬ tsehˇ ni aˬ yawꞈ maꞈ-ahˇ ngaˇ jahˇ nehˬ ma. Aˬ yawꞈ maꞈ-ahˇ ngaˇ sehꞈ ngeh, gʼawˬ shaˬ gaˬ-eu jeˬ neh laˆ tsoeˬ le kʼawꞈ, maˬ laˆ tsoeˬ nya-aˇ.”

Yeˬlaˬmiˇ 49:32

Aˬ yawꞈ maꞈ-euˬ law taw deuˬ hawˇ-eu mawˇ neˇ dawˬ tawˆ luꞈ teh geuꞈ jiˇ-awˬ. Uˬ duˬ tsehˇ kahˇ yaw nymˇ nymˇ-ehˇ tehˬ-eu tsawˇ haˬ kʼoeˇ deuˬ-ahˇ ngaˇ teh byaˆ-awˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ tiˬ jawˬ bi keuˆ le ma.

Yeˬlaˬmiˇ 49:36

Yawˬ paw yawˬ coeˇ na luꞈ neh Eˇlamˬ miˇ kʼahˬ laꞈ kʼoeˇ jaˬ lehˇ bi baw ahˇ leꞈ-awˇ, Eˇlamˬ miˇ kʼahˬ zaˬ deuˬ maˬ cehˆ jawˇ-iˇ-euˬ miˇ kʼahˬ maˬ jaˆ ni bi pyeuꞈ-iˇ ma.

Ngoeˇ dawˬ 4:3

Haiˬ-eu kʼaˬ yehˇ tiˬ mawˇ keuˆ ni, zaˬ-ahˇ aˬ coeˇ bi dawˇ huiˬ meh. Ehˇ kʼawꞈ ngaˬ-euˬ tsawˇ haˬ deuˬ-aˬ, law taw aˇ jiˇ jiˇ ma loꞈ-ehˇ, zaˬ-ahˇ kʼehˬ nehˬ kʼaˆ nehˬ-eu meh.

Yeˬsaˬgeˬlaˇ 17:21

Nya dui kʼaˬ dui dui-eu aˬ yawꞈ-euˬ yehˇ deuˬ guiˇ deuˆ gaˇ bi sehꞈ jiˇ-awˇ, maˬ bi sehꞈ ni dzeuˇ-iˇ-euˬ yehˇ deuˬ tiˬ paw tiˬ gʼaˬ-ehˇ cehˆ byaˆ jiˇ tehꞈ-a. Kʼoeˇ ngeh jawˇ, Sahˬpaˬ Miˬyehˇ pyeuꞈ-eu ngaˬ neh ngehˬ-euˬ dawˬ naw maꞈ-ahˇ siˬ duˬ laˇ tehꞈ-a.”

Ngoeˇ dawˬ 4:16

Sahˬpaˬ Miˬyehˇ aˬ yawꞈ maꞈ-ahˇ, myaˆ haw maˬ cawˬ nahˇ-eu miˇ neh, miˇ kʼahˬ-ahˇ teh byaˆ nehˬ-euˬ meh. Piˇ ma deuˬ-ahˇ maˬ taˬ huiˬ-a. Aˬ yuiꞈ deuˬ-ahˇ maˬ taˬ mahˇ-a.

Yeˬsaˬgeˬlaˇ 12:15

“Aˬ cawˬ miˇ kʼahˬ-ahˇ aˬ cawˬ tsawˇ jeuˬ yaw kaˬ-ahˇ, aˬ yawꞈ maꞈ-ahˇ ngaˇ teh byaˆ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.

Daˬyeˬlaˇ 9:7

Sahˬpaˬ Miˬyehˇ-oˇ, nawˇ-aˬ, aˬ myah luꞈ yaw tsaˬ yaw dawˇ jeˬ tehꞈ-ehˇ mˇ-eu meh. Ehˇ kʼawꞈ, nga maꞈ-aˬ, yawˬ ha-euˬ myaˆ pyawˬ naˇ mehˇ cawˆ-eu jeˬ tehꞈ-ehˇ mˇ-euˬ ma. Yuˇdaˆ miˇ kʼahˬ-ahˇ jawˇ-eu deuˬ maˬ ehˇ, Yeˬluˇsaˬlehˬ meuˬ-ahˇ jawˇ-eu deuˬ maˬ ehˇ, dawˬ peh gaˇ mahˇ jaˆ-eu miˇ kʼahˬ deuˬ-ahˇ nawˬ neh teh byaˆ-awˇ bi jawˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, nawˬ-ahˇ saˇ jaˇ maˬ ziꞈ-eu miˇ neh, aˬ yawꞈ maꞈ kʼoeˇ taˆ shaꞈ dawˇ-eu jeˬ keuˆ le taˬ-euˬ meh.