Yeˬsaˬgeˬlaˇ 48:11 - Akha

¹¹ Miˇ tsaˬ heu tsahˇ-aˬ, Zaˬdoˆ-euˬ zaˬ deuˬ uˆ deuˬ pyeuꞈ-eu piˇ ma deuˬ gʼaˇ duˬ meh. Iˇsaˬleˬlaˆ tsawˇ jeuˬ gaˇ ma cah bahˬ ngeh, Leˬbiˇ tsawˇ jeuˬ pyeuꞈ-eu piˇ ma nui deuˬ loꞈ-ehˇ aˬ yawꞈ maꞈ gaˇ ma maˬ bahˬ ni saˇ jaˇ ziꞈ-euˬ meh.

Yeˬsaˬgeˬlaˇ 48:11 Referans Kwoze

Yeˬsaˬgeˬlaˇ 44:10

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. Iˇsaˬleˬlaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ, ngaˬ-ahˇ byehˇ-awˇ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ Leˬbiˇ tsawˇ haˬ kʼoeˇ deuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 40:46

Laꞈ taˆ paw pyawˬ-ahˇ mehˬ shi pyawˇ-ehˇ jaˆ-eu lawˆ-aˬ, lawˇ duˬ-ahˇ gaˇ mˇ-eu piˇ ma deuˬ gʼaˇ duˬ meh lehˇ, aˬ yawꞈ ehˇ-eu meh. Piˇ ma dawˬ tawˆ luꞈ Zaˬdoˆ-euˬ zaˬ deuˬ uˆ deuˬ pyeuꞈ-awˇ, Leˬbiˇ tsawˇ jeuˬ laꞈ kʼoeˇ, Sahˬpaˬ Miˬyehˇ dawˬ peh le-awˇ, gaˇ mˇ leˇ kʼmˬ-eu, aˬ yawꞈ pehˬ aˇ jeuˬ tiˬ jeuˬ jawˇ-eu tehꞈ meh lehˇ, tsawˇ haˬ kʼoeˇ gʼaˬ ngaˬ-ahˇ ehˇ-eu meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

Yeˬsaˬgeˬlaˇ 43:19

Ngaˬ-euˬ gaˇ mˇ-eu gʼaˇ duˬ ngaˇ jawˇ gaˇ uˇ laˇ kʼmˬ-euˬ tsawˇ haˬ deuˬ-aˬ, Leˬbiˇ tsawˇ jeuˬ Zaˬdoˆ-euˬ zaˬ deuˬ uˆ deuˬ tehꞈ meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ dawˬ biꞈ-eu ma. Iˬ baˇ shawˇ-eu lawˇ-eu jeˬ bi lawˇ-eu gʼaˇ duˬ, mawˇ neˇ mawˇ gaw zaˬ tiˬ mawˇ aˬ yawꞈ maꞈ-ahˇ nawˇ ya biꞈ meh.

Uˬ duˬ 8:35

Uˬ ciꞈ nah gʼahˇ maˬ ehˇ, Sahˬpaˬ Miˬyehˇ neh ehˇ taˬ-euˬ gaˇ deuˬ ahˇ mˇ mˇ-ehˇ, shiꞈ nah keuˆ ni sehˬ gʼawˆ gʼoˆ kʼehˬ-ahˇ naw maꞈ ya jawˇ meh. Kʼoeˇ loꞈ-ehˇ maˬ mˇ naˇ, naw maꞈ ya shiˇ tehꞈ-a. Sahˬpaˬ Miˬyehˇ neh heu loꞈ-ehˇ dawˬ biꞈ taˬ-euˬ meh.”

Yeˬsaˬgeˬlaˇ 14:11

Iˇsaˬleˬlaˆ tsawˇ haˬ deuˬ ngaˬ-ahˇ maˬ bi byehˇ dzeh-eu gʼaˇ duˬ maˬ ehˇ, aˬ yawꞈ maꞈ iˬ baˇ mˇ-eu laꞈ kʼoeˇ yawˬ haˇ yawˬ ha maˬ bi laˆ jawꞈ-eu gʼaˇ duˬ maˬ ehˇ, ngaˇ kʼoeˇ loꞈ-ehˇ jahˇ mehˬ nehˬ ma. Aˬ yawꞈ maꞈ ngaˬ-euˬ tsawˇ haˬ ya bi pyeuꞈ-awˇ ngaˇ aˬ yawꞈ maꞈ-euˬ Miˬyehˇ pyeuꞈ-eu meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 44:12

Ehˇ kʼawꞈ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ sheuˬ gʼeh nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ iˬ baˇ mˇ ni sheuˬ bahˬ-euˬ miˇ neh, aˬ yawꞈ maꞈ-ahˇ kʼehˬ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.

Yeˬsaˬgeˬlaˇ 45:4

Miˇ tsaˬ pehˇ tsahˇ kʼoeˇ tsahˇ-aˬ, miˇ kʼahˬ heu kʼahˬ laꞈ kʼoeˇ muiˬ-eu shawˇ-eu pehˇ tsahˇ pyeuꞈ-awˇ, Uˬ duˬ tahˬ nymˇ nymˇ ma laꞈ kʼoeˇ Sahˬpaˬ Miˬyehˇ-euˬ gaˇ mˇ-eu piˇ ma deuˬ gʼaˇ duˬ meh. Miˇ tsaˬ kʼoeˇ tsahˇ laꞈ kʼoeˇ, piˇ ma deuˬ-euˬ nymˇ hawˇ-eu Uˬ duˬ tahˬ nymˇ nymˇ ma ya bi jaˆ meh.

Yeˬsaˬgeˬlaˇ 48:12

Kʼoeˇ miˇ neh, Leˬbiˇ tsawˇ jeuˬ-ahˇ oꞈ-eu miˇ tsaˬ dawˬ peh aˬ yawꞈ maꞈ-ahˇ oꞈ-eu miˇ tsaˬ tiˬ tsahˇ ya bi jaˆ meh. Miˇ tsaˬ kʼoeˇ tsahˇ-aˬ, aˬ cawˬ naˆ maˬ tseˇ muiˬ-eu shawˇ-eu miˇ tsaˬ pehˇ tsahˇ meh.