Yeˬsaˬgeˬlaˇ 47:16 - Akha

¹⁶ Daˬmaˬsehˇ meuˬ hawˇ-eu Haˬmaˆ meuˬ yaw kaˬ-ahˇ jaˆ-eu Beˬloˇdaˬ meuˬ hawˇ-eu Siˇbaˬleˬ meuˬ-euˬ nyiˬ tsehˆ-ehˇ, Hawˇlahˬ miˇ kʼahˬ-euˬ miˇ kaˬ dawˬ peh jaˆ-eu Haˬzeuˬhaˬtiˇkawˇ meuˬ-ahˇ keuˆ ni meh.

Yeˬsaˬgeˬlaˇ 47:16 Referans Kwoze

Yeˬsaˬgeˬlaˇ 48:1

Heu-aˬ, Iˇsaˬleˬlaˆ tsawˇ jeuˬ deuˬ-euˬ tsawˇ myahˇ meh. Laꞈ taˆ paw pyawˬ-ahˇ, Daˬ tsawˇ jeuˬ gʼaˇ duˬ miˇ tsaˬ tiˬ tsahˇ oꞈ-eu meh. Gʼahˇ ceh-euˬ iˬ ma laˆ shaˆ-ahˇ neh nahˇ ma doˆ kʼehˬ paw dzeˇ-ehˇ, Heˬdaˬloˬ meuˬ, Haˬmaˆ gʼaˬ lahˇ heu deuˬ nyiˬ tsehˆ-ehˇ, Daˬmaˬsehˇ meuˬ hawˇ-eu Haˬmaˆ meuˬ yaw kaˬ-ahˇ jaˆ-eu Haˬzaˇeˇnoˬ meuˬ-ahˇ keuˆ ni meh.

2 Saˬmeuˬlaˆ 8:8

Kʼoeˇ uˬ taꞈ, Haˬdaˬdeˬzaˬ uˆ lahˇ-eu Beˬtah meuˬ hawˇ-eu Beˬlawˇdehˇ meuˬ-ahˇ jaˆ-eu guiˬ shuiˇ gʼawˬ mya ni, aˬ yawꞈ yuˇ geuꞈ gʼeh-euˬ meh.

Bawˇtsahˬ 13:21

Kʼoeˇ naˇ, tsawˇ haˬ kʼoeˇ deuˬ laꞈ taˆ paw le gʼeh leꞈ-awˇ, laꞈ oˆ paw dzeˇ dzaˬ-ahˇ jaˆ-eu Ziˇnaˆ lehˇ kuˇ-eu bawˇ tsahˬ bawˇ dahˇ-ahˇ neh, laˬ taˆ paw jaˆ-eu Haˬmaˬ meuˬ-ahˇ le-eu gaˇ ma dawˬ peh jaˆ-eu Leˬhawˇbaˆ meuˬ-ahˇ keuˆ ni, miˇ kʼahˬ kʼoeˇ-ahˇ pyehˆ tseˇ haw leˇ-euˬ meh.

Zaˬkaˬliˇ 9:2

Haˬdaˬlaˆ-ahˇ miˇ kʼahˬ taꞈ-eu, Haˬmaˆ meuˬ kʼoeˇ meuˬ ahˇ leˇ-ehˇ, zaˬ siˬ tsawˇ gahˇ ahˇ dui dui-eu, Duˇlu hawˇ-eu Siˇdoˬ meuˬ kʼawꞈ, Sahˬpaˬ Miˬyehˇ-ahˇ taꞈ-eu meh.

Aˇ dahˬ 14:15

Kʼoeˇ gaˇ iˇ keuˆ ngeh, aˬ yawꞈ-euˬ tsawˇ haˬ deuˬ-ahˇ aˇ muˇ biˇ paˆ-awˇ, sahˬ paˬ kʼoeˇ deuˬ-ahˇ uˬ ciꞈ paw deuˆ-awˇ deuˆ gʼaˬ-euˬ meh. Daˬmaˬsehˇ meuˬ laꞈ taˆ paw pyawˬ-ahˇ jaˆ-eu Hawˇbaˬ meuˬ-ahˇ keuˆ ni, sahˬ paˬ kʼoeˇ deuˬ-euˬ mehˬ nah aˬ yawꞈ teh-euˬ meh.

Gʼaˬkʼehˇ 9:2

Daˬmaˬsehˇ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ deuˬ-ahˇ sahˬ boꞈ bi boꞈ nehˬ-eu gʼaˇ duˬ shaˇ leˇ-euˬ meh. Sahˬpaˬ Yeˬsuˇ-euˬ Gaˇma -ahˇ cah-eu deuˬ-ahˇ kʼoeˇ gaˇ ya mawˇ lawˬ naˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, Yeˬluˇsaˬlehˬ meuˬ-ahˇ nyehꞈ ka leꞈ nya ni sahˬ boꞈ bi boꞈ nehˬ-eu lehˇ shaˇ leˇ-euˬ meh.

Aˬmoˆ 6:14

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ aˬ yawꞈ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-oˇ, naw maꞈ miˇ kʼahˬ-ahˇ bi deuˆ gʼaˬ-eu gʼaˇ duˬ aˬ cawˬ miˇ kʼahˬ-euˬ guiˇ maꞈ tiˬ maꞈ ngaˇ pyehˬ gʼeh leꞈ ma. Laꞈ taˆ paw Haˬmaˆ gʼaˬ lahˇ-ahˇ neh laꞈ oˆ paw Aˬlaˬbahˬ deh kʼawꞈ-ahˇ doˆ ni, guiˇ maꞈ kʼoeˇ maꞈ naw maꞈ kʼoeˇ taˆ uˆ lahˇ tehꞈ-a.”

Yeˬsaˬgeˬlaˇ 47:17

Laꞈ taˆ paw pyawˬ miˇ kaˬ-aˬ, Gʼahˇ ceh-euˬ iˬ ma laˆ shaˆ-ahˇ neh nahˇ ma doˆ kʼehˬ paw dzeˇ-ehˇ, Daˬmaˬsehˇ meuˬ-euˬ laꞈ taˆ paw miˇ kaˬ-ahˇ jaˆ-eu Haˬzaˇeˇnoˬ meuˬ nyiˬ tsehˆ-ehˇ, kʼoeˇ-euˬ laꞈ taˆ paw paˇ jaˆ-eu Haˬmaˆ meuˬ-ahˇ keuˆ ni meh.

1 Laˬsaˬbaˬ 18:5

Sahˬ paˬ Haˬdaˬdeˬzaˬ-ahˇ bi caw ba le-eu lehˇ, Daˬmaˬsehˇ meuˬ-ahˇ jawˇ-eu Suˇliˆ tsawˇ haˬ deuˬ neh pyehˬ gʼeh leꞈ-euˬ guiˇ maꞈ deuˬ-ahˇ Daˬbiˇ deuˆ ceh ceh-awˇ, nyiˬ muiˇ nyiˬ heˇ gʼaˬ deuˆ sehꞈ nehˬ-euˬ meh.

1 Sahˬpaˬ 8:65

Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma-ahˇ shiꞈ nah keuˆ ni Sehˬ gʼawˆ-euˬ Bawˬ-iˬ gʼeh-euˬ meh. Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ keuˆ ni jawˇ-eu tsawˇ haˬ deuˬ hawˇ-eu, laꞈ oˆ paw Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni jawˇ-eu tsawˇ haˬ deuˬ uiˬ leˇ-awˇ, tsawˇ haˬ aˇ maꞈ myaˬ dui dui-euˬ meh.

Bawˇtsahˬ 34:8

Kʼoeˇ gaˇ neh naˇ, Haˬmaˆ gʼaˬ lahˇ-ahˇ neh Zeˬdaˇ hawˇ-eu

Iˇsaˬyaˇ 10:9

Kaˬsheˬmiˇ meuˬ-ahˇ deuˆ gʼaˬ nehˬ-euˬ loꞈ-ehˇ, Kaˬlaˬnoˬ meuˬ-ahˇ deuˆ gʼaˬ nehˬ-euˬ maˬ ngeuˇ-a loˇ. Haˬmaˆ meuˬ hawˇ-eu Aˬpaˆ meuˬ-ahˇ, tiˬ gaˇ duˇ ni jahˇ nehˬ-awˇ, Saˬmaˬliˆ meuˬ hawˇ-eu Daˬmaˬsehˇ meuˬ-ahˇ, aˬ yawꞈ tiˬ jeˬ bi keuˆ le-euˬ maˬ ngeuˇ-a loˇ.

Yeˬsaˬgeˬlaˇ 27:18

Nawˇ myawˬ gahˬ gʼawˬ mya jeˬ jahˇ doˆ-awˇ, maˬ ehˇ jiˇ coeˇ ni myawˬ gahˬ jaˆ myaˬ-eu miˇ neh, Daˬmaˬsehˇ meuˬ-ahˇ jawˇ-eu tsawˇ haˬ deuˬ nawˬ nehˬ-ehˇ gaꞈ taꞈ ka taꞈ-awˇ, Heˬlaˬboˬ meuˬ-ahˇ doˆ-eu aˬ gaꞈ dzaˇ uiˇ hawˇ-eu, Saˬhaˬlaˆ meuˬ-ahˇ doˆ-eu yawˇ caꞈ hm hehˇ ahˇ leꞈ-eu meh.

Yeˬsaˬgeˬlaˇ 47:18

“Nahˇ ma doˆ kʼehˬ paw pyawˬ miˇ kaˬ-aˬ, Hawˇlahˬ meuˬ hawˇ-eu Daˬmaˬsehˇ meuˬ yaw kaˬ-ahˇ jaˆ-eu Haˬzaˇeˇnoˬ meuˬ-ahˇ neh, laꞈ oˆ paw pyawˬ-ehˇ Giˇlaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ yaw kaˬ-ahˇ yoeˇ ka-eu Yawˇdaˬ lawˇ baˬ caw caw-ehˇ, Shiˇ-eu iˬ ma laˆ shaˆ dawˬ peh jaˆ-eu Taˬmaˬ meuˬ-ahˇ keuˆ ni meh.

Yeˬsaˬgeˬlaˇ 47:20

“Nahˇ ma ga kʼehˬ paw pyawˬ miˇ kaˬ-aˬ, Gʼahˇ ceh-euˬ iˬ ma laˆ shaˆ pyeuꞈ-awˇ, laꞈ taˆ paw Haˬmaˆ gʼaˬ lahˇ jaˆ gaˇ keuˆ ni meh.