Yeˬsaˬgeˬlaˇ 47:10 - Akha

¹⁰ Eˬgeˬdiˇ lawˇ gawˆ-ahˇ neh Eˬneˬgaˬleˬ lawˇ gawˆ-ahˇ doˆ ni, shiˇ-eu iˬ ma laˆ shaˆ-euˬ lawˇ deh kʼoeˇ tiˬ li, ngaˬ shaˬ poˆ dzaˬ-eu tsawˇ haˬ tiˬ byah ni jawˇ-awˇ, aˬ yawꞈ maꞈ-euˬ za sheu lawꞈ taˬ-awˇ jaˆ tehꞈ-a. Gʼahˇ ceh-euˬ iˬ ma laˆ shaˆ-ahˇ ngaˬ shaˬ aˇ jeuˬ kʼaˇ jawˇ-eu myaˆ ni, kʼoeˇ gaˇ kʼawꞈ jawˇ tehꞈ-a.

Yeˬsaˬgeˬlaˇ 47:10 Referans Kwoze

Maꞈtehˬ 4:19

“Ngaˬ-euˬ mehˬ nah caw teh laˇ-awˬ. Ngaˇ naw nyaꞈ nmˇ-ahˇ tsawˇ haˬ poˆ-eu tsawˇ haˬ bi geuꞈ ma” lehˇ ehˇ nehˬ-euˬ meh.

Jaceuq 104:25

Huiˬ dui jeˇ dui dui-eu iˬ ma laˆ shaˆ jaˆ-awˇ, maˬ gui jiˇ coeˇ-eu boeˬ boeˬ luˆ luˆ huiˬ huiˬ nyiˇ nyiˇ, kʼoeˇ laꞈ kʼoeˇ tiˬ byah ni jawˇ luꞈ meh.

Bawˇtsahˬ 34:6

“Nahˇ ma ga kʼehˬ paw pyawˬ miˇ kaˬ-aˬ, Gʼahˇ ceh-euˬ Iˬ ma laˆ shaˆ meh.

Maˬkuˆ 1:17

Aˬ nyaꞈ nmˇ-ahˇ Yeˬsuˇ ehˇ nehˬ-eu, “Ngaˬ-euˬ mehˬ nah caw teh laˇ-awˬ. Ngaˬ shaˬ poˆ-eu tsawˇ haˬ pyeuꞈ-eu naw nyaꞈ nmˇ-ahˇ, tsawˇ haˬ poˆ-eu tsawˇ haˬ bi geuꞈ ma.”

Yeˬsaˬgeˬlaˇ 48:28

Gaˆ tsawˇ jeuˬ-euˬ miˇ tsaˬ laꞈ oˆ dzaˬ miˇ kaˬ-aˬ, Taˬmaˬ meuˬ-ahˇ neh dahˬ beh-awˇ, Meˬliˇbaˆkaˬdeˬshaˇ lawˇ gawˆ deuˬ jaˆ gaˇ neh, Iˇjiˇtuˆ lawˇ baˬ caw caw-ehˇ, Gʼahˇ ceh-euˬ iˬ ma laˆ shaˆ-ahˇ keuˆ ni meh.

Yeˬsaˬgeˬlaˇ 47:15

“Laꞈ taˆ paw pyawˬ miˇ kaˬ-aˬ, Gʼahˇ ceh-euˬ iˬ ma laˆ shaˆ-ahˇ neh nahˇ ma doˆ kʼehˬ paw Heˬdaˬloˬ meuˬ, Haˬmaˆ gʼaˬ lahˇ, Zeˬdaˇ meu,

2 Laˬsaˬbaˬ 20:2

Dawˬ tsaꞈ tsaꞈ le-euˬ tsawˇ haˬ deuˬ Yeˬhawˇshaˬpaˇ jawˇ gaˇ oe-awˇ, “Eˬdoˬ miˇ kʼahˬ-ahˇ neh laˇ-euˬ myaˬ dui dui-eu guiˇ maꞈ tiˬ maꞈ nawˬ-ahˇ guiˇ deuˆ-eu lehˇ, Shiˇ-eu iˬ ma laˆ shaˆ nui baˬ paw oe luꞈ meh. Haˬzaˬzoˇtaˬmaˬ meuˬ-ahˇ aˬ yawꞈ maꞈ deuˆ gʼaˬ-euˬ meh” lehˇ tsaꞈ le-euˬ meh. (Haˬzaˬzoˇtaˬmaˬ meuˬ-ahˇ Eˬgeˬdiˇ meuˬ lehˇ kʼawꞈ kuˇ-eu meh.)

Yeˬsaˬgeˬlaˇ 26:5

Meuˬ kʼoeˇ iˬ ma laˆ shaˆ laꞈ kʼoeˇ jaˆ gaˇ, ngaˬ shaˬ poˆ-eu tsawˇ haˬ deuˬ ngaˬ myahˬ sheu lawꞈ duˬ pyeuꞈ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Miˇ kʼahˬ tsawˇ jeuˬ Duˇlu meuˬ-ahˇ myawˬ gahˬ ceh geuꞈ le tehꞈ-a.

Iˇsaˬyaˇ 49:20

Aˬ cawˬ miˇ kʼahˬ-ahˇ dehꞈ le-euˬ nawˬ-euˬ zaˬ deuˬ, ‘Miˇ kʼahˬ heu-ahˇ jawˇ kʼaˇ maˬ deˇ-eu miˇ neh. jawˇ duˬ laˆ lahˬ nehˬ laꞈ’ lehˇ tiˬ nah ehˇ tehꞈ-a.

Iˇsaˬyaˇ 49:12

Gaˇ mahˇ kaˬ gaˇ jawˇ-eu ngaˬ-euˬ tsawˇ haˬ deuˬ oe tehꞈ-a. Laꞈ taˆ paw pyawˬ hawˇ-eu nahˇ ma ga kʼehˬ paw neh maˬ ehˇ, laꞈ oˆ paw Aˬsaˬgʼawˬ meuˬ-ahˇ neh maˬ ehˇ, aˬ yawꞈ maꞈ gʼoꞈ laˇ tehꞈ-a.”

1 Saˬmeuˬlaˆ 23:29

Jawˇ duˬ kʼoeˇ tsahˇ-ahˇ neh Daˬbiˇ iˇ doˆ gʼeh-awˇ, Eˬgeˬdiˇ gahˬ kaˬ paw iˇ-awˇ jawˇ zaꞈ-euˬ meh.

Yawˇshuˆ 23:4

Nahˇ ma doˆ kʼehˬ paw Yawˇ daˬ lawˇ baˬ-ahˇ neh, nahˇ ma ga kʼehˬ paw Gʼahˇ ceh-eu iˬ ma laˆ shaˆ-ahˇ keuˆ ni jaˆ luꞈ-eu ngaˬ neh deuˆ gʼaˬ-euˬ tsawˇ jeuˬ deuˬ-euˬ miˇ kʼahˬ maˬ ehˇ, maˬ deuˆ gʼaˬ dah-euˬ tsawˇ jeuˬ deuˬ-euˬ miˇ kʼahˬ maˬ ehˇ, Iˇsaˬleˬlaˆ tsawˇ jeuˬ pyeuꞈ-eu naw maꞈ-ahˇ ngaˇ biꞈ gʼaˬ-euˬ ma.

Yawˇshuˆ 15:62

Niˇbaˬshaˬ meuˬ, Saˬdeuꞈ-euˬ meuˬ, Eˬgeˬdiˇ meuˬ, heu koꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

1 Saˬmeuˬlaˆ 24:1

Sawˇluˆ Piˇliˇtiˆ tsawˇ haˬ deuˬ-ahˇ guiˇ deuˆ-iˇ-euˬ gʼoꞈ laˇ ngeh, Eˬgeˬdiˇ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ Daˬbiˇ jawˇ luꞈ-eu gaˇ kawˆ, aˬ cawˬ aˬ yawꞈ-ahˇ ehˇ nehˬ-euˬ meh.

Iˇsaˬyaˇ 19:8

Niˬlaˇ lawˇ baˬ-ahˇ ngaˬ shaˬ nyehꞈ-awˇ dehꞈ-eu deuˬ, ngaˬ myahˬ kʼmˇ-eu deuˬ hawˇ-eu ngaˬ juiꞈ juiꞈ-eu deuˬ maˬ ehˇ, yawˬ gʼaˬ na luꞈ ya ngoeˇ gaˇ keuˆ tehꞈ-a.

Yeˬsaˬgeˬlaˇ 26:14

Ngaˬ shaˬ poˆ-eu deuˬ, ngaˬ myahˬ sheu lawꞈ nya ni, kʼaˬ lo tiˬ siˬ tehꞈ-ehˇ buˇ law ni bi dzeˇ yaꞈ ma. Meuˬ heu tiˬ jawˇ-iˬ maˬ paˇ ya tsoˆ geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 47:19

“Laꞈ oˆ paw pyawˬ miˇ kaˬ-aˬ, Taˬmaˬ meuˬ-ahˇ neh dahˬ beh-awˇ, Meˬliˇbaˆ Kaˬdeˬshaˇ lawˇ gawˆ deuˬ jaˆ gaˇ neh, Iˇjiˇtuˆ lawˇ baˬ caw caw-ehˇ Gʼahˇ ceh-euˬ iˬ ma laˆ shaˆ-ahˇ keuˆ ni meh.