Yeˬsaˬgeˬlaˇ 47:1 - Akha

¹ Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ, tsawˇ haˬ kʼoeˇ gʼaˬ ngaˬ-ahˇ paˇ sheuˬ kʼoꞈ gʼeh-euˬ meh. Gʼoˆ kʼehˬ-euˬ laꞈ oˆ neh iˇ cuꞈ yoeˇ doˆ le-awˇ, Uˬ duˬ tahˬ nymˇ nymˇ ma mehˬ shiˬ ciˬ pyawˇ taˬ-euˬ nahˇ ma doˆ kʼehˬ paw yoeˇ ka gʼeh-euˬ meh. Uˬ duˬ tahˬ nymˇ nymˇ ma-euˬ laꞈ oˆ pyawˬ-ahˇ, lawˇ duˬ-euˬ laꞈ oˆ paw paˆ-ehˇ yoeˇ ka leꞈ-euˬ meh.

Yeˬsaˬgeˬlaˇ 47:1 Referans Kwoze

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Zaˬkaˬliˇ 14:8

Aˇ nah kʼoeˇ nah keuˆ le ngeh jawˇ, Yeˬluˇsaˬlehˬ meuˬ-ahˇ neh, dehꞈ-eu iˇ cuꞈ yoeˇ doˆ le-awˇ, nahˇ ma doˆ kʼehˬ paw pyawˬ-ahˇ jaˆ-eu iˬ ma laˆ shaˆ-ahˇ tiˬ paˆ yoeˇ ahˇ tehꞈ-a. Iˇ cuꞈ kʼoeˇ, tsahˬ gaˆ jawˇ la maˬ baw ni, aˬ myah luꞈ yoeˇ tehꞈ-a.

Yawˇlaˆ 3:18

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Jaceuq 46:4

Miˬyehˇ-euˬ meuˬ hawˇ-eu Huiˬ dui mahˇ dui dui-eu Gʼaˬ-euˬ nymˇ-ahˇ, laˬ kʼaˬ cehˇ nui saˇ za-eu jeˬ hehˇ ahˇ leꞈ-eu lawˇ gawˆ tiˬ gawˆ yoeˇ-eu meh.

Yeˬsaˬgeˬlaˇ 47:12

Lawˇ baˬ kʼoeˇ gawˆ-euˬ lawˇ deh nyiˬ paw luꞈ, aˇ siˬ dzaˬ nya-eu aˇ bawˇ gʼawˬ mya jeˬ dehꞈ tehꞈ-a. Aˇ bawˇ kʼoeˇ deuˬ aˇ paꞈ tiˬ jawˇ-iˬ maˬ nyoeˬ-iˇ-ehˇ, aˇ siˬ maˬ tsehˆ leˇ ni siˬ tehꞈ-a. Aˇ bawˇ kʼoeˇ deuˬ Uˬ duˬ tahˬ nymˇ nymˇ ma-ahˇ neh yoeˇ doˆ le-euˬ lawˇ baˬ kʼoeˇ gawˆ-euˬ iˇ cuꞈ za luꞈ-eu baˬ da neh, ba la yawˬ siˬ na luꞈ aˇ siˬ yaw shuiꞈ siˬ le tehꞈ-a. Aˬ yawꞈ maꞈ-euˬ aˇ siˬ deuˬ dzaˇ pyeuꞈ-awˇ, aˇ paꞈ deuˬ jaˆ gʼaˬ pyeuꞈ tehꞈ-a.”

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Yeˬsaˬgeˬlaˇ 41:2

Yaw jeˇ paw nyiˬ lmˇ nui paˆ byah-awˇ, nyiˬ paw dzeˇ pyawˬ luꞈ jaˆ-eu kaˇ pyawˇ tiˬ lmˇ uˬ taꞈ tiˬ caˆ byah-eu meh. Aˇ lawˆ kʼoeˇ lawˆ-ahˇ aˬ yawꞈ dza haw ngeh, yaw mahˇ paw tseˇ lmˇ byah-awˇ, yaw jeˇ paw ngaˬ lmˇ byah-eu meh.

Iˇsaˬyaˇ 30:25

Muiˇ-eu deuˬ-euˬ ziꞈ dah ni gʼeh-eu taˆ deuˬ-ahˇ naw maꞈ beuˆ gʼaˬ-awˇ, aˬ yawꞈ maꞈ-ahˇ naw maꞈ sehꞈ ngeh nah, gawˬ jawˬ yawˬ jawˬ na luꞈ hawˇ-eu gawˬ duˇ yawˬ duˇ na luꞈ kʼoeˇ taˆ, iˇ cuꞈ lawˇ gawˆ yoeˇ le tehꞈ-a.

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Yeˬsaˬgeˬlaˇ 46:24

“Heu deuˬ-aˬ, miˇ kʼahˬ zaˬ deuˬ neh kʼaˇ hehˇ laꞈ-euˬ lawˇ-eu shehˇ-eu jeˬ-ahˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ ya caꞈ-eu jawˇ duˬ meh” lehˇ, tsawˇ haˬ kʼoeˇ gʼaˬ ngaˬ-ahˇ ehˇ-eu meh.

Yeˬsaˬgeˬlaˇ 47:2

Kʼoeˇ naˇ, lahˇ kʼehˬ laꞈ taˆ paw kʼehˬ-ahˇ neh, Uˬ duˬ tahˬ nymˇ nymˇ ma-euˬ lahˇ laꞈ nyiˇ, tsawˇ haˬ kʼoeˇ gʼaˬ ngaˬ-ahˇ sheuˬ doˆ gʼeh-awˇ, nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ sheuˬ jawˬ keuˆ laꞈ-euˬ meh. Lahˇ kʼehˬ kʼoeˇ kehˬ-euˬ laꞈ oˆ paw pyawˬ-ahˇ neh, lawˇ gawˆ gawˆ zaˬ tiˬ gawˆ yoeˇ doˆ le-euˬ meh.

Zaˬkaˬliˇ 14:4

Kʼoeˇ ngeh jawˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-eu Saˬloˬ gawˬ jawˬ-ahˇ aˬ yawꞈ yawꞈ tehꞈ-a. Kʼoeˇ naˇ, Saˬloˬ gawˬ jawˬ kʼoeˇ nahˇ ma doˆ kʼehˬ ga kʼehˬ-ehˇ nyiˬ paˆ paˆ-iˇ-awˇ, yaw kaˬ-ahˇ gʼaˬ lawˬ lawˬ ma jaˆ le tehꞈ-a. Gawˬ jawˬ tiˬ paˆ laꞈ taˆ paw pyawˬ-ahˇ jiˆ daˆ leˇ-awˇ, tiˬ paˆ laꞈ oˆ paw pyawˬ-ahˇ jiˆ ka-iˇ tehꞈ-a.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Jaceuq 87:7

“Guiˬ lahˬ yaw dzahˇ dawˬ tawˆ luꞈ, Ziˇoˬ meuˬ-ahˇ neh oe-euˬ meh” lehˇ, aˬ yawꞈ maꞈ gaˇ nyeh nyeh-awˇ caˇ tehꞈ-a.

Yeˬsaˬgeˬlaˇ 40:6

Kʼoeˇ naˇ, nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ aˬ yawꞈ iˇ-euˬ meh. Aˬ yawꞈ dawˬ dzm-ahˇ daˆ leˇ-awˇ, lahˇ kʼehˬ uˬ gʼmˬ-ahˇ jawˇ-awˇ dza haw ngeh, lahˇ kʼehˬ yaw goˇ tiˬ lmˇ nui paˆ byah-eu meh.