Yeˬsaˬgeˬlaˇ 46:2 - Akha

² Dzoeˬ dzaˬ-eu sahˬ paˬ zaˬ yo-aˬ, aˬ yawꞈ neh lawˇ laˇ-euˬ miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ-ahˇ piˇ ma deuˬ lawˇ luꞈ ngeh, laꞈ nyiˇ pu kaˬ-ahˇ neh aˇ lawˆ lawˆ ma kʼoeˇ lawˆ-ahˇ uˇ leˇ-awˇ, laꞈ kʼoeˇ pu kaˬ-ahˇ uˇ leˇ-eu lahˇ kʼehˬ laˇ gʼoˆ bahˬ dawˬ peh ya yawꞈ meh. Lahˇ kʼehˬ kʼoeˇ tsahˇ-ahˇ jawˇ-awˇ uˬ duˬ tahˬ gʼaˬ ngeh, aˬ yawꞈ paˇ ya doˆ le meh. Lahˇ kʼehˬ kʼoeˇ uˬ ciꞈ uˬ taw paw keuˆ ni maˬ piˬ tehˬ-ehˇ ya bi jaˆ meh.

Yeˬsaˬgeˬlaˇ 46:2 Referans Kwoze

Yeˬsaˬgeˬlaˇ 44:3

Ehˇ kʼawꞈ, dzoeˬ dzaˬ oꞈ-eu sahˬ paˬ zaˬ yo gʼaˬ-aˬ, ngaˬ-euˬ mehˬ shiˬ muiˬ-eu shawˇ-eu dzaˬ byawˇ dzaˬ leˇ-eu gʼaˇ duˬ, kʼoeˇ gaˇ le nya meh. Gaˇ ma iˇ dzaˬ saˬ-iˇ-euˬ tsahˇ-ahˇ jaˆ-eu kuˆ lawˆ lawˆ ma kʼoeˇ lawˆ-ahˇ neh aˬ yawꞈ ya uˇ leˇ-awˇ, kʼaˇ uˇ leˇ-euˬ gaˇ neh paˇ ya gʼoꞈ doˆ le meh.”

Yeˬsaˬgeˬlaˇ 46:8

Sahˬpaˬ zaˬ yo kʼoeˇ gʼaˬ, lahˇ kʼehˬ gaˇ ma-ahˇ jaˆ saˬ saˬ-eu aˇ lawˆ lawˆ ma kʼoeˇ tsahˇ-ahˇ neh ya uˇ leˇ-awˇ, aˬ yawꞈ tsahˇ-ahˇ neh paˇ ya gʼoꞈ doˆ le meh.

Gawˇlawˇsehˇ 1:28

Kʼoeˇ miˇ neh, tsawˇ haˬ yawˬ gʼaˬ na luꞈ-ahˇ Ka li gaˇ kawˆ nga maꞈ mehˬ-eu ma. Yawˬ gʼaˬ na luꞈ-ahˇ Ka li laꞈ kʼoeˇ tsawˇ kʼaˆ kʼaˆ laˇ-euˬ tsawˇ haˬ loꞈ-ehˇ Miˬyehˇ mehˬ shi sheuˬ ha nehˬ leˇ nya-eu gʼaˇ duˬ, aˬ yawꞈ maꞈ ya mˇ-eu jeˬ hawˇ-eu ya yahˇ-eu jeˬ-ahˇ kʼaˇ siˬ kʼaˇ nya-eu loꞈ-ehˇ mehˬ-eu ma.

Maꞈtehˬ 26:39

Aˬ yawꞈ ui cuiˆ iˇ jiˆ-awˇ, baˬ ba miˇ tsa tuˆ ni awˆ byaˆ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ dzeuˇ-iˇ nya naˇ, bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ. Nawˬ-euˬ nui noeˬ bi pyeuꞈ-awˬ.”

Yeˬsaˬgeˬlaˇ 46:12

“Dzoeˬ dzaˬ-eu sahˬ paˬ zaˬ yo gʼaˬ, Sahˬpaˬ Miˬyehˇ-ahˇ nui ma keuˆ-awˇ lawˇ nehˬ mawꞈ ngeh, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu maˬ kaˬ, cawˬ cawˬ taꞈ-eu lawˇ-eu jeˬ lawˇ-eu maˬ kaˬ, nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ leˇ-eu lahˇ kʼehˬ kʼoeˇ kʼehˬ ya pah nehˬ meh. Jawˇ nah-ahˇ kʼaˇ lawˇ-eu loꞈ-ehˇ aˬ yawꞈ ya lawˇ-awˇ, aˬ yawꞈ gʼoꞈ doˆ le gʼaˬ ngeh, lahˇ kʼehˬ paˇ ya piˬ tehˬ taˬ-eu meh.

Yeˬsaˬgeˬlaˇ 45:19

Piˇ ma gʼaˬ iˬ baˇ shawˇ-eu lawˇ-eu jeˬ lawˇ gaˇ sehꞈ-euˬ jeˬ zaˬ-euˬ shiˬ yuˇ-awˇ, Uˬ duˬ tahˬ nymˇ nymˇ ma-euˬ laˇ gʼoˆ bahˬ, lawˇ duˬ-euˬ laꞈ coeˇ oeˬ coeˇ hawˇ-eu, laꞈ kʼoeˇ pu kaˬ-ahˇ uˇ leˇ-eu laˇ gʼoˆ bahˬ-ahˇ ya lehꞈ meh.

2 Laˬsaˬbaˬ 34:31

Sahˬpaˬ Miˬyehˇ-euˬ ehˇ dawˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ hawˇ-eu aˬ yawꞈ neh mehˬ nehˬ tsoˆ nehˬ-euˬ dawˬ deuˬ-ahˇ nui ma gʼawˇ mawˇ dawˬ tawˆ luꞈ caw teh-eu gʼaˇ duˬ maˬ ehˇ, sahˬ boꞈ paˇ dmˬ kʼoeˇ dmˬ boꞈ taˬ-euˬ loꞈ-ehˇ, dawˬ ma saˇ jaˇ dzaˬ taˬ-euˬ dawˬ deuˬ-ahˇ maˬ gʼawˬ-iˇ ni dehꞈ-eu jawˇ-eu gʼaˇ duˬ maˬ ehˇ, sahˬ paˬ-euˬ kʼawˇ zeuˇ dawˬ peh aˬ yawꞈ yawꞈ-awˇ saˇ jaˇ dzaˬ-euˬ meh.

2 Laˬsaˬbaˬ 29:29

Kʼoeˇ naˇ, sahˬ paˬ Heˬsaˬgiˇ hawˇ-eu tsawˇ haˬ dawˬ tawˆ luꞈ pawˬ tsuiꞈ pawˬ dmˬ dmˬ-awˇ, Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 23:13

Kʼoeˇ ngeh, Uˬ duˬ tahˬ nymˇ nymˇ ma-euˬ gʼoˆ kʼehˬ dawˬ peh jaˆ-eu sahˬ paˬ deuˬ-euˬ jawˇ duˬ-ahˇ sahˬ paˬ yaw shuiꞈ kʼoeˇ gʼaˬ yawꞈ luꞈ-awˇ, guiˇ maꞈ deuˬ-ahˇ uˆ lahˇ-eu yaw huiˬ yaw mahˇ deuˬ hawˇ-eu daˇ heh baw-eu tsawˇ haˬ deuˬ, sahˬ paˬ-euˬ tiˬ jawˬ jawˇ luꞈ gaˇ Aˬdaˬliˇ ya mawˇ-euˬ meh. Tsawˇ haˬ dawˬ tawˆ luꞈ laˬ kʼaˬ cehˇ taˆ ni guˇ guˇ-ehˇ, daˇ heh baw luꞈ-eu meh. Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu paw gaˇ mˇ luꞈ-eu deuˬ-aˬ, deuˇ mˬ diˬ cehˇ lehˇ ciˆ-awˇ, bawˬ law baw-eu laꞈ kʼoeˇ, sahˬ paˬ ka nehˬ-eu bawˬ-iˬ jahˇ gaˇ sheuˬ gʼeh luꞈ-eu meh. Kʼoeˇ ngeh, Aˬdaˬliˇ nui ma cawˆ dui dui-eu laꞈ kʼoeˇ yawˬ ha-euˬ mehˬ tsoeˬ cehˬ pyaˬ-awˇ, “Ngaˬ-ahˇ puiˬ-euˬ ngaˇ. Ngaˬ-ahˇ puiˬ-euˬ ngaˇ” lehˇ guˇ-eu meh.

2 Laˬsaˬbaˬ 6:13

(Sawˇlaˬmoˬ-aˬ, guiˬ shuiˇ ja ciˬ tiˬ ciˬ jahˇ-awˇ, Uˬ duˬ tahˬ nymˇ nymˇ ma-euˬ kmˇ cehˇ laꞈ kʼoeˇ jaˆ-eu pu kaˬ gʼahˇ ceh bi jaˆ-euˬ meh. Ja ciˬ kʼoeˇ ciˬ ngaˬ caˆ oeˬ bawˬ byah-awˇ, smˬ caˆ goˆ-eu meh. Ja ciˬ kʼoeˇ-euˬ kʼoeˇ taˆ aˬ yawꞈ daˆ leˇ-awˇ, yawˬ gʼaˬ na luꞈ haw mawˇ gaˇ pawˬ tsuiꞈ pawˬ dmˬ dmˬ-awˇ, mˬ paw aˬ laꞈ baꞈ diˇ-euˬ meh.)

1 Laˬsaˬbaˬ 17:16

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ Daˬbiˇ uˇ leˇ-awˇ nuiˇ-awˇ, heu loꞈ-ehˇ guiˬ lahˬ shaˇ-euˬ meh. “Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ maˬ ehˇ, ngaˬ-euˬ nymˇ jiˇ maˬ ehˇ, nawˬ neh mˇ nehˬ laꞈ-euˬ guiˬ lahˬ-ahˇ maˬ geuˇ nya.

1 Laˬsaˬbaˬ 9:18

Aˇ nah aˇ yamˬ kʼoeˇ yamˬ laꞈ kʼoeˇ, nahˇ ma doˆ kʼehˬ paw jaˆ-eu sahˬ paˬ-euˬ lahˇ kʼehˬ-ahˇ aˬ yawꞈ maꞈ-euˬ aˇ jeuˬ aˇ ca deuˬ loꞈ luꞈ-eu meh. Yaw beh-aˬ, Leˬbiˇ tsawˇ haˬ-euˬ sehˬ gʼawˆ-ahˇ le-eu lahˇ kʼehˬ-ahˇ aˬ yawꞈ maꞈ loꞈ-euˬ meh.

Yeˬsaˬgeˬlaˇ 40:19

Kʼoeˇ gaˇ neh naˇ, laꞈ kʼoeˇ pu kaˬ-ahˇ uˇ leˇ-eu lahˇ kʼehˬ ui cuiˆ yaw goˇ-ahˇ jaˆ-eu meh. Tsawˇ haˬ kʼoeˇ gʼaˬ lahˇ kʼehˬ nyiˬ kʼehˬ yaw kaˬ daˇ dza dehˬ haw ngeh, nyiˬ tseˇ ngaˬ lmˇ byah-eu meh.

Yeˬsaˬgeˬlaˇ 40:39

Kuˆ lawˆ lawˆ ma kʼoeˇ lawˆ laꞈ kʼoeˇ, tiˬ pyawˬ-ahˇ nyiˬ jeh baꞈ taˬ-euˬ hawˬ jeh oeˬ jeh jaˆ-awˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu gʼaˇ duˬ maˬ ehˇ, iˬ baˇ shawˇ-eu lawˇ-eu jeˬ gʼaˇ duˬ maˬ ehˇ, mˇ lehˬ-euˬ baˬ da neh dziˇ dzoˆ tsoeˬ-eu lawˇ-eu jeˬ gʼaˇ duˬ maˬ ehˇ, jeˬ zaˬ sehꞈ ngeh hawˬ jeh kʼoeˇ deuˬ kʼoeˇ taˆ sehꞈ-eu meh.