Yeˬsaˬgeˬlaˇ 46:1 - Akha

¹ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ laˇ-eu lahˇ kʼehˬ kʼoeˇ kʼehˬ, gaˇ mˇ-eu aˇ nah kʼoꞈ nah laꞈ kʼoeˇ ya piˬ tehˬ taˬ meh. Ehˇ kʼawꞈ, jawˇ nah hawˇ-eu la shuiꞈ lah-eu bawˬ-iˬ gʼeh-eu aˇ nah-ahˇ ya pah taˬ meh.

Yeˬsaˬgeˬlaˇ 46:1 Referans Kwoze

Iˇsaˬyaˇ 66:23

La shuiꞈ lah-eu bawˬ-iˬ kʼaˇ gʼeh ngeh maˬ ehˇ, jawˇ nah lah-eu kʼaˇ tsaˬ laˇ ngeh maˬ ehˇ, miˇ kʼahˬ yawˬ kʼahˬ na luꞈ-ahˇ kʼaˇ jawˇ-eu tsawˇ haˬ deuˬ, Yeˬluˇsaˬlehˬ meuˬ heu meuˬ laꞈ kʼoeˇ ngaˬ-ahˇ uˬ duˬ tahˬ laˇ tehꞈ-a” lehˇ Sahˬpaˬ Miˬyehˇ ehˇ-eu meh.

Doˆ-iˇ 20:9

Nawˬ-euˬ gaˇ mˇ-eu gʼaˇ duˬ aˇ yamˬ koꞈ nah jaˆ-eu meh.

Luˇkaꞈ 13:14

Uˬ duˬ tahˬ nymˇ kʼoeˇ nymˇ-ahˇ uˆ lahˇ-eu aˬ yuiꞈ geuꞈ-eu gʼaˬ, Yeˬsuˇ Jawˇ nah ngeh nah naˇ gawˇ laˆ taˬ nehˬ-euˬ gaˇ nui ma pehˇ-awˇ ehˇ-eu, “Gaˇ mˇ nya-eu aˇ nah koꞈ nah jaˆ meh. Kʼoeˇ koꞈ nah laꞈ kʼoeˇ laˇ-awˇ naˇ gawˇ bi laˆ saˆ laˇ-awˬ. Jawˇ nah-ahˇ teu loꞈ-ehˇ taˬ jahˇ.”

Yeˬsaˬgeˬlaˇ 46:6

La shuiꞈ lah-eu bawˬ-iˬ gʼeh ngeh, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ, yawˇ zaˬ koꞈ mawˇ hawˇ-eu, yawˇ aˬ buˬ tiˬ mawˇ aˬ yawꞈ ya lawˇ meh.

Yeˬsaˬgeˬlaˇ 8:16

Kʼoeˇ naˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ aˬ yawꞈ ngaˬ-ahˇ paˇ sheuˬ ahˇ gʼeh nehˬ laꞈ-euˬ meh. Muiˬ-eu shawˇ-eu jawˇ duˬ-ahˇ uˇ leˇ-eu gʼoˆ kʼehˬ dawˬ peh, lawˇ duˬ hawˇ-eu gaˇ ma yaw kaˬ-ahˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ya mawˇ-euˬ ma. Muiˬ-eu shawˇ-eu jawˇ duˬ-ahˇ aˬ yawꞈ maꞈ naˇ kʼah pyawˇ-awˇ, nahˇ ma doˆ kʼehˬ paw mehˬ shi pyawˇ-awˇ awˆ byaˆ-eu laꞈ kʼoeˇ, nahˇ ma doˆ laˇ gaˇ uˬ duˬ tahˬ luꞈ-eu meh.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

1 Laˬsaˬbaˬ 9:18

Aˇ nah aˇ yamˬ kʼoeˇ yamˬ laꞈ kʼoeˇ, nahˇ ma doˆ kʼehˬ paw jaˆ-eu sahˬ paˬ-euˬ lahˇ kʼehˬ-ahˇ aˬ yawꞈ maꞈ-euˬ aˇ jeuˬ aˇ ca deuˬ loꞈ luꞈ-eu meh. Yaw beh-aˬ, Leˬbiˇ tsawˇ haˬ-euˬ sehˬ gʼawˆ-ahˇ le-eu lahˇ kʼehˬ-ahˇ aˬ yawꞈ maꞈ loꞈ-euˬ meh.

Yeˬsaˬgeˬlaˇ 10:3

Aˬ yawꞈ le gaˇ ngaˇ haw haw-ehˇ jawˇ-euˬ ma. Aˬ yawꞈ le uˇ ngeh, Jeˬluˇbeˬ kʼoeˇ deuˬ Uˬ duˬ tahˬ nymˇ nymˇ ma-euˬ laꞈ oˆ paw pyawˬ-ahˇ yawꞈ luꞈ-awˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ mˬ dmˇ tmˬ byah taˬ-euˬ meh.

Yeˬsaˬgeˬlaˇ 40:19

Kʼoeˇ gaˇ neh naˇ, laꞈ kʼoeˇ pu kaˬ-ahˇ uˇ leˇ-eu lahˇ kʼehˬ ui cuiˆ yaw goˇ-ahˇ jaˆ-eu meh. Tsawˇ haˬ kʼoeˇ gʼaˬ lahˇ kʼehˬ nyiˬ kʼehˬ yaw kaˬ daˇ dza dehˬ haw ngeh, nyiˬ tseˇ ngaˬ lmˇ byah-eu meh.

Yeˬsaˬgeˬlaˇ 43:1

Tsawˇ haˬ kʼoeˇ gʼaˬ ngaˬ-ahˇ nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ sheuˬ gʼeh nehˬ laꞈ-euˬ meh.

Yeˬsaˬgeˬlaˇ 46:3

Jawˇ nah ngeh nah hawˇ-eu la shuiꞈ lah-eu bawˬ-iˬ kʼaˇ gʼeh ngeh, tsawˇ haˬ dawˬ tawˆ luꞈ lahˇ kʼehˬ kʼoeˇ-euˬ mehˬ shi awˆ byaˆ-awˇ, Sahˬpaˬ Miˬyehˇ-ahˇ uˬ duˬ ya tahˬ meh.

Yeˬsaˬgeˬlaˇ 46:12

“Dzoeˬ dzaˬ-eu sahˬ paˬ zaˬ yo gʼaˬ, Sahˬpaˬ Miˬyehˇ-ahˇ nui ma keuˆ-awˇ lawˇ nehˬ mawꞈ ngeh, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu maˬ kaˬ, cawˬ cawˬ taꞈ-eu lawˇ-eu jeˬ lawˇ-eu maˬ kaˬ, nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ leˇ-eu lahˇ kʼehˬ kʼoeˇ kʼehˬ ya pah nehˬ meh. Jawˇ nah-ahˇ kʼaˇ lawˇ-eu loꞈ-ehˇ aˬ yawꞈ ya lawˇ-awˇ, aˬ yawꞈ gʼoꞈ doˆ le gʼaˬ ngeh, lahˇ kʼehˬ paˇ ya piˬ tehˬ taˬ-eu meh.