Biblia Todo Logo
Bib sou entènèt

- Piblisite -




Yeˬsaˬgeˬlaˇ 44:5 - Akha

5 Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, nawˇ kʼaˇ ya gaˬ kʼaˇ ya mawˇ-euˬ jeˬ-ahˇ yaw muiˬ paˬ-ehˇ noeˬ taˬ juiˇ taˬ-awˬ. Uˬ duˬ tahˬ nymˇ nymˇ ma-ahˇ taꞈ leˇ-eu zahˇ sahˇ kʼoꞈ deuˬ, ngaˇ nawˬ-ahˇ ehˇ nehˬ-eu lehˇ gʼeh-eu ma. Aˬ joˆ-ehˇ gʼeh-eu tsawˇ haˬ deuˬ uˇ leˇ kʼmˬ-awˇ, aˬ joˆ-ehˇ gʼeh-eu tsawˇ haˬ deuˬ maˬ uˇ leˇ kʼmˬ-eu gaˇ kawˆ, yaw duˬ duˬ-ehˇ noeˬ taˬ juiˇ taˬ-awˬ.

Gade chapit la Kopi




Yeˬsaˬgeˬlaˇ 44:5
17 Referans Kwoze  

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”


aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.


“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.


Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”


Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”


Aˬ yawꞈ ehˇ-eu, “Daˬyeˬlaˇ-oˇ, taˬ guˆ. Nawˇ zaˬ siˬ tsawˇ gahˇ za nya ni nui ma nahˬ yu ni taˬ ma lehˇ noeˬ tsehˆ dahˬ beh ngeh nah neh, nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Nawˬ neh guiˬ lahˬ shaˇ-euˬ gaˇ kawˆ ehˇ kʼoꞈ nehˬ le-eu lehˇ ngaˇ oe-euˬ ma.


Kʼoeˇ gaˇ haw-awˇ shaˇ noeˬ ngeh, dzaw geuꞈ duˬ heu loꞈ-ehˇ mawˇ-euˬ ma.


Sahˬpaˬ Miˬyehˇ-oˇ, nawˇ nga maꞈ-ahˇ nawˬ-euˬ zahˇ dawˬ kʼoꞈ dawˬ biꞈ laꞈ-awˇ, saˇ jaˇ ziꞈ-awˇ caw teh nya ni mehˬ nehˬ tsoˆ nehˬ laꞈ-euˬ meh.


Iˇsaˬleˬlaˆ tsawˇ jeuˬ dawˬ tawˆ luꞈ laꞈ kʼoeˇ, maˇ maˇ ni Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ mawꞈ-eu tsawˇ haˬ deuˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ya lawˇ ya shehˇ ni, Leˬbiˇ tsawˇ haˬ deuˬ-euˬ mehˬ nah Yeˬluˇsaˬlehˬ meuˬ-ahˇ caw teh gʼeh-euˬ meh.


Naw maꞈ-euˬ nui ma saꞈ laˇ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ mˇ-awˬ. Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ hawˇ-eu, aˬ yawꞈ-ahˇ uˬ duˬ tahˬ gaˇ geuꞈ-eu muiˬ-eu shawˇ-eu mˇ myawˬ keu ka dawˬ tawˆ luꞈ bi jaˆ-eu gʼaˇ duˬ, Uˬ duˬ tahˬ nymˇ nymˇ ma tsoˆ-eu dawꞈ leˇ-awˬ.”


Ehˇ kʼawꞈ, tiˬ paˆ na deuˬ-aˬ, Sahˬpaˬ Miˬyehˇ neh ehˇ taˬ-euˬ dawˬ aˬ yawꞈ maꞈ-ahˇ gaˬ leˇ gaˇ maˬ duˇ ni, aˬ yawꞈ maꞈ-euˬ zaˬ kʼaˆ deuˬ hawˇ-eu jeˬ zaˬ deuˬ-ahˇ, laꞈ nyiˇ paw bi jawˇ-euˬ meh.


Nymˇ kʼoeˇ nymˇ-euˬ nahˇ ma doˆ kʼehˬ paw dzeˇ dzaˬ kaˇ pyawˇ mehˬ dzaˬ saˬ-iˇ-euˬ gaˇ, aˇ lawˆ kʼoeˇ nyiˬ lawˆ-euˬ uˬ moˆ, laꞈ nyiˇ pu kaˬ-ahˇ iˇ doˆ-eu laˇ gʼoˆ dahˇ-eu meh. Uˬ duˬ tahˬ nymˇ nymˇ ma-euˬ laꞈ oˆ pyawˬ-ahˇ kʼoeˇ loꞈ-ehˇ duˇ-eu nymˇ tiˬ nymˇ Uˬ duˬ tahˬ nymˇ nymˇ ma-euˬ nahˇ ma ga kʼehˬ paw jaˆ saˬ saˬ-eu nymˇ nehˬ-ehˇ maˬ kaˬ maˬ kaˇ-ehˇ tsoˆ taˬ-euˬ meh.


Kʼoeˇ naˇ, laꞈ oˆ paw pyawˬ-ahˇ neh laꞈ kʼoeˇ pu kaˬ-ahˇ uˇ leˇ-eu lahˇ kʼehˬ dawˬ peh, laꞈ taˆ paw pyawˬ-ahˇ mehˬ shiˬ pyawˇ-ehˇ tsoˆ taˬ-euˬ kuˆ lawˆ deuˬ-euˬ gʼoˆ kʼehˬ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ gʼeh nehˬ laꞈ-euˬ meh. Kuˆ lawˆ kʼoeˇ deuˬ-aˬ, piˇ ma deuˬ-euˬ muiˬ-eu shawˇ-eu kuˆ lawˆ deuˬ meh. Kuˆ lawˆ kʼoeˇ deuˬ-euˬ nahˇ ma ga kʼehˬ paw dzeˇ tsahˇ-ahˇ aˬ yawꞈ laꞈ noeˇ toeˬ ceh-eu meh.


“Tsawˇ haˬ zaˬ-oˇ, heu deuˬ dawˬ tawˆ luꞈ yaw muiˬ paˬ-ehˇ juiˇ taˬ-awˬ” lehˇ, tsawˇ haˬ kʼoeˇ gʼaˬ ngaˬ-ahˇ ehˇ-eu meh. Kʼoeˇ naˇ, lawˇ baˬ lawˇ deh-ahˇ, tsawˇ haˬ kʼoeˇ gʼaˬ ngaˬ-ahˇ paˇ sheuˬ kʼoꞈ doˆ nehˬ laꞈ-euˬ meh.


SahˬpaˬMiˬyehˇ-euˬgawˬjawˬ-ahˇ, ya daˆleˇ-eu aˬsuˇ jawˇ-awˇ, Muiˬ-eu shawˇ-eu jawˇduˬlaꞈkʼoeˇ, ya yawꞈleˇ-eu aˬsuˇ jawˇta.


Swiv nou:

Piblisite


Piblisite