Yeˬsaˬgeˬlaˇ 44:11 - Akha

¹¹ Uˬ duˬ tahˬ nymˇ nymˇ ma-euˬ lahˇ kʼehˬ-ahˇ loꞈ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ jaˆ-eu gaˇ deuˬ aˬ yawꞈ maꞈ-ahˇ ngaˇ bi mˇ ma. Miˇ kʼahˬ zaˬ deuˬ miˬ dzaˬ dzah puiˆ-awˇ lawˇ-eu jeˬ lawˇ laˇ ngeh hawˇ-eu, lawˇ-eu shehˇ-eu jeˬ kʼaˇ mˇ laˇ ngeh, aˬ yawꞈ maꞈ jeˬ zaˬ sehꞈ nehˬ-eu gaˇ mˇ nya tehꞈ-a.

Yeˬsaˬgeˬlaˇ 44:11 Referans Kwoze

Bawˇtsahˬ 16:9

Sahˬpaˬ Miˬyehˇ dawˬ peh naw maꞈ le-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu laꞈ kʼoeˇ, tsawˇ haˬ aˇ maꞈ aˇ muˇ mehˬ shi yawꞈ-awˇ aˬ yawꞈ maꞈ gʼaˇ duˬ bi mˇ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, naw maꞈ-ahˇ biˇ paˆ doˆ-awˇ tseˇ doˆ taˬ-eu heu, dehˬ nyi-ehˇ gʼeh-eu gaˇ meh lehˇ naw maꞈ noeˬ te loˇ.

2 Laˬsaˬbaˬ 29:34

Jeˬ zaˬ kʼoeˇ deuˬ dawˬ tawˆ luꞈ-ahˇ sehꞈ jiˇ coeˇ ni piˇ ma maˬ jawˇ myaˬ-eu miˇ neh, caw mˇ caw shaˇ-eu gʼaˇ duˬ piˇ ma nui deuˬ yawˬ ha-euˬ gʼawˇ mawˇ mˇ shawˇ gʼaˬ ngeh keuˆ ni, gaˇ kʼoeˇ mˇ luiˆ nya ni Leˬbiˇ tsawˇ haˬ deuˬ caw ba nehˬ-euˬ meh. Leˬbiˇ tsawˇ haˬ deuˬ-aˬ, yawˬ ha-euˬ gʼawˇ mawˇ yaw shawˇ shawˇ-ehˇ dehꞈ-eu paw, piˇ ma deuˬ naˆ maˬ tseˇ saˇ jaˇ taˬ nya-eu meh.

Yeˬsaˬgeˬlaˇ 44:14

Uˬ duˬ tahˬ nymˇ nymˇ ma laꞈ kʼoeˇ ya luˆ ya laˆ-eu mˇ myawˬ mˇ-eu tsawˇ haˬ bi geuꞈ ma.”

Yeˬsaˬgeˬlaˇ 40:45

Laꞈ oˆ paw pyawˬ-ahˇ mehˬ shi pyawˇ-ehˇ jaˆ-eu lawˆ-aˬ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu piˇ ma deuˬ gʼaˇ duˬ meh lehˇ, tsawˇ haˬ kʼoeˇ gʼaˬ ehˇ-eu meh.

2 Laˬsaˬbaˬ 30:17

Tsawˇ haˬ gʼawˬ mya ni maˬ shawˇ-eu miˇ neh, Baˬsaˬkaˬ bawˬ-iˬ gʼaˇ duˬ yawˇ zaˬ maˬ sehꞈ nya-ehˇ, aˬ yawꞈ maꞈ gʼaˇ duˬ Leˬbiˇ tsawˇ haˬ deuˬ yawˇ zaˬ kʼoeˇ deuˬ sehꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh.

Bawˇtsahˬ 18:6

Ngaˇ-aˬ, Iˇsaˬleˬlaˆ tsawˇ haˬ deuˬ laꞈ kʼoeˇ, nawˬ-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ nawˬ-euˬ gʼaˇ duˬ tseˇ doˆ-euˬ gʼaˬ pyeuꞈ-eu ma. Aˬ yawꞈ maꞈ-aˬ, Sehˬ gʼawˆ laꞈ kʼoeˇ gaˇ mˇ nya ni a nehˬ taˬ-euˬ tsawˇ haˬ deuˬ pyeuꞈ-eu meh.

Bawˇtsahˬ 4:1

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Bawˇtsahˬ 18:2

Nawˇ hawˇ-eu nawˬ li deuˬ Sehˬ gʼawˆ laꞈ kʼoeˇ gaˇ mˇ ngeh, nawˬ-euˬ gaˇ-ahˇ bi caw ba-eu gʼaˇ duˬ, nawˬ-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ kuˇ-awˬ.

Bawˇtsahˬ 8:26

Kʼoeˇ naˇ, Sehˬ gʼawˆ laꞈ kʼoeˇ gaˇ mˇ luꞈ-eu yawˬ ha-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ ya caw ba meh. Ehˇ kʼawꞈ, yawˬ haˇ yawˬ ha gaˇ tawˬ-awˇ maˬ ya mˇ-a. Heu-aˬ, Leˬbiˇ tsawˇ haˬ deuˬ-ahˇ nawˇ aˬ joˆ-ehˇ gaˇ ya biˇ mˇ-eu gaˇ kawˆ meh.”

Yeˬsaˬgeˬlaˇ 46:24

“Heu deuˬ-aˬ, miˇ kʼahˬ zaˬ deuˬ neh kʼaˇ hehˇ laꞈ-euˬ lawˇ-eu shehˇ-eu jeˬ-ahˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ ya caꞈ-eu jawˇ duˬ meh” lehˇ, tsawˇ haˬ kʼoeˇ gʼaˬ ngaˬ-ahˇ ehˇ-eu meh.