Yeˬsaˬgeˬlaˇ 44:1 - Akha

¹ Kʼoeˇ naˇ, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ jaˆ-eu laꞈ nyiˇ lahˇ kʼehˬ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ gʼeh nehˬ laꞈ-euˬ meh. Lahˇ kʼehˬ kʼoeˇ kʼehˬ piˬ tehˬ taˬ-awˇ jaˆ-eu meh.

Yeˬsaˬgeˬlaˇ 44:1 Referans Kwoze

Yeˬsaˬgeˬlaˇ 43:1

Tsawˇ haˬ kʼoeˇ gʼaˬ ngaˬ-ahˇ nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ sheuˬ gʼeh nehˬ laꞈ-euˬ meh.

Yeˬsaˬgeˬlaˇ 42:14

Piˇ ma deuˬ Uˬ duˬ tahˬ nymˇ nymˇ ma-ahˇ neh laꞈ nyiˇ pu kaˬ-ahˇ doˆ-iˇ mawꞈ ngeh, aˬ yawꞈ maꞈ Sahˬpaˬ Miˬyehˇ mehˬ shi gaˇ mˇ ngeh dm-euˬ muiˬ-eu shawˇ-eu dm gʼaˬ dm lmˇ deuˬ-ahˇ, aˇ lawˆ kʼoeˇ deuˬ laꞈ kʼoeˇ ya lehˆ taˬ yaꞈ-eu meh. Miˇ kʼahˬ zaˬ deuˬ uiˬ leˇ duˬ-ahˇ aˬ yawꞈ maꞈ maˬ iˇ doˆ mi naˆ-ehˇ mehˬ tsoeˬ ya dm paˇ-eu meh.

Yeˬsaˬgeˬlaˇ 40:17

Tsawˇ haˬ kʼoeˇ gʼaˬ ngaˬ-ahˇ gaˇ ma kʼoeˇ kahˇ law caw sheuˬ gʼeh-awˇ, uˬ duˬ tahˬ nymˇ nymˇ ma-euˬ pu kaˬ-ahˇ sheuˬ keuˆ nehˬ laꞈ-euˬ meh. Laꞈ nyiˇ lahˇ-ahˇ tsoˆ tawꞈ taˬ-euˬ kuˆ lawˆ smˬ tseˇ lawˆ jaˆ-awˇ, kuˆ lawˆ kʼoeˇ deuˬ-euˬ mehˬ shi kʼaˬ lo teˇ byaꞈ kʼawˬ taˬ-euˬ pehˇ tsahˇ jaˆ-eu meh.

Yeˬsaˬgeˬlaˇ 40:6

Kʼoeˇ naˇ, nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ aˬ yawꞈ iˇ-euˬ meh. Aˬ yawꞈ dawˬ dzm-ahˇ daˆ leˇ-awˇ, lahˇ kʼehˬ uˬ gʼmˬ-ahˇ jawˇ-awˇ dza haw ngeh, lahˇ kʼehˬ yaw goˇ tiˬ lmˇ nui paˆ byah-eu meh.

Yeˬsaˬgeˬlaˇ 46:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ laˇ-eu lahˇ kʼehˬ kʼoeˇ kʼehˬ, gaˇ mˇ-eu aˇ nah kʼoꞈ nah laꞈ kʼoeˇ ya piˬ tehˬ taˬ meh. Ehˇ kʼawꞈ, jawˇ nah hawˇ-eu la shuiꞈ lah-eu bawˬ-iˬ gʼeh-eu aˇ nah-ahˇ ya pah taˬ meh.

Yeˬsaˬgeˬlaˇ 43:4

Yaw shehꞈ kʼahˬ sehˇ kʼoeˇ nahˇ ma doˆ kʼehˬ paw jaˆ-eu lahˇ kʼehˬ kʼoeˇ kʼehˬ-ahˇ neh, Uˬ duˬ tahˬ nymˇ nymˇ ma laꞈ kʼoeˇ uˇ-iˇ-euˬ meh.

2 Laˬsaˬbaˬ 33:5

Uˬ duˬ tahˬ nymˇ-euˬ kʼoeˇ paˆ ma paˆ-ehˇ jaˆ-eu pu kaˬ-ahˇ, aˬ guiˇ deuˬ-ahˇ uˬ duˬ tahˬ-eu lawˇ duˬ tsoˆ-euˬ meh.

2 Laˬsaˬbaˬ 20:5

Kʼoeˇ naˇ, aˬ yawꞈ maꞈ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, Uˬ duˬ tahˬ nymˇ nymˇ ma mehˬ shi pu kaˬ yaw shuiꞈ tsahˇ-ahˇ uiˬ leˇ taˬ-euˬ meh. Sahˬ paˬ Yeˬhawˇshaˬpaˇ kʼawꞈ le-awˇ, aˬ yawꞈ maꞈ-euˬ mehˬ shi yawꞈ-awˇ,

2 Laˬsaˬbaˬ 4:9

Piˇ ma deuˬ gʼaˇ duˬ laꞈ kʼoeˇ pu kaˬ hawˇ-eu laꞈ nyiˇ pu kaˬ aˬ yawꞈ maꞈ taw paˆ-euˬ meh. Pu kaˬ kʼoeˇ nyiˬ kaˬ-euˬ yaw kaˬ-ahˇ jaˆ-eu laˇ gʼoˆ deuˬ-ahˇ guiˬ shuiˇ yaw-euˬ meh.

1 Laˬsaˬbaˬ 9:18

Aˇ nah aˇ yamˬ kʼoeˇ yamˬ laꞈ kʼoeˇ, nahˇ ma doˆ kʼehˬ paw jaˆ-eu sahˬ paˬ-euˬ lahˇ kʼehˬ-ahˇ aˬ yawꞈ maꞈ-euˬ aˇ jeuˬ aˇ ca deuˬ loꞈ luꞈ-eu meh. Yaw beh-aˬ, Leˬbiˇ tsawˇ haˬ-euˬ sehˬ gʼawˆ-ahˇ le-eu lahˇ kʼehˬ-ahˇ aˬ yawꞈ maꞈ loꞈ-euˬ meh.

Yeˬsaˬgeˬlaˇ 46:12

“Dzoeˬ dzaˬ-eu sahˬ paˬ zaˬ yo gʼaˬ, Sahˬpaˬ Miˬyehˇ-ahˇ nui ma keuˆ-awˇ lawˇ nehˬ mawꞈ ngeh, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu maˬ kaˬ, cawˬ cawˬ taꞈ-eu lawˇ-eu jeˬ lawˇ-eu maˬ kaˬ, nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ leˇ-eu lahˇ kʼehˬ kʼoeˇ kʼehˬ ya pah nehˬ meh. Jawˇ nah-ahˇ kʼaˇ lawˇ-eu loꞈ-ehˇ aˬ yawꞈ ya lawˇ-awˇ, aˬ yawꞈ gʼoꞈ doˆ le gʼaˬ ngeh, lahˇ kʼehˬ paˇ ya piˬ tehˬ taˬ-eu meh.