Biblia Todo Logo
Bib sou entènèt

- Piblisite -




Yeˬsaˬgeˬlaˇ 43:8 - Akha

8 Ngaˬ-euˬ Uˬ duˬ tahˬ nymˇ nymˇ ma gʼoˆ kʼehˬ dahˇ-eu gaˇ dzeˇ, aˬ yawꞈ maꞈ-euˬ sahˬ paˬ deuˬ-euˬ hawˇ nymˇ gʼoˆ kʼehˬ bi dahˇ-awˇ, gʼahˇ ceh aˇ kaˬ-ahˇ lahˇ tiˬ lahˇ kaˇ-eu tehꞈ meh. Aˬ yawꞈ maꞈ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ tsawˇ myahˇ laˆ cawˆ-euˬ miˇ neh, ngaˇ nui ma pehˇ-awˇ aˬ yawꞈ maꞈ-ahˇ ngaˇ laˆ cawˆ nehˬ-euˬ ma.

Gade chapit la Kopi




Yeˬsaˬgeˬlaˇ 43:8
13 Referans Kwoze  

“Kʼoeˇ miˇ neh, ngaˇ dehꞈ luꞈ-eu Miˬyehˇ pyeuꞈ-eu loꞈ-ehˇ, heu-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ma. Ngaˬ-euˬ Uˬ duˬ tahˬ nymˇ nymˇ ma-ahˇ yaw haiˬ jeˬ neh nawˇ laˆ jawꞈ-euˬ miˇ neh, nawˬ neh mˇ-euˬ nuiˇ daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ gʼawˬ shaˬ maˬ gaˬ ni deuˆ tsehˆ ma.


Aˬ yawꞈ maꞈ ngaˬ-ahˇ lawˇ nehˬ-euˬ lawˇ dzaˇ pyeuꞈ-eu shaˬ tsuˇ hawˇ-eu shiˬ lawˇ ngeh, ngaˬ-ahˇ yaw zeu maˬ baw-eu baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ deuˬ-ahˇ Uˬ duˬ tahˬ nymˇ nymˇ ma-ahˇ bi uˇ laˇ-eu laꞈ kʼoeˇ, ngaˬ-euˬ Uˬ duˬ tahˬ nymˇ nymˇ ma-ahˇ laˆ jawꞈ-euˬ meh. Ngaˬ-euˬ tsawˇ haˬ kʼoeˇ deuˬ-aˬ, kʼoeˇ loꞈ-ehˇ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ dawˬ ma saˇ jaˇ-ahˇ puiˬ-euˬ meh.


Aˬ yawꞈ nyaꞈ ngaˬ-euˬ zaˬ deuˬ-ahˇ sehꞈ-awˇ tahˬ pahˬ aˬ ma mawˇ kawˇ-ahˇ lawˇ nehˬ ngeh nah, ngaˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ nyaꞈ laˇ-awˇ paˇ laˆ jawꞈ laˇ-euˬ meh.


“Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ miˇ kʼahˬ dawˬ tawˆ luꞈ laꞈ kʼoeˇ, Yeˬluˇsaˬlehˬ meuˬ laꞈ kʼoeˇ jaˆ-eu Uˬ duˬ tahˬ nymˇ nymˇ ma heu nymˇ-aˬ, ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ taˬ-euˬ jawˇ duˬ pyeuꞈ-eu ma” lehˇ, Daˬbiˇ hawˇ-eu Sawˇlaˬmoˬ aˬ nyaꞈ da zaˬ-ahˇ Miˬyehˇ ehˇ taˬ-euˬ Uˬ duˬ tahˬ nymˇ nymˇ ma kʼoeˇ nymˇ laꞈ kʼoeˇ, Maˬnaˇseˬ neh tahˬ pahˬ aˬ ma mawˇ kawˇ bi jaˆ-euˬ meh.


Mˬ maˬ maˬ byaˆ zaˇ ziˇ ngaˬ-ahˇ uˬ duˬ ya tahˬ meh lehˇ Sahˬpaˬ Miˬyehˇ neh ehˇ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, lawˇ ciꞈ zaˬ deuˬ-euˬ lawˇ duˬ tsoˆ-euˬ meh.


Jeˬ zaˬ sehꞈ-awˇ dzaˬ-eu lehˇ lehˬ hmˬ taˬ-euˬ nymˇ deuˬ-euˬ nymˇ laˇ gʼoˆ kʼoeˇ dzeˇ heu dzeˇ jaˆ-eu laˇ gʼoˆ bahˬ hawˇ-eu laˇ gʼoˆ-euˬ kʼoeˇ taˆ paw dzaˬ-ahˇ, jeˬ zaˬ-euˬ shiˬ ui cuiˆ aˬ yawꞈ maꞈ ya lehꞈ meh.


Kʼoeˇ ngeh shawˬ aˬ yawꞈ-euˬ kʼaˬ dzeˇ zaˬ tuˇ-awˇ, gaˇ ma doˆ-iˇ-eu lehˇ laˇ gʼoˆ pah ngeh, aˬ yawꞈ-euˬ ma nyiˇ kʼoeˇ gʼaˬ laˇ gʼoˆ-ahˇ aˬ laꞈ nyehꞈ tehˬ-awˇ, ga gaˇ ya mawˇ-euˬ meh.


Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.


Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.


Swiv nou:

Piblisite


Piblisite