Yeˬsaˬgeˬlaˇ 43:7 - Akha

⁷ “Tsawˇ haˬ zaˬ-oˇ, ngaˬ-euˬ nuiˇ mahˬ heu gaˇ jaˆ-eu ma. Heu gaˇ Iˇsaˬleˬlaˆ tsawˇ haˬ nehˬ-ehˇ ngaˇ jawˇ-awˇ, aˬ yawꞈ maꞈ-ahˇ mˬ maˬ maˬ byaˆ zaˇ ziˇ uˆ lahˇ ma. Iˇsaˬleˬlaˆ tsawˇ haˬ deuˬ maˬ kaˬ, aˬ yawꞈ maꞈ-euˬ sahˬ paˬ deuˬ maˬ kaˬ, miˬ yehˇ nui deuˬ-ahˇ uˬ duˬ tahˬ-eu laꞈ kʼoeˇ maˬ ehˇ, jawˇ duˬ heu tsahˇ-ahˇ sahˬ paˬ deuˬ-euˬ mawˇ kawˇ ka tuˇ-eu laꞈ kʼoeˇ maˬ ehˇ, ngaˬ-euˬ tsawˇ myahˇ-ahˇ laˆ cawˆ-eu jeˬ tiˬ jawˇ-iˬ maˬ paˇ mˇ-aˇ.

Yeˬsaˬgeˬlaˇ 43:7 Referans Kwoze

Yeˬsaˬgeˬlaˇ 43:9

Nymˬ-mˇ miˬ yehˇ nui deuˬ-ahˇ uˬ duˬ tahˬ-eu jeˬ aˬ yawꞈ maꞈ ya byehˇ-awˇ, sahˬ paˬ deuˬ-euˬ mawˇ kawˇ aˬ yawꞈ maꞈ ya baꞈ dzeh tehꞈ-a. Aˬ yawꞈ maꞈ kʼoeˇ loꞈ-ehˇ jahˇ naˇ, aˬ yawꞈ maꞈ nehˬ-ehˇ ngaˇ mˬ maˬ maˬ byaˆ zaˇ ziˇ jawˇ ma.”

Jaceuq 47:8

Miˬyehˇ-aˬ, aˬ yawꞈ-euˬ muiˬ-eu shawˇ-eu nuiˇ mahˬ kʼoeˇ taˆ nuiˇ-awˇ, tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu meh.

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Panmaeq 22:3

Meuˬ kʼoeˇ meuˬ laꞈ kʼoeˇ Miˬyehˇ neh yaˬ kʼehˇ bi yaˬ-euˬ jeˬ tiˬ jeˬ-iˬ maˬ ya mawˇ-a. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ meuˬ kʼoeˇ meuˬ-ahˇ jaˆ-awˇ, aˬ yawꞈ-euˬ zaˬ kʼaˆ deuˬ aˬ yawꞈ-ahˇ uˬ duˬ tahˬ tehꞈ-a.

Yeˬsaˬgeˬlaˇ 20:39

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Iˇsaˬleˬlaˆ tsawˇ haˬ deuˬ-oˇ, nymˬ-mˇ naw maꞈ-euˬ nui kʼahˇ mˇ-awˬ. Tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ jawˇ tawˬ-awˬ. Tahˬ pahˬ aˬ ma mawˇ kawˇ deuˬ-ahˇ damˬ nehˬ-eu laꞈ kʼoeˇ ngaˬ-euˬ muiˬ-eu shawˇ-eu tsawˇ myahˇ-ahˇ yehˬ bawˬ-ehˇ maˬ gʼeh nya-eu aˇ yamˬ keuˆ le tehꞈ-a lehˇ, naw maꞈ-ahˇ ngaˇ yaw kʼaˆ kʼaˆ-ehˇ ehˇ-eu ma.

Yeˬsaˬgeˬlaˇ 1:26

Mˬ kʼoeˇ siˬ-euˬ kʼoeˇ taˆ, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ jaˆ-awˇ, tsawˇ haˬ-ahˇ duˇ-eu tiˬ gʼaˬ kʼoeˇ-euˬ kʼoeˇ taˆ nuiˇ luꞈ-eu meh.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

1 Laˬsaˬbaˬ 28:2

Daˬbiˇ aˬ yawꞈ maꞈ-euˬ mehˬ shi yawꞈ-awˇ heu loꞈ-ehˇ ehˇ-eu meh. “Ngaˬ-euˬ miˇ kʼahˬ zaˬ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ. Dawˬ ma saˇ jaˇ Bahˬ keuˆ-ahˇ tiˬ jawˇ-iˬ maˬ paˇ baꞈ jiˆ ni bi jaˆ-eu gʼaˇ duˬ hawˇ-eu, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ kuiˇ bi cawˬ taˬ-eu gʼaˇ duˬ, nymˇ tiˬ nymˇ ngaˇ tsoˆ mawꞈ-eu ma. Aˬ yawꞈ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ-eu lehˇ ngaˇ lehˬ hmˬ taˬ-euˬ ma.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Zaˬkaˬliˇ 13:2

Aˇ yamˬ kʼoeˇ yamˬ keuˆ laˇ ngeh, miˇ kʼahˬ kʼoeˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-euˬ tsawˇ myahˇ ngaˇ shiˆ byoˆ-awˇ, tsawˇ haˬ yawˬ gʼaˬ na luꞈ bi ngehˇ byoˆ jiˇ ma. Miˬyehˇ gʼaˇ duˬ ngehˬ dah-eu tsawˇ haˬ ma lehˇ kʼaˇ ehˇ-eu deuˬ-ahˇ ngaˇ yuˇ dzeh jiˇ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ-eu nui ma bi byoˆ-iˇ ma.

Yawˇlaˆ 3:17

“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.

Hawˇseˬ 14:8

Iˇsaˬleˬlaˆ tsawˇ haˬ deuˬ-aˬ, tahˬ pahˬ aˬ ma mawˇ kawˇ deuˬ-ahˇ, tiˬ pawꞈ-iˬ maˬ paˇ taꞈ leˇ-ehˇ, aˬ yawꞈ maꞈ-euˬ guiˬ lahˬ shaˇ dawˬ, ngaˇ naˇ haˬ-awˇ ngehˬ gʼeh nehˬ ma. Aˇ paꞈ tiˬ jawˇ-iˬ maˬ ga-eu, naˇ shmˇ muiˬ-eu aˇ bawˇ loꞈ-ehˇ, ngaˬ-euˬ naˇ shmˇ-ahˇ bi awˆ ma. Aˬ yawꞈ maꞈ-ahˇ guiˬ lahˬ shehˬ-eu, guiˬ lahˬ gawˆ mehˇ ngaˇ pyeuꞈ-eu ma.”

Yeˬsaˬgeˬlaˇ 48:35

Meuˬ meuˬ lahˇ tiˬ jawˬ oeˬ heˇ ngaˬ yaˇ lmˇ byah-eu meh. Aˬ kaˇ naˇ, meuˬ kʼoeˇ meuˬ-euˬ tsawˇ myahˇ-aˬ, “ Sahˬpaˬ Miˬyehˇ heu gaˇ jawˇ meh” lehˇ ya kuˇ paˇ tehꞈ-a.

Yeˬsaˬgeˬlaˇ 39:7

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ ngaˬ-euˬ muiˬ-eu shawˇ-eu tsawˇ myahˇ-ahˇ siˬ nya-eu gaˇ kawˆ duˬ laˇ ni ngaˇ jahˇ-awˇ, ngaˬ-euˬ tsawˇ myahˇ tiˬ jawˇ-iˬ maˬ paˇ bi cawˆ-iˇ ma. Kʼoeˇ ngeh jawˇ, Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ ngaˇ lehˇ, tsawˇ jeuˬ dawˬ tawˆ luꞈ-ahˇ siˬ duˬ leˇ tehꞈ-a.”

Yeˬsaˬgeˬlaˇ 10:1

Jeˬluˇbeˬ kʼoeˇ deuˬ-euˬ uˬ duˬ uˬ taˆ jaˆ-eu mˬ-ahˇ duˇ-eu kʼoeˇ hmˬ-ahˇ ngaˇ haw gʼeh ngeh, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ ngaˇ mawˇ-euˬ ma.

Yeˬlaˬmiˇ 17:12

Nga maꞈ-euˬ Uˬ duˬ tahˬ nymˇ nymˇ ma-aˬ, aˇ dahˬ beh ngeh neh gawˬ jawˬ yaw goˇ-ahˇ jaˆ-eu, kʼahˬ sehˇ huiˬ-eu nuiˇ mahˬ-ahˇ duˇ-eu meh.

Yeˬlaˬmiˇ 16:18

Shiˇ taˬ-euˬ tsawˇ haˬ loꞈ-ehˇ saꞈ maˬ gʼawˇ nya-eu tahˬ pahˬ aˬ ma mawˇ kawˇ deuˬ neh ngaˬ-euˬ miˇ kʼahˬ-ahˇ aˬ yawꞈ maꞈ laˆ jawꞈ-awˇ, maˬ ngeuˇ-eu miˬ yehˇ deuˬ hehˇ byah leꞈ taˬ-euˬ miˇ neh, aˬ yawꞈ maꞈ neh mˇ-euˬ iˬ baˇ aˇ poeˬ aˬ yawꞈ maꞈ-ahˇ ngaˇ nyiˬ bymˇ paˇ kʼehˬ poˆ nehˬ ma.”

Yeˬlaˬmiˇ 14:21

Nawˬ neh saˇ jaˇ dzaˬ-euˬ gaˇ noeˬ keuˆ-awˇ, nga maꞈ-ahˇ taˬ haw doeˇ nehˬ laꞈ. Yaw shehꞈ kʼahˬ sehˇ huiˬ-eu nawˬ-euˬ nuiˇ mahˬ jaˆ-eu, Yeˬluˇsaˬlehˬ meuˬ daˬ taˬ bi ga laꞈ. Nga maꞈ nehˬ-ehˇ nawˬ neh dzaˬ-euˬ, dawˬ ma saˇ jaˇ taˬ byehˇ nehˬ laꞈ.

Yeˬlaˬmiˇ 3:17

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ ‘Sahˬpaˬ Miˬyehˇ -euˬ nuiˇ mahˬ’ lehˇ kuˇ-awˇ, tsawˇ jeuˬ dawˬ tawˆ luꞈ kʼoeˇ gaˇ uiˬ laˇ-awˇ ngaˬ-ahˇ uˬ duˬ tahˬ tehꞈ-a. Aˬ yawꞈ maꞈ-euˬ haiˬ-eu gʼahˇ-eu nui ma neh kʼehˇ-euˬ jeˬ-ahˇ, aˬ yawꞈ maꞈ maˬ mˇ ni byehˇ tehꞈ-a.

Iˇsaˬyaˇ 66:1

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ maˬ ngaˬ-euˬ nuiˇ duˬ pyeuꞈ-awˇ, miˇ maˬ aˬ kuiˇ cawˬ taˬ duˬ ma. Naw maꞈ ngaˬ-euˬ gʼaˇ duˬ nymˇ aˬ joˆ-ehˇ tsoˆ-awˇ, ngaˬ-ahˇ aˬ geu gaˇ bi jawˇ-eu gʼeh te.

Iˇsaˬyaˇ 6:1

Sahˬ paˬ Awˇziˇ shiˇ ngeh kʼoꞈ, Sahˬpaˬ Miˬyehˇ-ahˇ ngaˇ mawˇ-euˬ ma. Aˬ yawꞈ-euˬ nuiˇ mahˬ-ahˇ nuiˇ-awˇ, aˬ yawꞈ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ-euˬ pehˇ kʼahˬ pehˇ mahˇ Uˬ duˬ tahˬ nymˇ nymˇ ma ma lah-ehˇ byah-eu meh.

Jaceuq 132:14

“Heu gaˇ-ahˇ ngaˇ mˬ maˬ maˬ byaˆ zaˇ ziˇ jawˇ ma. Heu gaˇ jawˇ-awˇ ngaˇ uˆ lahˇ ma.

Jaceuq 99:5

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ nuiˇ mahˬ mehˬ shi uˬ duˬ tahˬ-awˬ. Aˬ yawꞈ-aˬ Muiˬ-eu shawˇ-eu gʼaˬ meh.

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Doˆ-iˇ 29:45

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Yeˬsaˬgeˬlaˇ 6:5

Iˇsaˬleˬlaˆ tsawˇ haˬ deuˬ yaw shiˇ-ehˇ bi ga byah ma. Aˬ yawꞈ maꞈ-euˬ shaˬ yoeˬ lawˇ duˬ kʼoeˇ deuˬ-euˬ tiˬ jawˬ byaˆ dzeh-awˇ bi ga ma.

Yeˬsaˬgeˬlaˇ 6:13

Tahˬ pahˬ aˬ ma mawˇ kawˇ dawˬ peh hawˇ-eu lawˇ duˬ tiˬ jawˬ maˬ ehˇ, gawˬ duˇ yaw goˇ deuˬ-euˬ uˬ du doe ni maˬ ehˇ, gawˬ jawˬ uˬ duˬ yawˬ gaˇ na luꞈ maˬ ehˇ, naˇ shmˇ kʼaˇ muiˬ-eu aˇ bawˇ yawˬ bawˇ na luꞈ maˬ ehˇ, tsuiꞈ kaˆ bawˇ ma kʼaˇ jaˆ-eu uˬ moˆ maˬ ehˇ, aˬ yawꞈ maꞈ neh tahˬ pahˬ aˬ ma mawˇ kawˇ-ahˇ kʼaˇ lawˇ kʼaˇ shehˇ-euˬ jawˇ duˬ doe ni maˬ ehˇ, tsawˇ shiˇ ga byah tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.

Doˆ-iˇ 25:8

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-eu gʼaˇ duˬ, ngaˬ-euˬ gʼaˇ duˬ muiˬ-eu shawˇ-eu sehˬ gʼawˆ tiˬ gʼawˆ aꞈ yawꞈ maꞈ ya tsoˆ meh.

1 Sahˬpaˬ 8:13

Mˬ maˬ maˬ byaˆ zaˇ ziˇ nawˇ bi jawˇ-eu gʼaˇ duˬ, muiˬ dui dui-eu Uˬ duˬ tahˬ nymˇ nymˇ ma tiˬ nymˇ, nymˬ-mˇ ngaˇ tsoˆ gʼaˬ-euˬ ma.”

2 Sahˬpaˬ 16:4

Gawˬ duˇ uˬ du hawˇ-eu aˇ bawˇ naˇ shmˇ kʼaˇ muiˬ gaˇ jaˆ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ, aˬ yawꞈ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

Jaceuq 68:17

Mahˬ laˆ lawˬ aˇ heˇ aˇ muiˇ laˇ teh-awˇ, Siˇnaˆ gawˬ jawˬ-ahˇ neh muiˬ-eu shawˇ-eu jawˇ duˬ-ahˇ, Sahˬpaˬ Miˬyehˇ oe tehꞈ-a.

Miˇkaˬ 4:7

Aˬ yawꞈ maꞈ-aˬ, aˬ kuiˇ kuiˇ tawˆ bi dawˆ-awˇ, iˇ kahˇ-ahˇ gʼawˬ mahˇ kaˬ gaˇ jawˇ luꞈ meh. Ehˇ kʼawꞈ, dzeˇ yaꞈ-euˬ deuˬ-ahˇ ngaˇ yaw shuiꞈ shuiꞈ-ehˇ aˇ dahˬ paˇ beh nehˬ-awˇ, huiˬ-eu tsawˇ jeuˬ paˇ bi pyeuꞈ laˇ ma. Kʼoeˇ ngeh neh naˇ, Ziˇoˬ gawˬ jawˬ-ahˇ neh aˬ yawꞈ maꞈ-ahˇ ngaˇ mˬ maˬ maˬ byaˆ zaˇ ziˇ uˆ lahˇ ma.”

Zaˬkaˬliˇ 13:3

Tsawˇ haˬ tiˬ gʼaˬ na Miˬyehˇ gʼaˇ duˬ ngehˬ dah-eu gʼaˬ paˇ geuꞈ laˇ naˇ, ‘Nawˇ Sahˬpaˬ Miˬyehˇ-euˬ dawˬ ngehˬ dah-eu ma lehˇ ehˇ-awˇ jaˬ myawꞈ myawꞈ-eu miˇ neh ya shiˇ tehꞈ-a’ lehˇ aˬ yawꞈ-euˬ zaˬ baw aˬ ma aˬ da aˬ yawꞈ-ahˇ ehˇ tehꞈ-a. Aˬ yawꞈ miˬyehˇ gʼaˇ duˬ ngehˬ dah ngeh, aˬ yawꞈ-euˬ zaˬ baw aˬ ma aˬ da aˬ yawꞈ-ahˇ tsawˆ sehꞈ tehꞈ-a.