Yeˬsaˬgeˬlaˇ 43:4 - Akha

⁴ Yaw shehꞈ kʼahˬ sehˇ kʼoeˇ nahˇ ma doˆ kʼehˬ paw jaˆ-eu lahˇ kʼehˬ kʼoeˇ kʼehˬ-ahˇ neh, Uˬ duˬ tahˬ nymˇ nymˇ ma laꞈ kʼoeˇ uˇ-iˇ-euˬ meh.

Yeˬsaˬgeˬlaˇ 43:4 Referans Kwoze

Yeˬsaˬgeˬlaˇ 44:2

Sahˬpaˬ Miˬyehˇ ngaˬ-ahˇ ehˇ-eu, “Lahˇ kʼehˬ heu kʼehˬ-ahˇ tiˬ jawˇ-iˬ maˬ pah ni ya piˬ tehˬ taˬ meh. Tsawˇ haˬ zaˬ tiˬ gʼaˬ-iˬ lahˇ kʼehˬ heu kʼehˬ-ahˇ maˬ uˇ laˇ kʼmˬ-a. Aˬ jeˬ miˇ neh ehˇ naˇ, Iˇsaˬleˬlaˆ Miˬyehˇ pyeuꞈ-eu ngaˇ Sahˬpaˬ Miˬyehˇ lahˇ kʼehˬ heu kʼehˬ-ahˇ neh uˇ le-euˬ ma. Kʼoeˇ miˇ neh ya piˬ tehˬ taˬ meh.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Doˆ-iˇ 40:34

Kʼoeˇ naˇ, Sehˬ gʼawˆ-ahˇ mˬ dmˇ dehˬ kaˬ le-awˇ, Sahˬpaˬ Miˬyehˇ zaꞈ uˇ le-euˬ miˇ neh, aˬ yawꞈ-euˬ yaw shehꞈ kʼahˬ sehˇ Sehˬ gʼawˆ tiˬ byah ni jaˆ luꞈ-eu meh.

Yeˬsaˬgeˬlaˇ 1:28

Yaw shehꞈ kʼoeˇ laꞈ kʼoeˇ, aˇ deˇ leˇ kʼah loꞈ-ehˇ gʼeh-eu yaw shehꞈ gʼawˬ mya jeˬ ahˇ-eu meh. Kʼoeˇ-aˬ, Sahˬpaˬ Miˬyehˇ jawˇ-eu gaˇ kawˆ bi siˬ-eu naˇ guiˇ guiˇ laˇ-eu yaw shehꞈ pyeuꞈ-eu meh. Kʼoeˇ gaˇ ya mawˇ ngeh, ngaˇ moꞈ tsahˬ-ehˇ ga-iˇ-awˇ, dawˬ ngehˬ-eu teˇ saˇ ya gaˬ-euˬ ma.

Yeˬsaˬgeˬlaˇ 11:23

Kʼoeˇ naˇ Sahˬpaˬ Miˬyehˇ-euˬ yaw shehꞈ kʼahˬ sehˇ kʼoeˇ Yeˬluˇsaˬlehˬ meuˬ-ahˇ neh luˆ laˇ-awˇ, nahˇ ma doˆ kʼehˬ paw jaˆ-eu gawˬ jawˬ paw le-euˬ meh.

Yeˬsaˬgeˬlaˇ 43:1

Tsawˇ haˬ kʼoeˇ gʼaˬ ngaˬ-ahˇ nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ sheuˬ gʼeh nehˬ laꞈ-euˬ meh.

Yeˬsaˬgeˬlaˇ 44:4

Kʼoeˇ naˇ, laꞈ taˆ paw pyawˬ-ahˇ jaˆ-eu lahˇ kʼehˬ-ahˇ neh, Uˬ duˬ tahˬ nymˇ nymˇ ma mehˬ shi tsawˇ haˬ kʼoeˇ gʼaˬ ngaˬ-ahˇ sheuˬ gʼeh nehˬ laꞈ-euˬ meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, Sahˬpaˬ Miˬyehˇ-euˬ yaw shehꞈ kʼahˬ sehˇ tiˬ byah ni jaˆ gaˇ ngaˇ mawˇ-awˇ, baˬ ba miˇ tsa tuˆ ni awˆ byaˆ-euˬ ma.

Doˆ-iˇ 40:35

Kʼoeˇ miˇ neh, Sehˬ gʼawˆ laꞈ kʼoeˇ Moˇseˬ maˬ uˇ leˇ nya-a.

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Yeˬsaˬgeˬlaˇ 3:12

Kʼoeˇ naˇ, Miˬyehˇ-euˬ yaw sahˇ ngaˬ-ahˇ ciˬ tuˇ-awˇ, ngaˬ-euˬ naˇ kʼah paw dzeˇ, “Mˬ kʼoeˇ taˆ Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ ja ceuˬ-awˬ” lehˇ yaw kʼaˆ-ehˇ ehˇ-eu dawˬ ngaˇ ya gaˬ-euˬ ma.