Yeˬsaˬgeˬlaˇ 43:11 - Akha

¹¹ Aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ aˬ yawꞈ maꞈ shaꞈ dawˇ laˇ naˇ, Uˬ duˬ tahˬ nymˇ nymˇ ma aˬ joˆ-ehˇ tsoˆ-eu gaˇ kawˆ mehˬ duˬ nehˬ-awˬ. Jawˇ duˬ jawˇ zaˇ, uˇ leˇ kʼehˬ doˆ-iˇ kʼehˬ, pyawˬ naˬ aˇ gʼehˇ hawˇ-eu, taˬ duˬ taˬ zaˇ uˬ taꞈ, mˇ-eu shaˇ-eu zahˇ sahˇ kʼoꞈ dawˬ tawˆ luꞈ gʼoˆ shaw nya ni mehˬ duˬ nehˬ-awˬ. Aˇ duˬ aˇ deuˆ, taˬ duˬ taˬ zaˇ hawˇ-eu zahˇ sahˇ kʼoꞈ dawˬ tawˆ luꞈ aˬ yawꞈ maꞈ mˇ byah nya ni, kʼoeˇ deuˬ dawˬ tawˆ luꞈ sahˬ boꞈ duꞈ yawˇ ni boꞈ doˆ nehˬ-awˬ.

Yeˬsaˬgeˬlaˇ 43:11 Referans Kwoze

Yeˬsaˬgeˬlaˇ 36:27

Ngaˬ-euˬ yaw sahˇ naw maꞈ laꞈ kʼoeˇ bi jawˇ le-awˇ, ngaˬ-euˬ zahˇ dawˬ kʼoꞈ deuˬ hawˇ-eu ngaˬ neh biꞈ-euˬ dawˬ deuˬ-ahˇ naw maꞈ caw teh ni bi laˆ noeˬ ma.

Yeˬsaˬgeˬlaˇ 11:20

Kʼoeˇ ngeh jawˇ, ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ maꞈ caw teh-awˇ, ngaˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ tehꞈ-a. Aˬ yawꞈ maꞈ ngaˬ-euˬ tsawˇ jeuˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.

1 Gawˇliˬtu 11:2

Naw maꞈ ngaˬ-ahˇ aˬ myah luꞈ noeˬ keuˆ-awˇ, ngaˬ neh mehˬ taˬ tsoˆ taˬ yaꞈ-euˬ dawˬ deuˬ-ahˇ caw teh-eu miˇ neh, naw maꞈ-ahˇ ngaˇ ja ceuˬ-eu ma.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Yeˬsaˬgeˬlaˇ 12:3

“Tsawˇ haˬ zaˬ-oˇ, aˬ cawˬ miˇ kʼahˬ-ahˇ cehˆ-euˬ tsawˇ haˬ loꞈ-ehˇ, myawˬ kuˬ shaˇ dawˆ-awˇ, uˬ ciꞈ maˬ zahˇ le mi naˆ-ehˇ doˆ-iˇ-awˬ. Nawˇ pawˇ-iˇ-eu yawˬ gʼaˬ na luꞈ-ahˇ bi mawˇ-awˬ. Ngaˬ-ahˇ puiˬ-eu tsawˇ haˬ kʼoeˇ deuˬ mawˇ luꞈ-uˇ.

Yeˬsaˬgeˬlaˇ 43:10

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ Uˬ duˬ tahˬ nymˇ nymˇ ma gaˇ kawˆ dzawˇ duˬ nehˬ-awˇ, aˬ joˆ-ehˇ ya tsoˆ-eu gaˇ kawˆ bi shaˇ noeˬ-awˬ. Aˬ yawꞈ maꞈ neh mˇ-euˬ iˬ baˇ-ahˇ aˬ yawꞈ maꞈ shaꞈ dawˇ-iˇ ni ja nehˬ-awˬ.