Yeˬsaˬgeˬlaˇ 43:10 - Akha

¹⁰ “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ Uˬ duˬ tahˬ nymˇ nymˇ ma gaˇ kawˆ dzawˇ duˬ nehˬ-awˇ, aˬ joˆ-ehˇ ya tsoˆ-eu gaˇ kawˆ bi shaˇ noeˬ-awˬ. Aˬ yawꞈ maꞈ neh mˇ-euˬ iˬ baˇ-ahˇ aˬ yawꞈ maꞈ shaꞈ dawˇ-iˇ ni ja nehˬ-awˬ.

Yeˬsaˬgeˬlaˇ 43:10 Referans Kwoze

Yeˬsaˬgeˬlaˇ 40:4

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”

Yeˬsaˬgeˬlaˇ 43:11

Aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ aˬ yawꞈ maꞈ shaꞈ dawˇ laˇ naˇ, Uˬ duˬ tahˬ nymˇ nymˇ ma aˬ joˆ-ehˇ tsoˆ-eu gaˇ kawˆ mehˬ duˬ nehˬ-awˬ. Jawˇ duˬ jawˇ zaˇ, uˇ leˇ kʼehˬ doˆ-iˇ kʼehˬ, pyawˬ naˬ aˇ gʼehˇ hawˇ-eu, taˬ duˬ taˬ zaˇ uˬ taꞈ, mˇ-eu shaˇ-eu zahˇ sahˇ kʼoꞈ dawˬ tawˆ luꞈ gʼoˆ shaw nya ni mehˬ duˬ nehˬ-awˬ. Aˇ duˬ aˇ deuˆ, taˬ duˬ taˬ zaˇ hawˇ-eu zahˇ sahˇ kʼoꞈ dawˬ tawˆ luꞈ aˬ yawꞈ maꞈ mˇ byah nya ni, kʼoeˇ deuˬ dawˬ tawˆ luꞈ sahˬ boꞈ duꞈ yawˇ ni boꞈ doˆ nehˬ-awˬ.

Yeˬsaˬgeˬlaˇ 16:61

Nawˬ-euˬ aˬ yuiꞈ hawˇ-eu aˬ nyiˇ kʼoeˇ nyiˬ gʼaˬ nawˬ-ahˇ ngaˇ biꞈ kʼoꞈ ngeh, nawˬ neh dehꞈ dzeuˇ mˇ dzeuˇ yaꞈ-euˬ jeˬ-ahˇ nawˇ noeˬ mawˇ-awˇ ya shaꞈ dawˇ tehꞈ-a. Ngaˇ nawˬ nehˬ-ehˇ dzaˬ taˬ-eu dawˬ ma saˇ jaˇ laꞈ kʼoeˇ maˬ ehˇ taˬ-euˬ kʼawꞈ, aˬ nyaꞈ nmˇ-ahˇ nawˬ-euˬ aˬ buˇ loꞈ-ehˇ nawˬ-ahˇ biꞈ-eu ma.

Yeˬsaˬgeˬlaˇ 16:63

Nawˬ neh kʼaˇ mˇ kʼaˇ shaˇ lehˬ-euˬ jeˬ-ahˇ ngaˇ iˬ baˇ pyehˬ nehˬ ma. Ehˇ kʼawꞈ nawˬ-euˬ yaw lehˬ-ahˇ nawˇ noeˬ mawˇ-awˇ, kʼaˬ meh maˬ mˇ nga peuˬ ni shaꞈ dawˇ dui dui tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Lormav 6:21

Nymˬ-mˇ naw maꞈ nui daˆ daˆ luꞈ-eu gaˇ kʼoeˇ deuˬ-ahˇ naw maꞈ mˇ-euˬ miˇ neh aˬ jeˬ za ta. Shiˇ-eu jeˬ-ahˇ za-eu tehꞈ meh.

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

1 Laˬsaˬbaˬ 28:11

Uˬ duˬ tahˬ nymˇ nymˇ ma tsoˆ-eu gʼaˇ duˬ aˇ kawˆ kawˆ taˬ-euˬ jeˬ dawˬ tawˆ luꞈ, Sawˇlaˬmoˬ-ahˇ Daˬbiˇ biꞈ nehˬ-euˬ meh. Myawˬ gahˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˇ lawˆ nui deuˬ tsoˆ-eu gʼaˇ duˬ maˬ ehˇ, iˬ baˇ pyehˬ nehˬ-eu jawˇ duˬ pyeuꞈ-eu Muiˬ dui shawˇ dui dui-eu aˇ lawˆ tsoˆ-eu gʼaˇ duˬ maˬ ehˇ, aˇ kawˆ kʼaˇ kawˆ taˬ-euˬ yawˬ jeˬ na luꞈ aˬ yawꞈ-ahˇ biꞈ nehˬ-euˬ meh.

Doˆ-iˇ 25:40

Heu deuˬ dawˬ tawˆ luꞈ-ahˇ, ngaˬ neh nawˬ-ahˇ gawˬ jawˬ kʼoeˇ taˆ kʼaˇ mehˬ nehˬ-euˬ loꞈ-ehˇ, maˬ bi beu-iˇ ni jahˇ-awˬ.

Yeˬsaˬgeˬlaˇ 28:12

“Tsawˇ haˬ zaˬ-oˇ, Duˇlu sahˬ paˬ gʼaˇ duˬ tsawˇ ngoeˇ ngoeˇ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, aˬ yawꞈ-ahˇ ehˇ nehˬ-awˬ. “Nawˇ yawˬ jeˬ na byah dui dui-awˇ, tiˬ pawꞈ-iˬ ehˇ kʼaˇ maˬ za-a. Aˇ gʼehˇ muiˬ dui dui-eu uˬ taꞈ, zaˬ siˬ tsawˇ gahˇ byah dui dui meh.

Yeˬsaˬgeˬlaˇ 44:5

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, nawˇ kʼaˇ ya gaˬ kʼaˇ ya mawˇ-euˬ jeˬ-ahˇ yaw muiˬ paˬ-ehˇ noeˬ taˬ juiˇ taˬ-awˬ. Uˬ duˬ tahˬ nymˇ nymˇ ma-ahˇ taꞈ leˇ-eu zahˇ sahˇ kʼoꞈ deuˬ, ngaˇ nawˬ-ahˇ ehˇ nehˬ-eu lehˇ gʼeh-eu ma. Aˬ joˆ-ehˇ gʼeh-eu tsawˇ haˬ deuˬ uˇ leˇ kʼmˬ-awˇ, aˬ joˆ-ehˇ gʼeh-eu tsawˇ haˬ deuˬ maˬ uˇ leˇ kʼmˬ-eu gaˇ kawˆ, yaw duˬ duˬ-ehˇ noeˬ taˬ juiˇ taˬ-awˬ.

Yawˇshuˆ 22:28

Nga maꞈ heu loꞈ-ehˇ noeˬ-eu ma. Aˬ kaˇ, nga maꞈ-ahˇ maˬ ehˇ, nga maꞈ-euˬ zaˬ deuˬ uˆ deuˬ-ahˇ maˬ ehˇ, kʼoeˇ loꞈ-ehˇ ehˇ laˇ naˇ, nga maꞈ-euˬ zaˬ deuˬ uˆ deuˬ heu loꞈ-ehˇ ehˇ kʼoꞈ nehˬ nya tehꞈ-a. ‘Haw yawˬ. Sahˬpaˬ Miˬyehˇ-euˬ lawˇ duˬ-ahˇ duˇ-eu lawˇ duˬ tiˬ hmˬ nga maꞈ-euˬ aˬ poeˬ aˬ bawˇ deuˬ neh gawˬ taˬ yaꞈ-euˬ meh. Kʼoeˇ-aˬ, lawˇ-eu shehˇ-eu gʼaˇ duˬ maˬ ngeuˇ-ehˇ, nga maꞈ tsawˇ jeuˬ hawˇ-eu naw maꞈ tsawˇ jeuˬ yaw kaˬ-ahˇ saˇ kiˇ bi pyeuꞈ-eu gʼaˇ duˬ meh’ lehˇ ehˇ kʼoꞈ nehˬ nya tehꞈ-a.