Yeˬsaˬgeˬlaˇ 42:4 - Akha

⁴ Nymˇ kʼoeˇ nymˇ-euˬ pyawˬ ma laꞈ taˆ paw pyawˬ caw caw-ehˇ, yaw jeˇ paw nyiˬ lmˇ nui paˆ hawˇ-eu yaw mahˇ paw nyiˬ tseˇ ngaˬ lmˇ byah-eu gaˇ ma jahˇ taˬ-awˇ, laˇ gʼoˆ deuˬ kʼawꞈ kʼoeˇ pyawˬ-ahˇ jahˇ ahˇ taˬ-euˬ meh.

Yeˬsaˬgeˬlaˇ 42:4 Referans Kwoze

Yeˬsaˬgeˬlaˇ 46:19

Kʼoeˇ naˇ, laꞈ oˆ paw pyawˬ-ahˇ neh laꞈ kʼoeˇ pu kaˬ-ahˇ uˇ leˇ-eu lahˇ kʼehˬ dawˬ peh, laꞈ taˆ paw pyawˬ-ahˇ mehˬ shiˬ pyawˇ-ehˇ tsoˆ taˬ-euˬ kuˆ lawˆ deuˬ-euˬ gʼoˆ kʼehˬ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ gʼeh nehˬ laꞈ-euˬ meh. Kuˆ lawˆ kʼoeˇ deuˬ-aˬ, piˇ ma deuˬ-euˬ muiˬ-eu shawˇ-eu kuˆ lawˆ deuˬ meh. Kuˆ lawˆ kʼoeˇ deuˬ-euˬ nahˇ ma ga kʼehˬ paw dzeˇ tsahˇ-ahˇ aˬ yawꞈ laꞈ noeˇ toeˬ ceh-eu meh.

Luˇkaꞈ 13:24

“Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

Maꞈtehˬ 7:14

Ehˇ kʼawꞈ, dehˬ-eu saꞈ laˇ gaˇ ma-euˬ gʼoˆ kʼehˬ-aˬ, suꞈ dui dui-awˇ, gaˇ ma shaˬ dui dui-eu miˇ neh, gaˇ ma kʼoeˇ kahˇ poˆ mawˇ-eu tsawˇ haˬ yaw cuiˆ meh.

Yeˬsaˬgeˬlaˇ 42:1

Kʼoeˇ naˇ, tsawˇ haˬ kʼoeˇ gʼaˬ ngaˬ-ahˇ laꞈ nyiˇ pu kaˬ paw sheuˬ doˆ gʼeh-awˇ, Uˬ duˬ tahˬ nymˇ nymˇ ma-euˬ laꞈ taˆ paw dzeˇ pyawˬ-ahˇ jaˆ-eu nymˇ tiˬ nymˇ-ahˇ sheuˬ gʼeh nehˬ laꞈ-euˬ meh. Nymˇ kʼoeˇ nymˇ-aˬ, uˬ duˬ tahˬ nymˇ nymˇ ma-euˬ nahˇ ma ga kʼehˬ paw dzeˇ dzeˇ saˬ jaˆ-eu nymˇ nehˬ-ehˇ maˬ kaˬ maˬ kaˇ-ehˇ jaˆ-eu meh.

Yeˬsaˬgeˬlaˇ 42:11

Nymˇ kʼoeˇ nymˇ-euˬ aˇ lawˆ deuˬ-euˬ mehˬ shi, laꞈ taˆ paw pyawˬ-ahˇ tsoˆ taˬ-euˬ aˇ lawˆ deuˬ-euˬ mehˬ shi, nymˇ loꞈ-ehˇ gaˇ ma dahˇ-eu meh. Yaw mahˇ hawˇ-eu yaw jeˇ paw maˬ ehˇ, nymˇ-euˬ aˇ gʼehˇ maˬ ehˇ, gʼoˆ kʼehˬ deuˬ maˬ ehˇ, laꞈ taˆ paw pyawˬ-ahˇ jaˆ-eu nymˇ-ahˇ duˇ-eu meh.