Yeˬsaˬgeˬlaˇ 4:3 - Akha

³ Kʼoeˇ naˇ, shmˇ shmˇ byaˆ tiˬ byaˆ yuˇ-awˇ, nawˇ hawˇ-eu meuˬ-euˬ yaw kaˬ-ahˇ ciˬ taw taˬ-awˬ. Meuˬ-ahˇ mehˬ shiˬ pyawˇ-awˇ jawˇ-awˬ. Nawˇ-aˬ, meuˬ-ahˇ loꞈ jawˬ-eu gʼaˬ meh. Heu-aˬ, Iˇsaˬleˬlaˆ tsawˇ jeuˬ gʼaˇ duˬ yaw jeˬ ma jeˬ pyeuꞈ-eu meh.

Yeˬsaˬgeˬlaˇ 4:3 Referans Kwoze

Yeˬsaˬgeˬlaˇ 12:6

Nawˬ-euˬ myaˆ nuiˆ kaꞈ kaˬ-awˇ, nawˬ-euˬ myawˬ kuˬ baꞈ pu kʼoeˇ taˆ baꞈ-awˇ, yaw zahˇ laꞈ kʼoeˇ nawˇ doˆ-iˇ luꞈ gaˇ aˬ yawꞈ maꞈ bi mawˇ-awˬ. Nawˇ kʼoeˇ loꞈ-ehˇ jahˇ-eu-aˬ, Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu jeˬ pyeuꞈ tehꞈ-a.”

Iˇsaˬyaˇ 20:3

Aˬshuˇliˆ tsawˇ haˬ deuˬ neh Aˬshaˬdoˇ meuˬ-ahˇ deuˆ gʼaˬ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, doe doe-ehˇ cah luꞈ-eu smˇ kʼoꞈ byah laˇ-euˬ meh. Heu-aˬ, Iˇjiˇtuˆ miˇ kʼahˬ hawˇ-eu Suˬdaˬ miˇ kʼahˬ kʼoeˇ taˆ keuˆ le-eu lehˇ gʼeh-eu jeˬ gaˇ kawˆ bi siˬ bi mawˇ-eu jeˬ meh.

Iˇsaˬyaˇ 8:18

Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

Yeˬsaˬgeˬlaˇ 12:11

Nawˬ neh mˇ-euˬ jeˬ-aˬ, aˬ yawꞈ maꞈ-ahˇ aˬ joˆ-ehˇ keuˆ le-eu gaˇ kawˆ bi siˬ bi mawˇ-eu jeˬ pyeuꞈ-eu ma lehˇ ehˇ nehˬ-awˬ. Aˬ yawꞈ maꞈ-aˬ, aˬ cawˬ-euˬ miˇ kʼahˬ-ahˇ bi nyehꞈ byoˆ gʼeh jiˇ tehꞈ-a.

HeˬByehˇ 2:4

Miˬyehˇ aˬ yawꞈ kʼawꞈ, aˬ yawꞈ nui ma kʼaˇ tsaˬ-eu loꞈ-ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ-eu uˬ taꞈ, Yaw sahˇ Miˬyehˇ neh biꞈ-euˬ laꞈ sawˬ deuˬ-ahˇ bi za-eu laꞈ kʼoeˇ, aˬ yawꞈ maꞈ nehˬ-ehˇ saˇ kiˇ caw kamˬ luꞈ-eu meh.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Yeˬlaˬmiˇ 39:1

Zeˬdaˬkiˇ Yuˇdaˆ sahˬ paˬ geuꞈ-euˬ gʼoeˬ kʼoꞈ tiˬ kʼoꞈ ba la tseˇ siˬ tiˬ siˬ-ahˇ, Baˬbuˇloˬ sahˬ paˬ Neˬbuˬkaˬneˬzaˬ gʼaˬ, aˬ yawꞈ-euˬ guiˇ maꞈ dawˬ tawˆ luꞈ sheuˬ-awˇ, Yeˬluˇsaˬlehˬ meuˬ-ahˇ guiˇ deuˆ le-euˬ meh.

Uˬ duˬ 2:5

Mui za kʼoeˇ taˆ laˆ jaꞈ-euˬ kaˬ muˇ lawˇ ngeh, kaˬ muˇ kʼoeˇ-ahˇ, cehˇ meu hawˇ-eu saˬ loˬ tsiˇ keuˬ-awˇ, dehˬ tseˬ maˬ dawˆ ni ya jahˇ meh.

Yeˬlaˬmiˇ 39:2

Zeˬdaˬkiˇ sahˬ paˬ geuꞈ-euˬ tseˇ tiꞈ kʼoꞈ tiˬ kʼoꞈ ba la oeˬ siˬ tiˬ siˬ gʼoeˬ nah-ahˇ, meuˬ meuˬ lahˇ byaˆ le-euˬ meh.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Daˬyeˬlaˇ 11:17

“Suˇliˆ sahˬ paˬ-aˬ, aˬ yawꞈ-euˬ guiˇ maꞈ dawˬ tawˆ luꞈ zmˬ-awˇ, guiˇ yaw kawˇ-ehˇ deuˆ gʼaˬ nya ni lehˬ hmˬ tehꞈ-a. Kʼoeˇ naˇ, aˬ yawꞈ-ahˇ muiˇ-eu gʼaˬ-euˬ miˇ kʼahˬ-ahˇ laˆ cawˆ-eu gʼaˇ duˬ, saˇ jaˇ dzaˬ taꞈ-eu laꞈ kʼoeˇ, aˬ yawꞈ-euˬ aˬ buˇ bi mˇ dzaˬ-iˇ-eu lehˇ aˇ kawˆ kawˆ tehꞈ-a. Ehˇ kʼawꞈ, aˬ yawꞈ neh noeˬ-euˬ loꞈ-ehˇ maˬ mˇ pyeuꞈ nya-aˇ.

Iˇsaˬyaˇ 22:7

Miˇ tsaˬ miˇ muiˬ muiˬ-eu Yuˇdaˆ miˇ kʼahˬ deh kʼawꞈ deuˬ-ahˇ, mahˬ laˆ lawˬ byah jiˇ-awˇ, Yeˬluˇsaˬlehˬ meuˬ lahˇ mehˬ shi, mahˬ dziˬ-eu yehˇ deuˬ yawꞈ luꞈ meh.