Yeˬsaˬgeˬlaˇ 4:16 - Akha

¹⁶ Kʼoeˇ naˇ, aˬ yawꞈ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, Yeˬluˇsaˬlehˬ meuˬ-ahˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ ma. Yawˬ ha dzaˬ-eu gʼaˇ duˬ dzaˬ dzaˬ dawˇ dawˇ hawˇ-eu iˇ cuꞈ nym le-eu gaˇ haw haw-ehˇ, kʼoeˇ gaˇ jawˇ-eu tsawˇ haˬ deuˬ noeˬ shaˬ-awˇ nui ma cawˆ dui dui tehꞈ-a.

Yeˬsaˬgeˬlaˇ 4:16 Referans Kwoze

Yeˬsaˬgeˬlaˇ 5:16

Nawˇ jawˇ gaˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ-awˇ, bi mehꞈ bi shuꞈ ma. Naw maꞈ-ahˇ bi laˆ cawˆ-eu gʼaˇ duˬ pyehˬ gʼeh leꞈ-euˬ taˆ dui dui-eu kaˆ myaˬ loꞈ-ehˇ, mehꞈ-eu shuꞈ-eu jeˬ-euˬ shaˬ zahˬ naw maꞈ ya daˬ tehꞈ-a.

Iˇsaˬyaˇ 3:1

Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Yeˬsaˬgeˬlaˇ 14:13

“Tsawˇ haˬ zaˬ-oˇ, miˇ kʼahˬ tiˬ kʼahˬ iˬ baˇ mˇ-awˇ ngaˬ-ahˇ saˇ jaˇ maˬ ziꞈ naˇ, ngaˬ-euˬ aˬ laꞈ cawˬ ja-awˇ, aˬ yawꞈ maꞈ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ nehˬ ma. Mehꞈ-eu shuꞈ-eu jeˬ bi keuˆ le-awˇ, tsawˇ haˬ maˬ ehˇ, jeˬ zaˬ maˬ ehˇ, bi shiˇ ma.

Jaceuq 105:16

Mehꞈ-eu shuꞈ-eu jeˬ aˬ yawꞈ maꞈ miˇ kʼahˬ kʼoeˇ taˆ, Sahˬpaˬ Miˬyehˇ neh bi keuˆ le-awˇ, dzaˬ dzaˬ dawˇ dawˇ bi byoˆ-iˇ-euˬ meh.

Ngoeˇ dawˬ 5:9

Bawˇ tsahˬ-ahˇ mi cehˇ dzoeˬ luꞈ ngeh, uˬ kʼawˇ daˬ-awˇ ya poˆ dzaˬ nya.

Ngoeˇ dawˬ 1:11

Yawꞈ-euˬ tsawˇ haˬ deuˬ mahˇ mahˇ-ehˇ, kʼaˬ meh-ahˇ dzaˬ-eu poˆ luꞈ meh. Aˬ yawꞈ maꞈ maˬ ya shiˇ tsehˆ ni, pyuˇ shuiˇ neh hawˬ paˇ dzaˬ-eu meh. “Ngaˬ-euˬ shaˬ zahˬ naꞈ dui dui gaˇ, Sahˬpaˬ Miˬyehˇ haw nehˬ laꞈ sheˇ.

Jaceuq 60:3

Nawˬ-euˬ tsawˇ haˬ deuˬ ya shaˬ ya zahˬ dui dui ni, nawˇ jahˇ nehˬ laꞈ-euˬ meh. Jiˇ baˬ dawˇ yehꞈ-awˇ shaˬ-eu loꞈ-ehˇ, nga maꞈ coˬ coˬ-ehˇ cah-eu ma.

Panmaeq 6:5

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ smˇ hmˬ tiˬ hmˬ ngawˬ paˆ-euˬ meh. Kʼoeˇ ngeh, dehꞈ luꞈ-eu jeˬ zaˬ oeˬ mawˇ tiˬ mawˇ “Laˇ-awˬ” lehˇ ehˇ gaˇ ngaˇ ya gaˬ-euˬ ma. Mahˬ dziˬ-eu gʼaˬ-euˬ aˬ laꞈ-ahˇ paˆ yawˬ tuˆ tehˬ taˬ-euˬ meh.

Yeˬlaˬmiˇ 52:6

Kʼoeˇ ngeh kʼoꞈ ba la oeˬ siˬ tiˬ siˬ gʼoeˬ nah tiˬ nah-ahˇ, mehꞈ dui shuꞈ dui dui-eu miˇ neh, dzaˬ-eu tiˬ jeˬ-iˬ maˬ jaˆ-ehˇ pyeuꞈ laˇ ngeh,

Ngoeˇ dawˬ 5:4

Iˇ cuꞈ-ahˇ keuˆ ya zeuˇ dawˇ-awˇ, miˬ dzaˬ-ahˇ keuˆ zeuˇ doꞈ luꞈ ma.

Yeˬsaˬgeˬlaˇ 4:15

Kʼoeˇ ngeh, “Toˆ-ehˇ ngeuˇ naˇ, tsawˇ haˬ-euˬ keˬ dah zaˇ, mawˇ neˇ keˬ gʼoˆ doꞈ-awˇ hawˬ tahˬ puiˆ dzaˬ-awˬ” lehˇ, Miˬyehˇ ehˇ-eu meh.

Aˬmoˆ 4:8

Meuˬ gʼawˬ mya meuˬ-ahˇ jawˇ-eu tsawˇ haˬ deuˬ iˇ cuꞈ mehꞈ-eu laꞈ kʼoeˇ gʼaˬ baˬ laˇ taˬ-awˇ, iˇ cuꞈ ya mawˇ tehꞈ-a lehˇ noeˬ-eu meuˬ tiˬ meuˬ-ahˇ aˬ yawꞈ maꞈ le-eu meh. Ehˇ kʼawꞈ, kʼoeˇ gaˇ iˇ cuꞈ tiˬ dehˆ maˬ ya dawˇ-a. Kʼoeˇ naˆ naˆ-ehˇ pyeuꞈ laˇ taˬ-euˬ kʼawꞈ, ngaˇ jawˇ gaˇ naw maꞈ maˬ gʼoꞈ poˆ laˇ-a.

2 Sahˬpaˬ 6:25

Kʼoeˇ loꞈ-ehˇ loꞈ jawˬ taˬ-euˬ baˬ da neh, meuˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, mahˬ tahˬ laˆ uˬ duˬ tiˬ siˬ-euˬ pyuˇ maˇ byaˆ yehꞈ tseˇ byaˆ poeˬ keuˆ-awˇ, nuiˆ gahˬ tiˬ kaˇ saˆ-euˬ pyuˇ maˇ byaˆ ngaˬ byaˆ poeˬ keuˆ-euˬ meh.

2 Sahˬpaˬ 25:3

Kʼoeˇ ngeh kʼoꞈ ba la oeˬ siˬ tiˬ siˬ tseˇ nah tiˬ nah-ahˇ, meuˬ laꞈ kʼoeˇ mehꞈ dui shuꞈ dui dui laˇ-awˇ, dzaˬ-eu maˬ jaˆ-ehˇ pyeuꞈ laˇ taˬ-euˬ meh.