Yeˬsaˬgeˬlaˇ 4:14 - Akha

¹⁴ Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

Yeˬsaˬgeˬlaˇ 4:14 Referans Kwoze

Gʼaˬkʼehˇ 10:14

Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Yeˬsaˬgeˬlaˇ 20:49

Ehˇ kʼawꞈ, ngaˇ heu loꞈ-ehˇ shaˇ ju-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-ahˇ kʼoeˇ loꞈ-ehˇ taˬ bi ehˇ-iˇ neh laꞈ. Ngaˇ aˬ myah luꞈ dawˬ yehˆ tehꞈ-ehˇ yehˆ yehˆ-ehˇ jawˇ meh lehˇ aˬ yawꞈ maꞈ ehˇ luꞈ meh.”

Yeˬsaˬgeˬlaˇ 9:8

Tsawˇ haˬ sehꞈ dui dui luꞈ ngeh, ngaˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu ma. Ngaˇ moꞈ tsahˬ-ehˇ miˇ tsa coˬ lah-awˇ “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ cawˬ miˇ kʼahˬ-ahˇ maˬ bi nyehꞈ byoˆ gʼeh ni, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ yaꞈ-euˬ tsawˇ haˬ dawˬ tawˆ luꞈ-ahˇ sehꞈ jiˇ paˬ-ehˇ, Yeˬluˇsaˬlehˬ meuˬ-ahˇ nawˇ teuˆ naˆ naˆ-ehˇ nui ma pehˇ te loˇ” lehˇ guˇ-euˬ ma.

Yeˬlaˬmiˇ 1:6

Kʼoeˇ ngeh ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ dawˬ ngehˬ tsaˬ maˬ siˬ-ehˇ, aˇ kʼoꞈ kʼawꞈ maˬ zeh laˇ nyaˬ siˬ.”

Iˇsaˬyaˇ 65:4

Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.

Dawˬmehˬ 14:3

“Sahˬpaˬ Miˬyehˇ neh maˬ shawˇ-a lehˇ ehˇ taˬ-euˬ jeˬ tiˬ jeˬ-iˬ taˬ dzaˬ.

Iˇsaˬyaˇ 66:17

Sahˬpaˬ Miˬyehˇ heu loꞈ-ehˇ ehˇ-eu meh. “Lawˇ ciꞈ zaˬ-euˬ uˬ duˬ tahˬ-eu zahˇ sahˇ kʼoꞈ-ahˇ gʼoe-eu laꞈ kʼoeˇ gʼawˇ mawˇ shawˇ-awˇ, muiˬ-eu shawˇ-eu yaˇ kmˇ-ahˇ aˬ cawˬ-euˬ mehˬ nah caw teh-iˇ-eu uˬ taꞈ, aˬ zaꞈ shaˬ jiˇ, ho caꞈ hawˇ-eu maˬ dzaˬ kʼmˬ-eu dzaˇ deuˬ dzaˬ-eu tsawˇ haˬ deuˬ gʼaˇ duˬ, aˇ saˬ saˬ-eu aˇ nah aˇ yamˬ peh le luꞈ meh.

Uˬ duˬ 17:15

Iˇsaˬleˬlaˆ tsawˇ haˬ maˬ kaˬ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, tsawˇ haˬ tiˬ gʼaˬ na, aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ deuˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, dzaˬ naˇ, aˬ yawꞈ-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh. Kʼoeˇ uˬ taꞈ, aˬ yawꞈ-aˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Doˆ-iˇ 22:31

“Naw maꞈ-aˬ, ngaˬ-euˬ tsawˇ haˬ pyeuꞈ-eu miˇ neh, bawˇ tsahˬ jeˬ zaˬ yaw gʼeh deuˬ neh kawꞈ sehꞈ-euˬ jeˬ zaˬ shaˬ jiˇ maˬ ya dzaˬ-a. Shaˬ jiˇ kʼoeˇ deuˬ aˬ kuiˬ-ahˇ ya bi dzaˬ meh.

Yeˬsaˬgeˬlaˇ 44:31

Aˇ jiˇ shaˬ jiˇ, aˬ yawˇ yawꞈ shiˇ-euˬ jeˬ zaˬ shaˬ jiˇ hawˇ-eu, jeˬ zaˬ cawˬ cawˬ laˆ sehꞈ-euˬ shaˬ jiˇ, piˇ ma deuˬ maˬ ya dzaˬ-a.”

Uˬ duˬ 19:7

Aˬ jeˬ miˇ neh ehˇ naˇ, shaˬ jiˇ kʼoeˇ-aˬ, maˬ shawˇ-eu shaˬ jiˇ pyeuꞈ-iˇ-euˬ meh. Tsawˇ haˬ tiˬ gʼaˬ na shaˬ jiˇ kʼoeˇ dzaˬ naˇ, lawˇ-eu jeˬ-ahˇ ngaˇ maˬ paˇ ha geuꞈ nya meh.

Uˬ duˬ 22:8

Aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, aˬ yawꞈ maˬ ya dzaˬ-a. Kʼoeˇ loꞈ-ehˇ dzaˬ naˇ, yawˬ haˇ yawˬ ha maˬ shawˇ-ehˇ pyeuꞈ-iˇ ni jahˇ gaˇ duˇ-eu meh. Ngaˇ-aˬ, Sahˬpaˬ Miˬyehˇ ma.

Dawˬmehˬ 14:21

“Aˬ yawˇ yawꞈ shiˇ-euˬ jeˬ zaˬ deuˬ naw maꞈ maˬ dzaˬ kʼmˬ-a. Naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ bi dzaˬ nya meh. Maˬ ngeuˇ naˇ, boeˇ miˬ siˬ kʼaˬ nui deuˬ-ahˇ ahˬ nehˬ nya meh. Ehˇ kʼawꞈ, naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taꞈ-awˇ, aˬ yawꞈ-euˬ tsawˇ jeuˬ pyeuꞈ-eu meh. “Yawˇ zaˬ hawˇ-eu ciꞈ myehꞈ ciꞈ zaˬ-ahˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.

Yeˬsaˬgeˬlaˇ 4:15

Kʼoeˇ ngeh, “Toˆ-ehˇ ngeuˇ naˇ, tsawˇ haˬ-euˬ keˬ dah zaˇ, mawˇ neˇ keˬ gʼoˆ doꞈ-awˇ hawˬ tahˬ puiˆ dzaˬ-awˬ” lehˇ, Miˬyehˇ ehˇ-eu meh.

Daˬyeˬlaˇ 1:8

Sahˬ paˬ-euˬ hawˇ nymˇ-ahˇ jaˆ-eu dzaˇ hawˇ-eu aˬ gaꞈ dzaˇ uiˇ deuˬ-ahˇ dzaˬ-eu dawˇ-eu laꞈ kʼoeˇ, aˬ yawꞈ-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ jahˇ lehˇ, Daˬyeˬlaˇ noeˬ tsehˆ-euˬ meh. Kʼoeˇ miˇ neh, aˬ yawꞈ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, sahˬ paˬ hawˇ nymˇ-ahˇ dzaˬ-eu dzaˇ deuˬ maˬ dzaˬ ni ya jawˇ-eu gʼaˇ duˬ, Aˬshaˇpeˬnaˆ-ahˇ aˬ yawꞈ shaˇ-euˬ meh.

Doˆ-iˇ 22:30

Dehꞈ beh beh le-euˬ naw maꞈ-euˬ mawˇ neˇ deuˬ hawˇ-eu yawˇ deuˬ, ngaˬ-ahˇ ya biꞈ laꞈ meh. Jeˬ zaˬ deuˬ laꞈ kʼoeˇ, dehꞈ beh beh le-euˬ aˬ buˬ deuˬ-ahˇ, shiꞈ nah keuˆ ni aˬ ma mawˇ nehˬ-ehˇ maˬ gʼawˬ-iˇ ni bi jawˇ-awˇ, yehꞈ nah tiˬ nah keuˆ laˇ naˇ, ngaˬ-ahˇ ya lawˇ meh.