Yeˬsaˬgeˬlaˇ 4:10 - Akha

¹⁰ Tiˬ nah-euˬ hawˬ tahˬ tiˬ kaˇ ngaˬ ja dzaˬ-awˇ, yawˬ nah yawˬ-ahˇ keuˆ ni ya dzahˬ keuˆ meh.

Yeˬsaˬgeˬlaˇ 4:10 Referans Kwoze

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Yeˬsaˬgeˬlaˇ 45:12

“Naw maꞈ-euˬ daˇ leuˇ-aˬ, heu loꞈ-ehˇ ya bi tsaˬ meh. Nyiˬ tseˇ geˬlahˬ-euˬ tiˬ sheˬgeˬ, koꞈ tseˇ sheˬgeˬ-euˬ tiˬ miˇ naˆ meh.

Yeˬsaˬgeˬlaˇ 14:13

“Tsawˇ haˬ zaˬ-oˇ, miˇ kʼahˬ tiˬ kʼahˬ iˬ baˇ mˇ-awˇ ngaˬ-ahˇ saˇ jaˇ maˬ ziꞈ naˇ, ngaˬ-euˬ aˬ laꞈ cawˬ ja-awˇ, aˬ yawꞈ maꞈ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ nehˬ ma. Mehꞈ-eu shuꞈ-eu jeˬ bi keuˆ le-awˇ, tsawˇ haˬ maˬ ehˇ, jeˬ zaˬ maˬ ehˇ, bi shiˇ ma.

Yeˬsaˬgeˬlaˇ 4:16

Kʼoeˇ naˇ, aˬ yawꞈ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, Yeˬluˇsaˬlehˬ meuˬ-ahˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ ma. Yawˬ ha dzaˬ-eu gʼaˇ duˬ dzaˬ dzaˬ dawˇ dawˇ hawˇ-eu iˇ cuꞈ nym le-eu gaˇ haw haw-ehˇ, kʼoeˇ gaˇ jawˇ-eu tsawˇ haˬ deuˬ noeˬ shaˬ-awˇ nui ma cawˆ dui dui tehꞈ-a.

Iˇsaˬyaˇ 3:1

Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Yeˬlaˬmiˇ 32:9

Haˬnaˬmeˬlaˇ-euˬ deh yaˇ kʼoeˇ kawˬ ngaˇ zeuˇ-awˇ, pyuˇ maˇ byaˆ tseˇ shiꞈ byaˆ gui nehˬ-euˬ ma.

Yeˬsaˬgeˬlaˇ 4:11

Tiˬ nah iˇ cuꞈ nyiˬ kʼmˬ taꞈ-ehˇ nawˇ maˬ ya dawˇ-a.

Yeˬsaˬgeˬlaˇ 12:18

“Tsawˇ haˬ zaˬ-oˇ, nawˇ dzaˬ ngeh dawˇ ngeh, guˆ-awˇ yaw dzuˬ dzuˬ-awˬ.