Yeˬsaˬgeˬlaˇ 39:6 - Akha

⁶ Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 39:6 Referans Kwoze

Aˬmoˆ 1:4

Kʼoeˇ miˇ neh, sahˬ paˬ Haˬzaˬlehˇ neh tsoˆ-euˬ sahˬ paˬ jawˇ-eu hawˇ nymˇ-ahˇ ngaˇ miˬ dzaˬ pyehˬ doꞈ-awˇ, ziꞈ dah ni tsoˆ taˬ-euˬ sahˬ paˬ Beˬhaˬdaˇ-euˬ taˆ nymˇ deuˬ-ahˇ ngaˇ miˬ dzaˬ keuˬ puiˆ dzeh ma.

Yeˬsaˬgeˬlaˇ 30:16

Iˇjiˇtuˆ-ahˇ miˬ dzaˬ keuˬ ngeh, Peˬluˇsiˆ meuˬ ya gawˇ tehꞈ-a. Deˬbiˇ meuˬ lahˇ coˬ byaˆ dzeh-awˇ, meuˬ-ahˇ iˇ jeuˬ jeuˬ pymˬ tehꞈ-a.

Yeˬsaˬgeˬlaˇ 30:8

Iˇjiˇtuˆ-ahˇ ngaˇ dzah puiˆ-awˇ, caw ba le-eu deuˬ coˬ jiˇ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.

Yeˬlaˬmiˇ 25:22

Duˇlu miˇ kʼahˬ hawˇ-eu Siˇdoˬ miˇ kʼahˬ-euˬ sahˬ paˬ dawˬ tawˆ luꞈ hawˇ-eu, gʼahˇ ceh-euˬ iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ-euˬ sahˬ paˬ deuˬ,

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Aˬmoˆ 1:10

Kʼoeˇ miˇ neh, Duˇlu meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni jaˆ-eu nymˇ nymˇ ma deuˬ-ahˇ bi puiˆ dzeh ma.”

Iˇsaˬyaˇ 66:19

Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Aˬmoˆ 1:7

Kʼoeˇ miˇ neh Gaˬzaˬ meuˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ kʼoeˇ meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ bi puiˆ dzeh jiˇ ma.

Yeˬsaˬgeˬlaˇ 38:13

Sheˬba miˇ kʼahˬ hawˇ-eu Deˬdaˬ miˇ kʼahˬ-ahˇ jawˇ-eu tsawˇ haˬ deuˬ maˬ ehˇ, Saˬbeˬ miˇ kʼahˬ-ahˇ jaˆ-eu meuˬ deuˬ-ahˇ jawˇ-eu baw gaꞈ deuˬ maˬ ehˇ, nawˬ-ahˇ heu loꞈ-ehˇ naˇ haˬ laˇ tehꞈ-a. ‘Aˬ cawˬ-euˬ pyuˇ shuiˇ myawˬ gahˬ ceh geuꞈ-eu gʼaˇ duˬ, nawˇ guiˇ guiˇ maꞈ laˆ uiˬ-awˇ guiˇ deuˆ te loˇ. Pyuˇ hawˇ-eu shuiˇ deuˬ, jeˬ zaˬ deuˬ hawˇ-eu, myawˬ gahˬ deuˬ ya baꞈ geuꞈ gaˇ noeˬ tmˬ-awˇ kʼoeˇ loꞈ-ehˇ jahˇ te loˇ lehˇ naˇ haˬ laˇ tehꞈ-a’ lehˇ ehˇ-eu meh.”

Yeˬsaˬgeˬlaˇ 38:11

Meuˬ meuˬ lahˇ maˬ baw taˆ maˬ tsoˆ-ehˇ, guiˇ deuˆ-eu jeˬ-ahˇ kʼahˬ maˬ lahˇ ni nui saˇ oꞈ-eu laꞈ kʼoeˇ jawˇ luꞈ-eu, nawˬ-ahˇ maˬ gʼaˬ laˇ-eu miˇ kʼahˬ-ahˇ guiˇ deuˆ-eu lehˇ, nawˇ noeˬ tsehˆ tehꞈ-a.

Yeˬsaˬgeˬlaˇ 38:6

Kʼoeˇ taˆ paw kʼahˬ-ahˇ jaˆ-eu Gawˬmaˬ miˇ kʼahˬ hawˇ-eu Behˬtawˇgaˬmaˬ miˇ kʼahˬ-ahˇ kʼaˇ jawˇ-eu guiˇ deuˆ-eu tsawˇ haˬ dawˬ tawˆ luꞈ aˬ yawꞈ nehˬ-ehˇ ahˇ-eu uˬ taꞈ, miˇ kʼahˬ gʼawˬ mya kʼahˬ-ahˇ jawˇ-eu tsawˇ haˬ gʼawˬ mya ni ahˇ-eu meh.

Yaˇ kʼaˬ daˇ 18:7

Kʼoeˇ ngeh, tsawˇ haˬ kʼoeˇ ngaˬ gʼaˬ doˆ-iˇ-awˇ, Laˬiˇshaˆ meuˬ paw iˇ gʼeh-euˬ meh. Kʼoeˇ gaˇ jawˇ-eu tsawˇ haˬ deuˬ-aˬ, Siˇdoˬ tsawˇ haˬ deuˬ loꞈ-ehˇ, guˆ kʼaˇ maˬ za ni saˇ lehˆ ni dehꞈ dzaˬ luꞈ gaˇ aˬ yawꞈ maꞈ ya mawˇ-euˬ meh. Aˬ yawꞈ maꞈ-aˬ, nui saˇ oꞈ-awˇ, ciˬ cuˇ ni jawˇ-eu laꞈ kʼoeˇ, tiˬ gʼaˬ tiˇ gʼaˬ dawˬ ja maˬ doˆ-ehˇ, aˬ yawꞈ maꞈ kʼaˇ loˬ-eu yawˬ jeˬ na luꞈ jaˆ kuꞈ gaˇ ya mawˇ-euˬ meh.

Panmaeq 20:8

Aˬ yawꞈ doˆ-iˇ-awˇ, miˇ ma oeˬ coeˇ oeˬ pyawˬ-ahˇ jawˇ-eu Gawˇgaˆ hawˇ-eu Maˬgawˇgaˆ tsawˇ jeuˬ deuˬ-ahˇ jaˬ myawꞈ mehˇ shuiˇ shuiˇ tehꞈ-a. Nehꞈ Saˬdaˬ-aˬ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu aˬ yawꞈ maꞈ-ahˇ guiˇ deuˆ-eu gʼaˇ duˬ sheuˬ uiˬ laꞈ tehꞈ-a.

Panmaeq 20:9

Aˬ yawꞈ maꞈ miˇ tsaˬ kʼoeˇ taˆ jawˇ byah jiˇ-awˇ, Miˬyehˇ-euˬ tsawˇ haˬ deuˬ-euˬ sehˬ gʼawˆ hawˇ-eu Miˬyehˇ gaˬ-eu meuˬ kʼoeˇ meuˬ-ahˇ jawˬ lahˇ jiˇ-euˬ meh. Ehˇ kʼawꞈ, mˬ-ahˇ neh miˬ dzaˬ ga ka le-awˇ, aˬ yawꞈ maꞈ-ahˇ laˆ luˬ laˆ seˇ-euˬ meh.

Yeˬsaˬgeˬlaˇ 30:9

“Aˇ nah kʼoeˇ nah keuˆ le-awˇ, Iˇjiˇtuˆ miˇ kʼahˬ cawˆ-iˇ ngeh, saˇ baoˬ laꞈ kʼoeˇ ngaˇ tsawˇ haˬ pyehˬ gʼeh-awˇ, saˇ lehˆ ni jawˇ luꞈ-eu Suˬdaˬ miˇ kʼahˬ-ahˇ gaˇ kawˆ bi dzawˇ gaˬ-iˇ-awˇ, guˆ-eu laꞈ kʼoeˇ bi luiˬ gʼa laˇ ma. Ngaˇ kʼoeˇ loꞈ-ehˇ jahˇ-eu aˇ nah keuˆ le luꞈ meh.”

Yeˬsaˬgeˬlaˇ 37:6

Naw maꞈ-ahˇ shaˬ guˬ shaˬ caˆ hawˇ-eu shaˬ jiˇ bi dawꞈ laˇ-awˇ, baˆ kʼoˆ bi tsoꞈ gʼoeˬ laˇ ma. Naw maꞈ-ahˇ ngaˇ saꞈ paˇ baw ahˇ nehˬ-awˇ bi dehꞈ laˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu naw maꞈ ya siˬ duˬ tehꞈ-a lehˇ ehˇ nehˬ-awˬ.”

Yeˬsaˬgeˬlaˇ 38:2

“Tsawˇ haˬ zaˬ-oˇ, Maˬgawˇgaˆ miˇ kʼahˬ laꞈ kʼoeˇ jaˆ-eu Meˬshehˆ miˇ kʼahˬ hawˇ-eu, Tuˇbaˬlaˇ miˇ kʼahˬ-ahˇ uˆ lahˇ luꞈ-eu Gawˇgaˆ-ahˇ bi deuˬ leˇ-eu dawˬ ngehˬ-awˬ. Aˬ yawꞈ-ahˇ ngehˬ deuˬ ehˇ deuˬ nehˬ-awˬ.

Yeˬsaˬgeˬlaˇ 39:5

Bawˇ tsahˬ deh ga-ahˇ aˬ yawꞈ maꞈ yaw shiˇ-ehˇ ga tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.