5 Bawˇ tsahˬ deh ga-ahˇ aˬ yawꞈ maꞈ yaw shiˇ-ehˇ ga tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.
Nawˬ-ahˇ ngaˇ miˇ tsa baꞈ dzeh -awˇ, miˇ tsaˬ kʼoeˇ taˆ kʼaˇ jawˇ luꞈ-eu, jeˬ zaˬ hawˇ-eu aˇ jiˇ dawˬ tawˆ, kuˇ uiˬ-awˇ nawˬ-ahˇ bi dzaˬ ma.
Nawˇ hawˇ-eu ngaˬ shaˬ kʼoeˇ deuˬ-ahˇ, kʼaˇ shuiꞈ deh ga-ahˇ biˬ dzeh ma. Nawˬ-ahˇ maˬ duˬ pahˬ ni byehˇ-awˇ, miˇ tsa bi ga yaꞈ-eu laꞈ kʼoeˇ, bawˇ tsahˬ jeˬ zaˬ aˇ jiˇ deuˬ neh, nawˬ-euˬ shaˬ jiˇ bi dzaˬ jiˇ ma.
Mahˬ tahˬ laˆ shiˇ ngeh gʼeu dzeh-eu loꞈ-ehˇ, Yeˬluˇsaˬlehˬ meuˬ-euˬ lahˇ kʼehˬ laꞈ nyiˇ, aˬ yawꞈ-ahˇ gʼeu dzeh ha tehꞈ-a.”
Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.
Gawˬ jawˬ-ahˇ shiˇ-euˬ tsawˇ haˬ tiˬ gʼoeˬ bi ga-awˇ, gawˬ duˇ hawˇ-eu deh kʼawꞈ doe ni, guiˇ deuˆ gaˇ shiˇ-euˬ deuˬ ga byah taˬ tehꞈ-a.
Gawˇgaˆ hawˇ-eu aˬ yawꞈ-euˬ guiˇ maꞈ deuˬ maˬ ehˇ, aˬ yawꞈ jawˇ paw kʼaˇ pyawˬ-eu deuˬ maˬ ehˇ, Iˇsaˬleˬlaˆ gawˬ jawˬ deuˬ kʼoeˇ taˆ coˬ sehꞈ jiˇ-awˇ, aˬ yawꞈ maꞈ-euˬ gʼawˇ mawˇ, aˇ jiˇ hawˇ-eu bawˇ tsahˬ jeˬ zaˬ deuˬ neh bi dzaˬ ma.
Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.
Mˬ kʼoeˇ taˆ baoˬ huiˬ-eu deuˬ hawˇ-eu, miˇ tsaˬ kʼoeˇ taˆ dzoeˬ dzaˬ-eu deuˬ-ahˇ, Sahˬpaˬ Miˬyehˇ kʼehˬ-eu aˇ nah peh laˇ luꞈ meh.