Yeˬsaˬgeˬlaˇ 39:11 - Akha

¹¹ Sahˬpaˬ Miˬyehˇ ehˇ-eu, “Gaˇ kawˆ kʼoeˇ dawˬ tawˆ luꞈ pyeuꞈ laˇ ngeh, Gawˇgaˆ gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu, Daˬyah-euˬ deh kʼawꞈ lehˇ kuˇ-eu tsahˇ-ahˇ lmˬ bymˇ miˇ tsaˬ tiˬ tsahˇ biꞈ ma. Gawˇgaˆ hawˇ-eu aˬ yawꞈ-euˬ guiˇ maꞈ maꞈ lah-ehˇ, kʼoeˇ gaˇ bi baꞈ pahˬ-awˇ, deh kʼawꞈ kʼoeˇ kʼawꞈ-ahˇ Gawˇgaˆ guiˇ maꞈ-euˬ Deh kʼawꞈ lehˇ kuˇ tehꞈ-a.

Yeˬsaˬgeˬlaˇ 39:11 Referans Kwoze

Yoˇhaˬ 6:1

Kʼoeˇ naˇ, Gaˬliˬlehˇ lah-euˬ nui baˬ-ahˇ Yeˬsuˇ tsehˆ-iˇ-euˬ meh. (Gaˬliˬlehˇ lah-ahˇ Deˬbeˬliˇ lah lehˇ kʼawꞈ kuˇ-eu meh.)

Luˇkaꞈ 5:1

Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

Yeˬsaˬgeˬlaˇ 47:18

“Nahˇ ma doˆ kʼehˬ paw pyawˬ miˇ kaˬ-aˬ, Hawˇlahˬ meuˬ hawˇ-eu Daˬmaˬsehˇ meuˬ yaw kaˬ-ahˇ jaˆ-eu Haˬzaˇeˇnoˬ meuˬ-ahˇ neh, laꞈ oˆ paw pyawˬ-ehˇ Giˇlaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ yaw kaˬ-ahˇ yoeˇ ka-eu Yawˇdaˬ lawˇ baˬ caw caw-ehˇ, Shiˇ-eu iˬ ma laˆ shaˆ dawˬ peh jaˆ-eu Taˬmaˬ meuˬ-ahˇ keuˆ ni meh.

Yeˬsaˬgeˬlaˇ 38:2

“Tsawˇ haˬ zaˬ-oˇ, Maˬgawˇgaˆ miˇ kʼahˬ laꞈ kʼoeˇ jaˆ-eu Meˬshehˆ miˇ kʼahˬ hawˇ-eu, Tuˇbaˬlaˇ miˇ kʼahˬ-ahˇ uˆ lahˇ luꞈ-eu Gawˇgaˆ-ahˇ bi deuˬ leˇ-eu dawˬ ngehˬ-awˬ. Aˬ yawꞈ-ahˇ ngehˬ deuˬ ehˇ deuˬ nehˬ-awˬ.

Bawˇtsahˬ 34:11

Sheˬpamˬ-ahˇ neh naˇ, laꞈ oˆ paw Aˬiˇnaˆ meuˬ-euˬ nahˇ ma doˆ kʼehˬ paw jaˆ-eu Haˬlaˬbeˬlaˇ meuˬ-ahˇ keuˆ ni iˇ gʼeh-awˇ, Gaˬliˬlehˇ lah-euˬ nahˇ ma doˆ kʼehˬ paw jaˆ-eu gawˬ jawˬ deuˬ-ahˇ daˆ doˆ leˇ-eu meh.

Bawˇtsahˬ 11:34

Jawˇ duˬ kʼoeˇ tsahˇ-ahˇ, Giˇbyoˆ Haˬtaˬbaˬ lehˇ kuˇ-euˬ meh. Aˬ jeˬ miˇ neh ehˇ naˇ, shaˬ jiˇ-ahˇ mehˇ juiˇ juiˇ-eu tsawˇ haˬ deuˬ-ahˇ kʼoeˇ gaˇ duˬ pahˬ-euˬ meh.

Yeˬsaˬgeˬlaˇ 39:10

Aˬ yawꞈ maꞈ deh ga-ahˇ miˬ dzaˬ gʼoˆ-eu maˬ loˬ-ehˇ, sahˬ kʼaˆ-ahˇ aˇ bawˇ tuˇ-awˇ miˬ dzaˬ kʼehꞈ-eu maˬ loˬ-a. Aˬ jeˬ miˇ neh ehˇ naˇ, miˬ dzaˬ doꞈ-eu gʼaˇ duˬ byehˇ dzeh taˬ-euˬ guiˇ deuˆ-eu keu ka deuˬ ga-eu meh. Aˬ yawꞈ maꞈ-ahˇ pyuˇ shuiˇ myawˬ gahˬ ceh geuꞈ laˇ-euˬ tsawˇ haˬ deuˬ-euˬ pyuˇ shuiˇ myawˬ gahˬ deuˬ, aˬ yawꞈ maꞈ paˇ ya ceh geuꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 39:12

Tsawˇ shiˇ dawˬ tawˆ luꞈ baꞈ pahˬ jiˇ-awˇ, miˇ kʼahˬ shawˇ laˇ ni jahˇ-eu gʼaˇ duˬ, Iˇsaˬleˬlaˆ tsawˇ haˬ deuˬ ba la shiꞈ siˬ ya ga gʼeh tehꞈ-a.

Yeˬsaˬgeˬlaˇ 39:15

Miˇ kʼahˬ kʼoeˇ tsawˬ toeˬ tsawˬ daˆ-ehˇ aˬ yawꞈ maꞈ cah luꞈngeh, tsawˇ haˬ shaˬ yoeˬ kʼaˇ ga gaˇ aˬ yawꞈ maꞈ byaꞈ byaꞈ taˬ yaꞈ-awˇ, tsawˇ haˬ duˬ pahˬ-eu deuˬ oe-awˇ, Gawˇgaˆ guiˇ maꞈ-euˬ deh kʼawꞈ lehˇ kuˇ gaˇ bi duˬ pahˬ-iˇ tehꞈ-a.

Doˆ-iˇ 8:14

Iˇjiˇtuˆ tsawˇ haˬ deuˬ kʼaˬ paˬ kʼoeˇ deuˬ-ahˇ aˇ bymˇ bymˇ ma bymˇ ma-ehˇ gʼoˆ bymˇ-euˬ meh. Miˇ kʼahˬ kʼoeˇ kʼahˬ kʼahˬ lahˬ ni yaw buꞈ behꞈ laꞈ-eu meh.