Yeˬsaˬgeˬlaˇ 39:1 - Akha

¹ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “ Tsawˇ haˬ zaˬ-oˇ, Meˬshehˆ miˇ kʼahˬ hawˇ-eu Tuˇbaˬlaˇ miˇ kʼahˬ laꞈ kʼoeˇ, sahˬpaˬ dawˬ tawˆ kʼoeˇ taˆ huiˬ dzehˬ-eu sahˬpaˬ pyeuꞈ-eu Gawˇgaˆ-ahˇ deuˬ leˇ ni dawˬ ngehˬ-awˇ, ngaˇ aˬ yawꞈ-ahˇ muiˇ-eu meh lehˇ ehˇ nehˬ-awˬ.

Yeˬsaˬgeˬlaˇ 39:1 Referans Kwoze

Yeˬsaˬgeˬlaˇ 35:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. Eˬdoˬ gawˬ jawˬ deuˬ-oˇ, nawˬ-ahˇ ngaˇ muiˇ-eu ma. Nawˬ-ahˇ ngaˇ laˆ cawˆ-awˇ, ciˬ cuˇ ni bi jaˆ ma.

Naˬhmˬ 3:5

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Niˇnaˬbeˬ meuˬ-ahˇ ngaˇ kʼehˬ ma. Miˇ tsaˬ tsawˇ jeuˬ dawˬ tawˆ mehˬ shi, nawˬ-ahˇ ngaˇ mehˬ tsoeˬ lehˆ dzeh-awˇ, neˇ myawˆ ni bi shaꞈ dawˇ sehꞈ ma.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”

Panmaeq 20:8

Aˬ yawꞈ doˆ-iˇ-awˇ, miˇ ma oeˬ coeˇ oeˬ pyawˬ-ahˇ jawˇ-eu Gawˇgaˆ hawˇ-eu Maˬgawˇgaˆ tsawˇ jeuˬ deuˬ-ahˇ jaˬ myawꞈ mehˇ shuiˇ shuiˇ tehꞈ-a. Nehꞈ Saˬdaˬ-aˬ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu aˬ yawꞈ maꞈ-ahˇ guiˇ deuˆ-eu gʼaˇ duˬ sheuˬ uiˬ laꞈ tehꞈ-a.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Yeˬsaˬgeˬlaˇ 27:13

Giˇliˇ meuˬ, Tuˇbaˬlaˇ meuˬ, Meˬshehˆ meuˬ heu deuˬ nehˬ-ehˇ nawˇ jeˬ gaꞈ taˬ-awˇ, nawˬ-euˬ myawˬ gahˬ deuˬ neh, zaˬ kʼaˆ deuˬ hawˇ-eu guiˬ shuiˇ neh jahˇ-euˬ mˇ myawˬ deuˬ nawˇ paˇ doˆ geuꞈ-euˬ meh.

Yeˬsaˬgeˬlaˇ 32:26

“Meˬshehˆ hawˇ-eu Tuˇbaˬlaˇ aˬ nyaꞈ kʼoeˇ gaˇ ga luꞈ meh. Aˬ yawꞈ nyaꞈ-euˬ yehˇ deuˬ-euˬ lmˬ bymˇ, aˬ yawꞈ nyaꞈ-euˬ tiˬ jawˬ jaˆ luꞈ meh. Aˬ yawꞈ maꞈ dawˬ tawˆ luꞈ baˆ kʼoˆ mehˬ dzaˬ maˬ yehˬ-euˬ tsawˇ haˬ meh. Dawˬ tawˆ luꞈ guiˇ deuˆ gaˇ bi sehꞈ jiˇ-euˬ meh. Aˇ hu dehꞈ-eu miˇ kʼahˬ-ahˇ jawˇ ngeh, aˬ cawˬ aˬ yawꞈ maꞈ-ahˇ guˆ-euˬ meh.

Yeˬsaˬgeˬlaˇ 39:2

Aˬ yawꞈ-ahˇ ngaˇ tsahˇ pyawˇ-awˇ, kʼoeˇ taˆ paw sheuˬ daˆ leꞈ-awˇ, Iˇsaˬleˬlaˆ gawˬ jawˬ deuˬ-ahˇ sheuˬ keuˆ gʼeh ma.

Hawˇseˬ 2:18

Aˇ yamˬ kʼoeˇ yamˬ keuˆ laˇ ngeh jawˇ, ngaˬ-euˬ tsawˇ haˬ heu deuˬ kʼoeˇ taˆ, maˬ coeˬ maˬ ciˆ nehˬ-eu gʼaˇ duˬ, bawˇ tsahˬ jeˬ zaˬ dawˬ tawˆ hawˇ-eu, kʼoeˇ taˆ zaw-eu aˇ jiˇ maˬ ehˇ, miˇ tsa joe-eu deuˬ-ahˇ maˬ ehˇ, ngaˇ saˇ jaˇ dzaˬ taꞈ-eu lehˇ ma. Miˇ kʼahˬ heu kʼahˬ laꞈ kʼoeˇ jaˆ-eu, guiˇ deuˆ-eu keu ka dawˬ tawˆ luꞈ, mi cehˇ hawˇ-eu kaˆ dawˬ tawˆ luꞈ, ngaˇ laˆ piˬ laˆ byoˆ nehˬ jiˇ-awˇ, ngaˬ-euˬ tsawˇ haˬ heu deuˬ dawˬ tawˆ, nui saˇ oꞈ-awˇ ya dehꞈ tehꞈ-a.

Iˇsaˬyaˇ 24:21

Mˬ kʼoeˇ taˆ baoˬ huiˬ-eu deuˬ hawˇ-eu, miˇ tsaˬ kʼoeˇ taˆ dzoeˬ dzaˬ-eu deuˬ-ahˇ, Sahˬpaˬ Miˬyehˇ kʼehˬ-eu aˇ nah peh laˇ luꞈ meh.

Yeˬsaˬgeˬlaˇ 38:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.