Yeˬsaˬgeˬlaˇ 37:3 - Akha

³ “Tsawˇ haˬ zaˬ-oˇ, shaˬ yoeˬ heu deuˬ paˇ dehꞈ poˆ laˇ nya tehꞈ-a loˇ” lehˇ, aˬ yawꞈ ngaˬ-ahˇ naˇ haˬ ngeh, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, gaˇ kawˆ heu nawˇ maˬ ngeuˇ naˇ aˬ suˇ gʼaˬ siˬ nya nmˇ” lehˇ, ngaˇ ehˇ kʼoꞈ nehˬ-euˬ ma.

Yeˬsaˬgeˬlaˇ 37:3 Referans Kwoze

Yoˇhaˬ 5:21

Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Lormav 4:17

“Ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ gʼaˬ bi pyeuꞈ laˇ ma” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh. Dawˬ ma saˇ jaˇ kʼoeˇ-aˬ, Aˬyaˬhaˬ jah-eu Miˬyehˇ-euˬ mehˬ shi yaw muiˬ meh. Shiˇ-euˬ tsawˇ haˬ-ahˇ bi gʼoꞈ dehꞈ laˇ nya-awˇ, maˬ jaˆ haw maˬ mawˇ haw-euˬ jeˬ-ahˇ dawˬ biꞈ-awˇ bi jaˆ laˇ nya-eu Miˬyehˇ-ahˇ Aˬbyaˬhaˬ jah-euˬ meh.

HeˬByehˇ 11:19

Iˇtsaˆ-ahˇ shiˇ-eu jeˬ laꞈ kʼoeˇ Miˬyehˇ bi gʼoꞈ dehꞈ laˇ nya meh lehˇ Aˬbyaˬhaˬnoeˬ-euˬ meh. Dawˬ yehˆ zmˬ-awˇ ya ehˇ naˇ, Iˇtsaˆ shiˇ dzeuˇ-euˬ paˇ za kʼoꞈ-euˬ gaˇ duˇ-eu meh.

Gʼaˬkʼehˇ 26:8

Aˬ jeˬ miˇ neh naw maꞈ heu gaˇ uiˬ laˇ taˬ-euˬ tsawˇ haˬ deuˬ, shiˇ-euˬ tsawˇ haˬ-ahˇ Miˬyehˇ bi gʼoꞈ dehꞈ laˇ nya meh lehˇ ehˇ gaˇ maˬ jah coeˇ te.”

1 Saˬmeuˬlaˆ 2:6

Sahˬpaˬ Miˬyehˇ, toeˬ dehꞈ toeˬ shiˇ, shiˇ-eu miˇ kʼahˬ-ahˇ bi keuˆ-awˇ, paˇ sheuˬ kʼoꞈ doˆ nehˬ laꞈ-eu meh.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.

1 Gawˇliˬtu 15:35

“Shiˇ-euˬ tsawˇ haˬ-ahˇ aˬ joˆ-ehˇ bi gʼoꞈ dehꞈ laˇ nya ta. Gʼoꞈ dehꞈ laˇ-euˬ gʼawˇ mawˇ kʼoeˇ aˬ joˆ-ehˇ gʼeh ta” lehˇ, tsawˇ haˬ tiˬ gʼaˬ na naˇ haˬ mawꞈ tehꞈ-a.

Yeˬsaˬgeˬlaˇ 26:19

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ maˬ jawˇ-ehˇ ciˬ cuˇ ni jaˆ-eu meuˬ meuˬ tsoeˬ loꞈ-ehˇ nawˇ bi pyeuꞈ-iˇ ma. Iˬ ma laˆ shaˆ yaw naꞈ-ahˇ dahˬ-eu iˇ cuꞈ neh nawˬ-ahˇ ngaˇ bi dahˬ pymˬ ma.

Yeˬsaˬgeˬlaˇ 37:2

Deh kʼawꞈ kʼoeˇ tiˬ jawˬ, ngaˬ-ahˇ aˬ yawꞈ sheuˬ doe nehˬ laꞈ-awˇ, shaˬ yoeˬ ga dui dui gaˇ ngaˇ ya mawˇ-euˬ ma. Shaˬ yoeˬ kʼoeˇ deuˬ koˆ kaˆ ni gʼeh-eu meh.

Jaceuq 88:11

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ gaˇ kawˆ, lmˬ bymˇ laꞈ kʼoeˇ ja nya ta loˇ. Ya luˬ-iˇ ya seˇ-iˇ-eu jawˇ duˬ laꞈ kʼoeˇ nawˇ saˇ jaˇ ziꞈ-eu gaˇ kawˆ ja nya ta loˇ.