Yeˬsaˬgeˬlaˇ 34:9 - Akha

⁹ Kʼoeˇ miˇ neh, yawˇ bo-eu deuˬ-oˇ, ngaˇ ehˇ gaˇ naˇ haˬ-awˬ.

Yeˬsaˬgeˬlaˇ 34:9 Referans Kwoze

Yeˬsaˬgeˬlaˇ 34:8

Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-euˬ dawˬ-ahˇ naˇ haˬ-eu tsaˬ meh. Yawˇ bo-eu gʼaˬ maˬ jawˇ-eu miˇ neh, bawˇ tsahˬ jeˬ zaˬ deuˬ ngaˬ-euˬ yawˇ deuˬ-ahˇ kawꞈ luꞈ meh. Ngaˬ-euˬ yawˇ bo-eu deuˬ yawˇ maˬ poˆ kʼoꞈ-a. Aˬ yawꞈ maꞈ yawˬ ha gʼaˇ duˬ tehꞈ-ehˇ shaˇ noeˬ-awˇ, yawˇ deuˬ-ahˇ byehˇ dzeh taˬ-euˬ meh.

Yeˬsaˬgeˬlaˇ 34:10

Ngaˇ naw maꞈ-ahˇ muiˇ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Ngaˬ-euˬ yawˇ deuˬ ngaˇ yuˇ kʼoꞈ jiˇ-awˇ, naw maꞈ-ahˇ tiˬ jawˇ-iˬ yawˇ maˬ paˇ bi bo ma. Naw maꞈ-ahˇ muiˬ leˇ ni, ngaˬ-euˬ yawˇ tiˬ jawˇ-iˬ maˬ paˇ bi bo ma. Ngaˬ-euˬ yawˇ deuˬ yuˇ kʼoꞈ jiˇ-awˇ, naw maꞈ neh maˬ paˇ bi sehꞈ dzaˬ ma.

Yeˬsaˬgeˬlaˇ 13:2

“Tsawˇ haˬ zaˬ-oˇ, yawˬ ha neh kʼaˇ noeˬ doˆ-euˬ jeˬ Iˇsaˬleˬlaˆ tsawˇ haˬ deuˬ-ahˇ ngehˬ dah nehˬ-eu Miˬyehˇ gʼaˇ duˬ ngehˬ dah-eu kʼoeˇ deuˬ-ahˇ, nawˇ tiˬ poˆ paˇ ngehˬ dah nehˬ-awˬ. Sahˬpaˬ Miˬyehˇ ehˇ gaˇ naˇ haˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ”

Yeˬsaˬgeˬlaˇ 34:7

“Nymˬ-mˇ poˆ jawˇ yawˇ bo-eu deuˬ-oˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ ehˇ gaˇ naˇ haˬ-awˬ.