Yeˬsaˬgeˬlaˇ 34:5 - Akha

⁵ Yawˇ bo-eu yaw sahˇ maˬ jawˇ-eu miˇ neh, tiˬ paw tiˬ mawˇ iˇ byoˆ-awˇ, bawˇ tsahˬ jeˬ zaˬ neh bi kawꞈ sehꞈ dzaˬ-euˬ meh.

Yeˬsaˬgeˬlaˇ 34:5 Referans Kwoze

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

2 Laˬsaˬbaˬ 18:16

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ deuˬ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ le-euˬ meh. Kʼoeˇ ngeh, Sahˬpaˬ Miˬyehˇ ehˇ-eu, ‘Tsawˇ haˬ heu deuˬ-aˬ, aˬ yuiꞈ geuꞈ-awˇ sheuˬ gʼeh nehˬ-euˬ gʼaˬ, maˬ jawˇ-a. Aˬ yawꞈ maꞈ-ahˇ coꞈ ngehˇ ni bi gʼoꞈ-iˇ-awˬ’ lehˇ ehˇ-eu meh.”

Yeˬsaˬgeˬlaˇ 34:8

Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-euˬ dawˬ-ahˇ naˇ haˬ-eu tsaˬ meh. Yawˇ bo-eu gʼaˬ maˬ jawˇ-eu miˇ neh, bawˇ tsahˬ jeˬ zaˬ deuˬ ngaˬ-euˬ yawˇ deuˬ-ahˇ kawꞈ luꞈ meh. Ngaˬ-euˬ yawˇ bo-eu deuˬ yawˇ maˬ poˆ kʼoꞈ-a. Aˬ yawꞈ maꞈ yawˬ ha gʼaˇ duˬ tehꞈ-ehˇ shaˇ noeˬ-awˇ, yawˇ deuˬ-ahˇ byehˇ dzeh taˬ-euˬ meh.

Yeˬlaˬmiˇ 23:2

Aˬ yawꞈ-euˬ tsawˇ haˬ deuˬ-ahˇ bi haw bi pyaˆ-euˬ aˬ yuiꞈ aˬ tsu deuˬ-ahˇ taꞈ leˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ tsawˇ jeuˬ-ahˇ maˬ haw maˬ pyaˆ ni, aˬ yawꞈ maꞈ-ahˇ teh byaˆ nehˬ-euˬ meh. Naw maꞈ neh mˇ-euˬ yaw haiˬ jeˬ gʼaˇ duˬ nymˬ-mˇ naw maꞈ-ahˇ ngaˇ kʼehˬ nehˬ kʼaˆ nehˬ ma.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Iˇsaˬyaˇ 56:9

Aˬ cawˬ tsawˇ jeuˬ-ahˇ Sahˬpaˬ Miˬyehˇ ehˇ nehˬ-eu, “Haiˬ-eu kʼaˬ zuiˬ kʼaˬ laˬ loꞈ-ehˇ oe-awˇ, ngaˬ-euˬ tsawˇ jeuˬ-ahˇ kawꞈ sehꞈ dzaˬ le-awˬ.

1 Sahˬpaˬ 22:17

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ laˇ miˇ-a. Kʼoeˇ ngeh jawˇ, ‘Tsawˇ haˬ heu deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ ciˬ cuˇ ni bi gʼoꞈ-iˇ-awˬ’ lehˇ Sahˬpaˬ Miˬyehˇ ehˇ-eu meh.”

Yoˇhaˬ 10:2

Ehˇ kʼawꞈ, gʼoˆ kʼehˬ-ahˇ neh uˇ laˇ-eu tsawˇ haˬ-aˬ, yawˇ bo-eu yaw sahˇ meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Yeˬsaˬgeˬlaˇ 34:28

Aˬ cawˬ tsawˇ jeuˬ deuˬ aˬ yawꞈ maꞈ-ahˇ maˬ paˇ kʼaˆ dzaˬ nya-ehˇ, bawˇ tsahˬ jeˬ zaˬ yaw haiˬ deuˬ aˬ yawꞈ maꞈ-ahˇ maˬ paˇ kawꞈ sehꞈ dzaˬ nya ni pyeuꞈ-iˇ tehꞈ-a. Aˬ yawꞈ maꞈ nui saˇ oꞈ-eu laꞈ kʼoeˇ ya dehꞈ-awˇ, guˆ kʼaˇ maˬ za ni pyeuꞈ-iˇ tehꞈ-a.

Yeˬsaˬgeˬlaˇ 34:6

Ngaˬ-euˬ yawˇ deuˬ gawˬ jawˬ yaw goˇ paw gaˆ byoˆ jiˇ-euˬ meh. Miˇ kʼahˬ doe ni iˇ byoˆ laˇ byoˆ jiˇ-euˬ kʼawꞈ, haw piˇ nehˬ-awˇ poˆ kʼoꞈ-eu gʼaˬ maˬ jawˇ-a.

Yeˬsaˬgeˬlaˇ 33:28

Miˇ kʼahˬ heu cawˆ-iˇ-awˇ ciˬ cuˇ ni pyeuꞈ-iˇ ni ngaˇ jahˇ ma. Aˬ yawꞈ maꞈ nui kʼaˬ tsmˬ dui dui-euˬ baoˬ aˇ saˬ ya saˬ tehꞈ-a. Iˇsaˬleˬlaˆ gawˬ jawˬ deuˬ bawˇ tsahˬ tsahˬ ma ma-iˇ-awˇ, tsawˇ haˬ tiˬ gʼaˬ-iˬ maˬ iˇ maˬ laˇ tsehˆ ni byehˇ tehꞈ-a.

Yeˬsaˬgeˬlaˇ 33:21

Nga maꞈ aˬ cawˬ miˇ kʼahˬ-ahˇ bi nyehꞈ gʼeh-awˇ jawˇ-euˬ tseˇ nyiꞈ kʼoꞈ tiˬ kʼoꞈ, ba la tseˇ siˬ tiˬ siˬ ngaˬ nah-ahˇ, Yeˬluˇsaˬlehˬ meuˬ-ahˇ neh cehˆ dzeuˇ doˆ laꞈ-euˬ tsawˇ haˬ tiˬ gʼaˬ ngaˇ jawˇ gaˇ laˇ-awˇ, meuˬ kʼoeˇ meuˬ aˬ cawˬ laꞈ-ahˇ ahˇ leˇ-euˬ gaˇ kawˆ tsaꞈ gaˬ laˇ-euˬ meh.

Bawˇtsahˬ 27:17

Nawˬ-euˬ tsawˇ haˬ aˇ maꞈ aˇ muˇ deuˬ, yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ maˬ ya pyeuꞈ-iˇ-eu gʼaˇ duˬ, guiˇ deuˆ ngeh aˬ yawꞈ maꞈ-ahˇ dawˬ biꞈ nya-eu tsawˇ haˬ-ahˇ tseˇ-awˬ.”

Maˬkuˆ 6:34

Yeˬsuˇ lawˬ laꞈ nyiˇ doˆ le-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu gʼaˬ maˬ jawˇ-eu yawˇ yawˇ maꞈ-ahˇ duˇ-eu meh. Kʼoeˇ ngeh, aˬ yawꞈ maꞈ-ahˇ gʼawˬ mya jeˬ mehˬ nehˬ tsoˆ nehˬ-euˬ meh.

Yeˬlaˬmiˇ 10:21

Ngaˇ heu loꞈ-ehˇ ehˇ kʼoꞈ nehˬ-euˬ ma. “Aˬ dui-euˬ aˬ yuiꞈ aˬ tsu deuˬ dzawˬ dui dui-awˇ, Sahˬpaˬ Miˬyehˇ gaˇ ma sheuˬ mehˬ gaˇ maˬ juˬ-a. Kʼoeˇ baˬ da neh aˬ yawꞈ maꞈ byoˆ le-awˇ, aˬ dui tsawˇ jeuˬ cehˆ gʼawˬ cehˆ gʼehˇ-euˬ meh.