Yeˬsaˬgeˬlaˇ 34:4 - Akha

⁴ Gʼaˬ maˬ ahˇ-eu yawˇ deuˬ-ahˇ maˬ bo saˆ-ehˇ, naˇ-eu yawˇ deuˬ-ahˇ jaˆ gʼaˬ maˬ laˆ saˆ-eu uˬ taꞈ, laˆ tahˬ laˆ naˇ-euˬ yawˇ deuˬ-ahˇ jaˆ gʼaˬ maˬ uꞈ nehˬ-ehˇ, gaˇ ma iˇ bahˬ-euˬ yawˇ deuˬ maˬ teh kʼoꞈ ni, byoˆ-iˇ-euˬ yawˇ deuˬ-ahˇ maˬ poˆ kʼoꞈ-ehˇ jawˇ coeˇ-eu meh. Kʼoeˇ uˬ taꞈ, yawˇ deuˬ-ahˇ naw maꞈ yehˬ bawˬ-ehˇ gʼeh-euˬ meh.

Yeˬsaˬgeˬlaˇ 34:4 Referans Kwoze

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Maꞈtehˬ 10:6

Iˇsaˬleˬlaˆ tsawˇ jeuˬ laꞈ kʼoeˇ, byoˆ-iˇ taˬ-euˬ yawˇ deuˬ-ahˇ duˇ-eu deuˬ jawˇ gaˇ naw maꞈ iˇ-awˬ.

HeˬByehˇ 12:12

Kʼoeˇ miˇ neh, laꞈ guˬ shiˇ laˇ-euˬ naw maꞈ-euˬ aˬ laꞈ paˇ cawˬ diˇ-awˇ, gʼaˬ juˬ laˇ-euˬ naw maꞈ-euˬ pawˬ tsuiꞈ gʼaˬ paˇ bi ahˇ kʼoꞈ laˇ-awˬ.

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Maꞈtehˬ 24:49

Kʼoeˇ naˇ, aˬ yawꞈ-euˬ cawˬ zaˬ kʼaˆ kʼoeˇ deuˬ-ahˇ aˬ yawꞈ diˬ-awˇ, dzaˬ yehꞈ dawˇ yehꞈ-eu tsawˇ haˬ deuˬ nehˬ-ehˇ dzaˬ byawˬ dawˇ byawˬ byawˬ byawˬ-ehˇ jawˇ naˇ,

Maꞈtehˬ 21:35

Aˬ gaꞈ yaˇ kmˇ mˇ paˆ paˆ-eu deuˬ neh aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, tiˬ gʼaˬ-ahˇ diˬ-awˇ, tiˬ gʼaˬ-ahˇ sehꞈ-awˇ, tiˬ gʼaˬ-ahˇ kʼaˬ lo neh biˬ-euˬ meh.

Yeˬlaˬmiˇ 22:13

Maˬ tsaˬ maˬ dawˇ-eu laꞈ kʼoeˇ nymˇ tsoˆ-awˇ, maˬ sui maˬ dawˇ-eu laꞈ kʼoeˇ nymˇ paˇ tsoˆ jeˇ-eu, yawˬ ha miˇ kʼahˬ zaˬ-ahˇ yawˬ ngehꞈ-ehˇ kʼehˇ dzaˬ-awˇ, gʼaˬ gaˇ aˇ poeˬ maˬ biꞈ nehˬ-eu tsawˇ haˬ, shaˬ zahˬ ya mˇ dui dui tehꞈ-a.

Iˇsaˬyaˇ 56:10

Ngaˬ-euˬ tsawˇ haˬ deuˬ-ahˇ mehˬ-eu tsoˆ-eu gʼaˇ duˬ, aˬ yuiꞈ aˬ tsu bi geuꞈ taˬ-euˬ kʼoeˇ deuˬ, dawˬ tawˆ luꞈ myaˆ behꞈ tahˬ sawˇ meh. Aˬ yawꞈ maꞈ tiˬ jeˬ-iˬ maˬ siˬ nya-ehˇ, maˬ tsehꞈ-eu nymˇ loꞈ aˬ kuiˬ-ahˇ duˇ-awˇ, yuꞈ ja taˬ-awˇ yuꞈ maˆ maˆ-eu, yuꞈ gaˇ gaˬ-eu aˬ kuiˬ-ahˇ duˇ-eu meh.

Uˬ duˬ 25:43

Aˬ yawꞈ maꞈ-ahˇ taˬ kʼehˬ taˬ kʼaˆ nehˬ. Ehˇ kʼawꞈ, Miˬyehˇ-euˬ ehˇ dawˬ-ahˇ naˇ haˬ geuꞈ-awˬ.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Iˇsaˬyaˇ 3:7

Kʼoeˇ ngeh aˬ yawꞈ heu loꞈ-ehˇ ehˇ kʼoꞈ nehˬ tehꞈ-a. “Ngaˇ naˇ gawˇ laˆ saˆ-eu tsawˇ haˬ maˬ geuꞈ. Ngaˬ-euˬ nymˇ-ahˇ dzaˬ-eu hawˬ maˬ jaˆ-ehˇ, dm-eu mehˬ tsoeˬ kʼawꞈ maˬ jaˆ. Aˬ cawˬ kʼoeˇ taˆ uˆ lahˇ-eu aˬ yuiꞈ aˬ tsu, ngaˬ-ahˇ taˬ kʼehˇ doˇ laꞈ.”

Yeˬsaˬgeˬlaˇ 19:6

Aˬ yawꞈ huiˬ loꞈ loˆ loꞈ laˇ ngeh, jaˬ shiˇ baˬ maꞈ nehˬ-ehˇ gaˆ-awˇ, jeˬ zaˬ kawꞈ sehꞈ-eu dzaw bym ngeh, tsawˇ haˬ paˇ kawꞈ sehꞈ dzaˬ-euˬ meh.

Yeˬsaˬgeˬlaˇ 19:7

Ziꞈ-eu taˆ deuˬ laˆ byaˆ nehˬ-awˇ, meuˬ deuˬ laˆ cawˆ jiˇ nehˬ-euˬ meh. Aˬ yawꞈ joeˬ gaˇ kʼaˇ ya gaˬ ngeh, miˇ kʼahˬ zaˬ laˇ baˇ-iˇ-eu meh.

Yeˬsaˬgeˬlaˇ 19:9

Aˬ yawꞈ-ahˇ kuˆ kaꞈ lahˇ taˬ-awˇ, Baˬbuˇloˬ-euˬ sahˬ paˬ jawˇ gaˇ, bi nyehꞈ ha keuˆ nehˬ-iˇ-euˬ meh. Iˇsaˬleˬlaˆ gawˬ jawˬ doe ni, aˬ yawꞈ joeˬ-eu maˬ bi gaˬ ni, yaw muiˬ-ehˇ kaꞈ lahˇ taˬ-euˬ meh.