Yeˬsaˬgeˬlaˇ 34:10 - Akha

¹⁰ Ngaˇ naw maꞈ-ahˇ muiˇ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Ngaˬ-euˬ yawˇ deuˬ ngaˇ yuˇ kʼoꞈ jiˇ-awˇ, naw maꞈ-ahˇ tiˬ jawˇ-iˬ yawˇ maˬ paˇ bi bo ma. Naw maꞈ-ahˇ muiˬ leˇ ni, ngaˬ-euˬ yawˇ tiˬ jawˇ-iˬ maˬ paˇ bi bo ma. Ngaˬ-euˬ yawˇ deuˬ yuˇ kʼoꞈ jiˇ-awˇ, naw maꞈ neh maˬ paˇ bi sehꞈ dzaˬ ma.

Yeˬsaˬgeˬlaˇ 34:10 Referans Kwoze

Zaˬkaˬliˇ 10:3

Sahˬpaˬ Miˬyehˇ ehˇ-eu, “Yawˇ bo-eu yaw sahˇ kʼoeˇ deuˬ-ahˇ, ngaˇ nui ma pehˇ dui dui luꞈ-awˇ, aˬ yawꞈ maꞈ-ahˇ ngaˇ kʼehˬ nehˬ ma. Yuˇdaˆ tsawˇ haˬ ngaˬ-euˬ yawˇ ma.

Yeˬsaˬgeˬlaˇ 34:2

“Tsawˇ haˬ zaˬ-oˇ, Iˇsaˬleˬlaˆ tsawˇ jeuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ-ahˇ, dawˬ heu deuˬ ciˬ pi nehˬ-awˬ. Aˬ yawꞈ maꞈ-ahˇ ngaˬ-euˬ gʼaˇ duˬ ngehˬ dah nehˬ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu meh lehˇ ehˇ nehˬ-awˬ. Iˇsaˬleˬlaˆ-ahˇ bo-eu yawˇ bo-eu yaw sahˇ deuˬ-oˇ, naw maꞈ kʼoeˇ taˆ doeˇ dui dui-eu jeˬ keuˆ le tehꞈ-a. Naw maꞈ yawˬ ha gʼawˇ mawˇ gaˇ kawˆ tehꞈ-ehˇ shaˇ noeˬ-awˇ, yawˇ deuˬ-ahˇ maˬ haw-a.

Yeˬsaˬgeˬlaˇ 13:8

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ yawꞈ maꞈ-ahˇ heu loꞈ-ehˇ ehˇ-eu meh. “Naw maꞈ neh ngehˬ-euˬ dawˬ maˬ tsaˬ-ehˇ, naw maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ-aˬ, jaˬ myawꞈ myawꞈ-eu jeˬ pyeuꞈ-eu miˇ neh, naw maꞈ-ahˇ ngaˇ muiˇ-eu ma.

Yeˬlaˬmiˇ 21:13

Deh ga gʼahˇ ceh jaˆ-eu lo guˇ loꞈ-ehˇ, Yeˬluˇsaˬlehˬ meuˬ nawˇ deh kʼawꞈ kʼoeˇ taˆ, yaw goˇ-ahˇ nuiˇ luꞈ meh. Ehˇ kʼawꞈ, nawˬ-ahˇ ngaˇ guiˇ deuˆ ma. Nawˇ jawˇ gaˇ guiˇ maˬ deuˆ uˇ keuˆ laꞈ nya-aˇ lehˇ, nawˇ nui ma huiˬ-awˇ lmˬ luꞈ meh.

HeˬByehˇ 13:17

Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”

Yeˬsaˬgeˬlaˇ 34:8

Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-euˬ dawˬ-ahˇ naˇ haˬ-eu tsaˬ meh. Yawˇ bo-eu gʼaˬ maˬ jawˇ-eu miˇ neh, bawˇ tsahˬ jeˬ zaˬ deuˬ ngaˬ-euˬ yawˇ deuˬ-ahˇ kawꞈ luꞈ meh. Ngaˬ-euˬ yawˇ bo-eu deuˬ yawˇ maˬ poˆ kʼoꞈ-a. Aˬ yawꞈ maꞈ yawˬ ha gʼaˇ duˬ tehꞈ-ehˇ shaˇ noeˬ-awˇ, yawˇ deuˬ-ahˇ byehˇ dzeh taˬ-euˬ meh.

Yeˬsaˬgeˬlaˇ 3:18

Haiˬ-eu tsawˇ haˬ tiˬ gʼaˬ shiˇ-eu keuˆ laˇ shaw-iˬ meh lehˇ ngaˇ ehˇ ngeh, aˬ yawꞈ yawˬ haˇ yawˬ ha ka kʼoꞈ nya ni bi dehꞈ paˇ-eu gʼaˇ duˬ nawˇ maˬ mehˬ maˬ tsoˆ-ehˇ iˬ baˇ pi-awˇ bi shiˇ naˇ, nawˬ-ahˇ ngaˇ do yuˇ ma.

Jaceuq 23:5

Ngaˬ-ahˇmuiˇ-eu deuˬhaw mawˇgaˇ, nawˇhawˬjeh shaˇdahˇlaꞈ-euˬmeh. Uˬduˬ-ahˇtsiˇlehꞈnehˬlaꞈ-awˇ, ngaˬ-euˬkʼmˬmaˬbyah kʼaˇluꞈmeh.

1 Beˬtuˆluˆ 3:12

Aˬ jeˬ miˇ neh ehˇnaˇ, yaw tsaˬ yaw dawˇ tsawˇ haˬ deuˬ-ahˇ, Sahˬpaˬ Miyehˇ haw piˇ nehˬ-awˇ, shaˇ dawˬ naˇ haˬ geuꞈ nehˬ-eu meh. Ehˇ kʼawꞈ yaw haiˬ mˇ-eu deuˬ-ahˇ, aˬ yawꞈ myaˆ haw maˬ cawˬ nahˇ-a.”

Yeˬsaˬgeˬlaˇ 35:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. Eˬdoˬ gawˬ jawˬ deuˬ-oˇ, nawˬ-ahˇ ngaˇ muiˇ-eu ma. Nawˬ-ahˇ ngaˇ laˆ cawˆ-awˇ, ciˬ cuˇ ni bi jaˆ ma.

Yeˬsaˬgeˬlaˇ 34:22

Ehˇ kʼawꞈ, ngaˬ-euˬ yawˇ-ahˇ ngaˇ ka kʼoꞈ-awˇ, yehˬ bawˬ-ehˇ maˬ paˇ bi jahˇ ma. Ngaˬ-euˬ yawˇ aˬ yawꞈ mawˇ yawꞈ ngaˇ yaˇ kʼaˬ daˇ-awˇ, yaw muiˬ hawˇ-eu yaw doeˇ biˇ paˆ ma.

Yeˬsaˬgeˬlaˇ 21:3

Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Naw maꞈ-ahˇ ngaˇ muiˇ-eu ma. Mi cehˇ gʼawˇ doˆ-awˇ, tsawˇ muiˬ tsawˇ doeˇ maˬ tseˇ ni naw maꞈ dawˬ tawˆ luꞈ-ahˇ sehꞈ ma.

Yeˬsaˬgeˬlaˇ 5:8

Kʼoeˇ miˇ neh, ngaˇ nawˬ-ahˇ muiˇ-eu ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Tsawˇ jeuˬ dawˬ tawˆ luꞈ mehˬ shi, nawˬ-ahˇ ngaˇ yaˇ kʼaˬ daˇ ma.

Yeˬsaˬgeˬlaˇ 3:20

“Yaw tsaˬ yaw dawˇ tsawˇ haˬ iˬ baˇ mˇ dahˬ beh laˇ-awˇ, ngaˬ neh shaˬ zahˬ laˆ naꞈ nehˬ ngeh, aˬ yawꞈ-ahˇ nawˇ maˬ mehˬ maˬ tsoˆ nehˬ ni aˬ yawꞈ shiˇ naˇ, aˬ yawꞈ-euˬ iˬ baˇ baˬ da neh shiˇ-euˬ jeˬ pyeuꞈ-eu meh. Aˬ yawꞈ neh mˇ-euˬ yaw muiˬ jeˬ dawˬ tawˆ luꞈ-ahˇ ngaˇ ngehˇ byoˆ nehˬ jiˇ-eu uˬ taꞈ, nawˬ-ahˇ kʼawꞈ ngaˇ do yuˇ ma.

Yeˬlaˬmiˇ 50:31

“Baˬbuˇloˬ miˇ kʼahˬ-oˇ, nawˇ-aˬ, nui ma huiˬ dui mahˇ dui dui-eu meh. Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu ngaˇ, Baoˬ huiˬ-eu Sahˬpaˬ Miˬyehˇ-aˬ, nawˬ-ahˇ muiˇ-eu ma. Ngaˇ nawˬ-ahˇ kʼehˬ nehˬ kʼaˆ nehˬ-eu aˇ nah keuˆ le-euˬ meh.

Yeˬlaˬmiˇ 39:6

Yiˇbaˬlahˬ meuˬ-ahˇ, Zeˬdaˬkiˇ-euˬ mehˬ shi, Zeˬdaˬkiˇ-euˬ aˬ li deuˬ-ahˇ Neˬbuˬkaˬneˬzaˬ neh bi sehꞈ-euˬ meh. Yuˇdaˆ miˇ kʼahˬ laꞈ kʼoeˇ yaw huiˬ yaw mahˇ geuꞈ-eu deuˬ-ahˇ kʼawꞈ aˬ yawꞈ bi sehꞈ-euˬ meh.

Yeˬsaˬgeˬlaˇ 13:23

Kʼoeˇ miˇ neh, naw maꞈ neh yaw sahˇ laꞈ kʼoeˇ ya mawˇ-euˬ maˬ tsaˬ-eu jeˬ hawˇ-eu, tsawˇ haˬ zaˬ-ahˇ sheuˬ bahˬ-eu mehˬ hu paw pyeuꞈ laˇ-eu gaˇ kawˆ mehˬ-eu jeˬ, nymˬ-mˇ neh dahˬ beh-awˇ, naw maꞈ maˬ paˇ bi mˇ ma. Ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ-ahˇ siˬ duˬ leˇ ni, naw maꞈ-euˬ baoˬ uˬ moˆ ngaˬ-euˬ tsawˇ haˬ deuˬ-ahˇ ngaˇ ka kʼoꞈ ma.”

Yeˬsaˬgeˬlaˇ 34:9

Kʼoeˇ miˇ neh, yawˇ bo-eu deuˬ-oˇ, ngaˇ ehˇ gaˇ naˇ haˬ-awˬ.