Yeˬsaˬgeˬlaˇ 33:8 - Akha

⁸ Haiˬ-eu tsawˇ haˬ tiˬ gʼaˬ ya shiˇ-eu keuˆ le-eu ngaˇ lehˇ ngaˇ ehˇ ngeh, aˬ yawꞈ maˬ ya shiˇ-eu gʼaˇ duˬ dehꞈ paˇ ni nawˇ maˬ mehˬ maˬ tsoˆ nehˬ-ehˇ, yaw haiˬ jeˬ mˇ-awˇ shiˇ naˇ, nawˬ-ahˇ ngaˇ do yuˇ ma.

Yeˬsaˬgeˬlaˇ 33:8 Referans Kwoze

Yeˬsaˬgeˬlaˇ 33:6

Ehˇ kʼawꞈ, loꞈ piˇ-eu gʼaˬ muiˇ-eu deuˬ laˇ luꞈ-eu mawˇ-euˬ kʼawꞈ, daˇ heh maˬ baw gaˬ nehˬ ni jawˇ-euˬ miˇ neh, muiˇ-eu deuˬ laˇ-awˇ tsawˇ haˬ kʼoeˇ deuˬ tiˬ gʼaˬ na bi sehꞈ naˇ, loꞈ piˇ-eu kʼoeˇ gʼaˬ-ahˇ ngaˇ do yuˇ ma.

Yeˬsaˬgeˬlaˇ 33:14

Haiˬ-eu tsawˇ haˬ ya shiˇ tehꞈ-a lehˇ ngaˇ ehˇ-euˬ ma. Ehˇ kʼawꞈ iˬ baˇ mˇ-eu jeˬ-ahˇ aˬ yawꞈ byehˇ dzeh-awˇ, yaw tsaˬ yaw dawˇ jeˬ hawˇ-eu yaw muiˬ jeˬ mˇ dahˬ beh-eu ehˇ-awˬ.

Yeˬsaˬgeˬlaˇ 18:4

Tsawˇ haˬ yawˬ gʼaˬ na luꞈ-eu saꞈ laˇ ngaˬ-euˬ tehꞈ ma. Aˬ da aˬ ma deuˬ-euˬ saꞈ laˇ maˬ ehˇ, zaˬ deuˬ-euˬ saꞈ laˇ maˬ ehˇ, ngaˬ-euˬ tehꞈ ma. Iˬ baˇ mˇ-eu tsawˇ haˬ aˬ yawꞈ gʼaˬ ya shiˇ tehꞈ-a.

Yeˬsaˬgeˬlaˇ 18:20

Iˬ baˇ mˇ-euˬ tsawˇ haˬ aˬ yawꞈ gʼaˬ ya shiˇ tehꞈ-a. Aˬ da-euˬ iˬ baˇ baˬ da neh, aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Kʼoeˇ loꞈ-ehˇ duˇ ni, aˬ li -euˬ iˬ baˇ baˬ da neh, aˬ da gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Muiˬ-eu tsawˇ haˬ yaw muiˬ jeˬ mˇ-euˬ baˬ da neh guiˬ lahˬ za-awˇ, haiˬ-eu tsawˇ haˬ yawˬ ha neh mˇ-euˬ yaw haiˬ jeˬ baˬ da neh ya shaˬ tehꞈ-a.

Yeˬsaˬgeˬlaˇ 18:18

Aˬ yawꞈ-euˬ aˬ da-aˬ, kʼoeˇ loꞈ-ehˇ maˬ dehꞈ ni, jaˬ myawꞈ mehˇ shuiˇ shuiˇ dzaˬ-awˇ, tahˇ joe joe dzaˬ-euˬ uˬ taꞈ, tsawˇ haˬ yawˬ gʼaˬ na luꞈ-ahˇ yaw haiˬ jeˬ jahˇ nehˬ-euˬ meh. Kʼoeˇ miˇ neh, yawˬ ha neh mˇ-euˬ iˬ baˇ baˬ da neh aˬ yawꞈ ya shiˇ-euˬ meh.

Iˇsaˬyaˇ 3:11

Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Aˇ dahˬ 3:4

Aˇ lawˇ kʼoeˇ mawˇ paˇ ehˇ-eu, “Toˆ-ehˇ maˬ ngeuˇ-a. Aˇ siˬ kʼoeˇ pyaˆ dzaˬ kʼawꞈ naw nyaꞈ maˬ ya shiˇ-a.

Dawˬ tsoˆ 8:13

Ehˇ kʼawꞈ, haiˬ-eu tsawˇ haˬ deuˬ ya shaˬ ya zahˬ tehꞈ-a. Aˬ yawꞈ maꞈ Miˬyehˇ ehˇ dawˬ maˬ naˇ haˬ-eu miˇ neh, dehꞈ ziˇ maˬ shehˇ-ehˇ, naˇ shmˇ shmˇ-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ byoˆ-iˇ tehꞈ-a.”

Bawˇtsahˬ 27:3

“Ngaˬ ha mehˇ nmˇ-euˬ aˬ da-aˬ, aˬ li tiˬ li-iˬ maˬ jawˇ le ni, bawˇ tsahˬ bawˇ dahˇ-ahˇ shiˇ yaꞈ-euˬ meh. Sahˬpaˬ Miˬyehˇ-ahˇ puiˬ-euˬ gʼaˬ pyeuꞈ-eu Kawˇlaˆ-euˬ mehˬ nah aˬ yawꞈ maˬ caw teh-aˬ. Aˬ yawꞈ-euˬ iˬ baˇ baˬ da neh aˬ yawˆ yawꞈ shiˇ-euˬ tehꞈ meh.

Aˇ dahˬ 2:17

Ehˇ kʼawꞈ, yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ kʼoeˇ bawˇ-euˬ aˇ siˬ nawˇ maˬ ya pyaˆ dzaˬ-a. Pyaˆ dzaˬ naˇ, dzaˬ ngeh nah neh nawˇ ya shiˇ tehꞈ-a” lehˇ ehˇ nehˬ-euˬ meh.

Yeˬsaˬgeˬlaˇ 3:18

Haiˬ-eu tsawˇ haˬ tiˬ gʼaˬ shiˇ-eu keuˆ laˇ shaw-iˬ meh lehˇ ngaˇ ehˇ ngeh, aˬ yawꞈ yawˬ haˇ yawˬ ha ka kʼoꞈ nya ni bi dehꞈ paˇ-eu gʼaˇ duˬ nawˇ maˬ mehˬ maˬ tsoˆ-ehˇ iˬ baˇ pi-awˇ bi shiˇ naˇ, nawˬ-ahˇ ngaˇ do yuˇ ma.